-
បណ្ដាស្ដេចទី២ ២០:១៦-១៨គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៦ ខណៈនោះ អេសាយក៏និយាយទៅកាន់ហេសេគាថា៖ «សូមស្ដាប់ប្រសាសន៍របស់ព្រះយេហូវ៉ា។+ ១៧ ព្រះយេហូវ៉ាមានប្រសាសន៍ថា៖ ‹មើល! នឹងមានគ្រាមកដល់ ដែលរបស់ទ្រព្យទាំងអស់ក្នុងវិមានអ្នក និងរបស់របរដែលបុព្វបុរសរបស់អ្នកបានសន្សំទុករហូតមកដល់សព្វថ្ងៃ នឹងត្រូវដឹកជញ្ជូនយកទៅស្រុកបាប៊ីឡូនទាំងអស់+ គ្មាននៅសេសសល់អ្វីឡើយ›។ ១៨ លោកក៏មានប្រសាសន៍ទៀតថា៖ ‹កូនចៅរបស់អ្នកដែលនឹងកើតមក ពួកគេនឹងត្រូវនាំយកទៅស្រុកបាប៊ីឡូន ហើយនឹងក្លាយទៅជាមន្ត្រីជាន់ខ្ពស់ក្នុងវិមានស្ដេចស្រុកនោះ›»។+
-
-
បណ្ដាស្ដេចទី២ ២៤:១១គម្ពីរបរិសុទ្ធសេចក្ដីបកប្រែពិភពលោកថ្មី
-
-
១១ ក្រោយមក នេប៊ូក្នេសាជាស្ដេចស្រុកបាប៊ីឡូនបានទៅក្រុងយេរូសាឡិម កាលដែលពលទ័ពរបស់គាត់កំពុងឡោមព័ទ្ធក្រុងនោះ។
-
-
ប្រវត្តិហេតុទី២ ៣៦:១៨គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៨ ស្ដេចនៃពួកខាល់ដេក៏បានប្រមូលយកប្រដាប់ប្រដាទាំងអស់ ទាំងតូចទាំងធំពីវិហាររបស់ព្រះពិត។ បន្ថែមទៅទៀត គាត់បានប្រមូលយកទ្រព្យសម្បត្តិពីវិហារព្រះយេហូវ៉ា ពីវិមានស្ដេចនិងផ្ទះរបស់ពួកអភិបាល យកទៅស្រុកបាប៊ីឡូន។+
-
-
ដានីយ៉ែល ១:១, ២គម្ពីរបរិសុទ្ធសេចក្ដីបកប្រែពិភពលោកថ្មី
-
-
១ នៅឆ្នាំទី៣នៃរាជ្យយេហូយ៉ាគីម+ស្ដេចស្រុកយូដា នេប៊ូក្នេសាស្ដេចស្រុកបាប៊ីឡូនបានមកឡោមព័ទ្ធក្រុងយេរូសាឡិម។*+ ២ មួយរយៈក្រោយមក ព្រះយេហូវ៉ាបានប្រគល់យេហូយ៉ាគីមស្ដេចស្រុកយូដា និងប្រដាប់ប្រដាខ្លះដែលនៅក្នុងវិហារព្រះពិត ទៅក្នុងកណ្ដាប់ដៃស្ដេចស្រុកបាប៊ីឡូន។+ ស្ដេចនោះបាននាំយកប្រដាប់ប្រដាទាំងនោះទៅស្រុកស៊ីណើរ*+ រួចដាក់ក្នុងឃ្លាំងវិហារព្រះរបស់គាត់។+
-