-
ការបំភ្លឺច្បាប់ ២:៣០-៣៥គម្ពីរបរិសុទ្ធសេចក្ដីបកប្រែពិភពលោកថ្មី
-
-
៣០ ទោះជាយ៉ាងនោះក៏ដោយ ស្ដេចស៊ីហុនមិនបានអនុញ្ញាតឲ្យយើងដើរឆ្លងកាត់ស្រុកគាត់ទេ ព្រោះព្រះយេហូវ៉ាជាព្រះរបស់អ្នករាល់គ្នាបានឲ្យគាត់មានចិត្តរឹងរូស+ ដើម្បីប្រគល់គាត់មកក្នុងកណ្ដាប់ដៃអ្នករាល់គ្នា ហើយអ្នករាល់គ្នាបានឃើញដូច្នោះមែន។+
៣១ «បន្ទាប់មក ព្រះយេហូវ៉ាបានមានប្រសាសន៍មកខ្ញុំទៀតថា៖ ‹មើល! ខ្ញុំបានប្រគល់ស្ដេចស៊ីហុននិងទឹកដីរបស់គាត់ ឲ្យអ្នកហើយ។ ដូច្នេះ ចូរទៅចាប់យកទឹកដីនោះទុកជាមត៌កចុះ›។+ ៣២ ពេលស្ដេចស៊ីហុននាំទ័ពទាំងអស់របស់គាត់ មកច្បាំងនឹងយើងនៅក្រុងយេហាស+ ៣៣ ព្រះយេហូវ៉ាជាព្រះរបស់យើងបានប្រគល់គាត់មកក្នុងកណ្ដាប់ដៃយើង។ ដូច្នេះ យើងក៏វាយឈ្នះគាត់និងកូនៗគាត់ ព្រមទាំងទ័ពទាំងអស់របស់គាត់។ ៣៤ នៅពេលនោះ យើងបានចាប់យកក្រុងទាំងអស់របស់គាត់ ហើយបំផ្លាញក្រុងទាំងនោះចោល រួមទាំងបុរស ស្ត្រី និងកូនក្មេងផងដែរ គ្មានអ្នកណាម្នាក់រួចជីវិតឡើយ។+ ៣៥ ប៉ុន្តែ យើងបានរឹបអូសយករបស់របរ និងហ្វូងសត្វពីក្រុងទាំងនោះ។
-
-
អ្នកសម្រេចក្ដី ១១:១៩, ២០គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៩ «‹បន្ទាប់មក ជនជាតិអ៊ីស្រាអែលចាត់អ្នកនាំសារឲ្យទៅឯស៊ីហុនជាស្ដេចជនជាតិអាម៉ូរី និងជាស្ដេចក្រុងហែសបូន ដោយប្រាប់ថា៖ «សូមឲ្យយើងដើរកាត់ទឹកដីរបស់អ្នក ទៅកន្លែងរបស់យើងផង»។+ ២០ ប៉ុន្តែ ស៊ីហុនមិនទុកចិត្តជនជាតិអ៊ីស្រាអែលឲ្យដើរឆ្លងកាត់តំបន់របស់គាត់ឡើយ។ ដូច្នេះ ស៊ីហុនក៏ប្រមូលមនុស្សទាំងអស់របស់គាត់ទៅបោះទ័ពនៅក្រុងយេហាស រួចប្រយុទ្ធនឹងជនជាតិអ៊ីស្រាអែល។+
-