Tenqʼ re tzolok

Ebʼ li kʼanjel choʼq re li kokʼal

Tenebʼanbʼil saʼ xbʼeen li naʼbʼej yuwaʼbʼej xkʼutbʼal chiruhebʼ li xkokʼal chirix li Jehobʼa (Efes. 6:4). Re xtenqʼankilebʼ, li xmolam li Jehobʼa naxkʼe rehebʼ jalan jalanq li naʼlebʼ. Chanru teʼxtaw rusilal?

• Saʼ jw.org wank naʼlebʼ choʼq rehebʼ li saaj joʼebʼ li bʼideo ut jalan jalanq li naʼlebʼ li teʼruuq xtzolbʼal.a Re xtawbʼal li naʼlebʼ pitzʼ bʼarwiʼ naxye «Li naxkʼut li Santil Hu» ut moqon bʼarwiʼ naxye «Kokʼal» malaj «Ebʼ li saaj».

• Sikʼ li naʼlebʼ li tkʼanjelaq chaawu. Bʼarwiʼ naxye «Kokʼal», naru taasikʼ li naʼlebʼ li tkʼanjelaq choʼq re laakokʼal. Taataw wiibʼ oxibʼ li eetalil saʼ «Ideas para la adoración en familia».

• Aatinan chirix li naʼlebʼ rikʼin laawalal aakʼajol. Maawoksi ebʼ li bʼideo ut ebʼ li kʼanjel bʼarwiʼ teʼruuq chi tzʼiibʼak kaʼajwiʼ re rajsinkil ru laakokʼal. Chaawoksi bʼan li naʼlebʼ re naq taatzʼil rix rikʼin ut tenqʼahebʼ re naq teʼwanq choʼq ramiiw li Jehobʼa.