Yérémia

27 Ing awal pamréntahané Yéhoyakim* anaké Yosia raja Yéhuda, Yéhuwah ngomong marang Yérémia. 2 Yérémia kandha, ”Iki sing diomongké Yéhuwah marang aku: ’Gawénen tali-tali lan kayu-kayu sing dipasang ing gulu, terus pasangen sing siji ing gulumu. 3 Sing liyané kirimna marang raja Édom,+ raja Moab,+ rajané wong Ammon,+ raja Tirus,+ lan raja Sidon+ liwat para utusan sing teka marang Zédékia raja Yéhuda ing Yérusalèm. 4 Kongkonen wong-wong kuwi nyampèkké préntah iki marang rajané dhéwé-dhéwé:

”’”Iki sing diomongké Yéhuwah pemimpiné pasukan, Gusti Allahé Israèl, sing kudu mbok omongké marang rajamu: 5 ’Aku iki sing nggawé bumi, manungsa, lan kéwan ing bumi nganggo kuwasa-Ku sing gedhé lan kekuwatan-Ku. Aku wis mènèhké kabèh kuwi marang sapa waé sing Tak senengi.+ 6 Aku wis nyerahké kabèh tanah iki marang abdi-Ku Nébukhadnézar+ raja Babilon. Malah kéwan liar ing padhang wis Tak wènèhké bèn nglayani dhèwèké. 7 Kabèh bangsa bakal nglayani Nébukhadnézar, anaké, lan putuné nganti tekan wektuné tanahé dikalahké.+ Wektu kuwi, dhèwèké bakal dadi budhaké akèh bangsa lan raja sing hébat.’+

8 ”’”’Nèk ana bangsa utawa kerajaan sing ora gelem nglayani Nébukhadnézar raja Babilon lan ora gelem manut raja Babilon,* Aku bakal ngukum bangsa kuwi nganggo pedhang,+ kelaparan, lan wabah penyakit nganti bangsa kuwi Tak singkirké,’ kandhané Yéhuwah.

9 ”’”’Mula, aja ngrungokké para nabimu, peramal, tukang tafsir mimpi, ahli ilmu gaib, lan ahli sihir sing kandha, ”Kowé ora bakal nglayani raja Babilon,” 10 sebab wong-wong kuwi nyampèkké ramalan palsu marang kowé. Nèk ngrungokké wong-wong kuwi, kowé bakal digawa lunga adoh saka tanahmu. Aku bakal nggawé kowé kesebar, lan kowé bakal mati.

11 ”’”’Ning, bangsa sing gelem manut raja Babilon* lan nglayani dhèwèké bakal tetep manggon ing tanahé kanggo nggarap tanahé lan manggon ing kono,’ kandhané Yéhuwah.”’”

12 Aku ya kandha ngono marang Zédékia+ raja Yéhuda, ”Kowé kudu manut raja Babilon.* Kowé ya kudu nglayani dhèwèké lan rakyaté bèn kowé tetep urip.+ 13 Yéhuwah wis kandha nèk bangsa sing ora gelem nglayani raja Babilon bakal mati merga kelaparan,+ wabah penyakit,+ lan pedhang.+ Apa kowé lan rakyatmu gelem mati nganggo cara kaya ngono? 14 Aja ngrungokké para nabi sing kandha, ’Kowé ora bakal nglayani raja Babilon,’+ merga ramalané para nabi kuwi palsu.+

15 ”Yéhuwah kandha, ’Aku ora ngutus para nabi kuwi, ning wong-wong kuwi nyampèkké ramalan palsu nganggo jeneng-Ku. Nèk kowé ngrungokké wong-wong kuwi, Aku bakal nggawé kowé kesebar, lan kowé bakal mati bareng karo para nabi sing nyampèkké ramalan kuwi.’”+

16 Aku ya kandha marang para imam lan kabèh rakyat, ”Iki sing diomongké Yéhuwah: ’Aja ngrungokké para nabimu sing nyampèkké ramalan iki, ”Barang-barang ing omahé Yéhuwah bakal ndang digawa bali saka Babilon,”+ sebab ramalan kuwi palsu.+ 17 Aja ngrungokké wong-wong kuwi. Kowé kudu nglayani raja Babilon bèn kowé tetep urip.+ Nèk ora, kutha iki bakal hancur. 18 Ning, nèk wong-wong kuwi pancèn nabi lan pancèn nyampèkké omongané Yéhuwah, mesthiné wong-wong kuwi isa njaluk marang Yéhuwah pemimpiné pasukan bèn barang-barang sing isih ana ing omahé Yéhuwah, ing istanané raja Yéhuda, lan ing Yérusalèm ora digawa menyang Babilon.’

19 ”Yéhuwah pemimpiné pasukan ngomong soal tugu-tugu,+ Laut Tembaga,+ grobag-grobag,+ lan alat-alat sing isih ana ing kutha iki. 20 Barang-barang kuwi ora digawa Nébukhadnézar raja Babilon saka Yérusalèm menyang Babilon, yaiku pas dhèwèké nawan Yékonia anaké Yéhoyakim raja Yéhuda lan kabèh bangsawan Yéhuda lan Yérusalèm.+ 21 Iki sing diomongké Yéhuwah pemimpiné pasukan, Gusti Allahé Israèl soal barang-barang sing isih ana ing omahé Yéhuwah, ing istanané raja Yéhuda, lan ing Yérusalèm: 22 ’”Kuwi bakal digawa menyang Babilon+ lan bakal tetep ana ing kana nganti Aku éling karo kuwi manèh,” kandhané Yéhuwah. ”Terus, kuwi bakal Tak gawa bali lan Tak balèkké manèh ing panggonan iki.”’”+