-
ច្បាប់លេវី ២៣:៣៤-៣៦គម្ពីរបរិសុទ្ធសេចក្ដីបកប្រែពិភពលោកថ្មី
-
-
៣៤ «ចូរប្រាប់បណ្ដាជនអ៊ីស្រាអែលថា៖ ‹នៅថ្ងៃទី១៥ ក្នុងខែទី៧ គឺជាបុណ្យខ្ទម*ជូនព្រះយេហូវ៉ា ដែលមានរយៈពេល៧ថ្ងៃ។+ ៣៥ នៅថ្ងៃដំបូងត្រូវជួបជុំគ្នាគោរពប្រណិប័តន៍ព្រះ ហើយមិនត្រូវធ្វើការនឿយហត់អ្វីឡើយ។ ៣៦ អស់៧ថ្ងៃ អ្នករាល់គ្នាត្រូវជូនគ្រឿងបូជាដុតដល់ព្រះយេហូវ៉ា។ លុះដល់ថ្ងៃទី៨ អ្នករាល់គ្នាត្រូវជួបជុំគ្នាគោរពប្រណិប័តន៍ព្រះយេហូវ៉ា+ ហើយត្រូវជូនគ្រឿងបូជាដុតដល់លោក។ ថ្ងៃនោះជាថ្ងៃបុណ្យដ៏ឱឡារិក អ្នករាល់គ្នាមិនត្រូវធ្វើការនឿយហត់អ្វីឡើយ។
-
-
ការបំភ្លឺច្បាប់ ១៦:១៣-១៥គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៣ «ពេលប្រមូលផលស្រូវ* ស្រាទំពាំងបាយជូរ និងប្រេង* អ្នករាល់គ្នាត្រូវធ្វើបុណ្យខ្ទម*+អស់រយៈពេល៧ថ្ងៃ។ ១៤ ក្នុងអំឡុងពេលនោះ អ្នករាល់គ្នាត្រូវអរសប្បាយ+ជាមួយនឹងកូនប្រុសកូនស្រីខ្លួន ខ្ញុំបម្រើប្រុសស្រី និងពួកលេវី ព្រមទាំងជាមួយនឹងជនបរទេស កូនកំព្រា និងស្ត្រីមេម៉ាយដែលរស់នៅក្នុងបណ្ដាក្រុងរបស់អ្នករាល់គ្នា។ ១៥ អស់៧ថ្ងៃ អ្នករាល់គ្នាត្រូវធ្វើបុណ្យ+ជូនព្រះយេហូវ៉ាជាព្រះនៃអ្នករាល់គ្នា ត្រង់កន្លែងដែលព្រះយេហូវ៉ាជ្រើសរើស ព្រោះព្រះយេហូវ៉ាជាព្រះនៃអ្នករាល់គ្នានឹងឲ្យពរអ្នករាល់គ្នាក្នុងគ្រប់កិច្ចការទាំងអស់+ ហើយអ្នករាល់គ្នានឹងមានភោគផលជាច្រើន។ ពេលនោះ អ្នករាល់គ្នានឹងមានអំណរក្រៃលែង។+
-
-
នេហេមា ៨:១៤-១៨គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៤ កាលដែលពួកគេកំពុងស្វែងយល់អំពីច្បាប់របស់ព្រះយេហូវ៉ា ដែលលោកបានឲ្យតាមរយៈម៉ូសេ ពួកគេរកឃើញថាក្នុងអំឡុងពិធីបុណ្យនាខែទី៧ ជនជាតិអ៊ីស្រាអែលត្រូវស្នាក់នៅក្នុងខ្ទម+ ១៥ និងត្រូវប្រកាស+នៅទូទាំងក្រុងយេរូសាឡិមនិងក្រុងឯទៀតថា៖ «ចូរនាំគ្នាចេញទៅឯតំបន់ភ្នំ ហើយកាប់យកមែកឈើដែលមានស្លឹកច្រើន ពីដើមអូលីវ ដើមស្រល់ ដើមមើថល ដើមលម៉ើ និងដើមឯទៀត ដើម្បីយកមកប្រក់ធ្វើខ្ទម ស្របតាមច្បាប់ម៉ូសេ»។
១៦ ដូច្នេះ បណ្ដាជននាំគ្នាចេញទៅកាប់មែកឈើ យកមកធ្វើខ្ទមនៅលើដំបូលផ្ទះរបស់ពួកគេ នៅទីធ្លាផ្ទះ នៅទីលានវិហាររបស់ព្រះដ៏ពិត+ ទីលានសាធារណៈក្បែរទ្វារទឹក+ និងទីលានសាធារណៈក្បែរទ្វារអេប្រាអ៊ីម។+ ១៧ យ៉ាងនេះ ជនជាតិអ៊ីស្រាអែលដែលធ្លាប់ធ្វើជាឈ្លើយ បានធ្វើខ្ទមហើយស្នាក់នៅក្នុងខ្ទមទាំងនោះ។ ចាប់តាំងពីគ្រាយ៉ូស្វេ+ជាកូននុន រហូតដល់ថ្ងៃនោះ ពួកគេមិនបានធ្វើដូច្នេះទេ។ ម្ល៉ោះហើយ បណ្ដាជនមានសេចក្ដីសប្បាយរីករាយក្រៃលែង។+ ១៨ រៀងរាល់ថ្ងៃ គឺចាប់ពីថ្ងៃដំបូងរហូតដល់ថ្ងៃចប់ពិធីបុណ្យខ្ទម គេអានច្បាប់របស់ព្រះដ៏ពិត។+ ពួកគេបានធ្វើពិធីបុណ្យនោះអស់៧ថ្ងៃ ហើយនៅថ្ងៃទី៨ពួកគេមានប្រជុំពិសេស ស្របតាមច្បាប់តម្រូវ។+
-