តើមនុស្សស្លាប់មានសេចក្ដីសង្ឃឹមអ្វី?
យើងទាំងអស់គ្នាស្លាប់ ប៉ុន្តែតើសេចក្ដីស្លាប់ជាទីបញ្ចប់នៃអ្វីៗទាំងអស់ឬ? តើមនុស្សស្លាប់នឹងត្រូវបានភ្លេចរហូតទេ? តើមនុស្សស្លាប់មានសេចក្ដីសង្ឃឹមឬទេ?
សូមពិចារណាអ្វីដែលគម្ពីរចែង៖
មនុស្សស្លាប់នឹងមិនត្រូវបានភ្លេចទេ
«អស់អ្នកនៅក្នុងផ្នូរដែលសម្រាប់ជាទីរំលឹក នឹង . . . ចេញមក»។—យ៉ូហាន ៥:២៨, ២៩
ព្រះនឹកចាំមនុស្សដែលបានស្លាប់ ហើយពួកអ្នកដែលនៅក្នុងការនឹកចាំរបស់លោកនឹងត្រូវប្រោសឲ្យរស់ឡើងវិញ។
ការប្រោសឲ្យរស់ឡើងវិញនឹងមាននៅផែនដី
«មនុស្សសុចរិតនិងមនុស្សមិនសុចរិតនឹងត្រូវប្រោសឲ្យរស់ឡើងវិញ»។—សកម្មភាព ២៤:១៥
ព្រះនឹងប្រោសមនុស្សរាប់ពាន់លាននាក់ឲ្យរស់ឡើងវិញហើយពួកគេនឹងមានសេចក្ដីសង្ឃឹមរស់ជារៀងរហូតដោយមានសេចក្ដីក្សេមក្សាន្តដ៏បរិបូរ។
យើងអាចជឿទុកចិត្តទៅលើសេចក្ដីសង្ឃឹមនៃការប្រោសឲ្យរស់ឡើងវិញ
«[ព្រះ]រាប់ចំនួននៃអស់ទាំងផ្កាយ ក៏ហៅបានតាមឈ្មោះទាំងអស់»។—ទំនុកតម្កើង ១៤៧:៤
ព្រះអាចហៅផ្កាយទាំងអស់តាមឈ្មោះ នោះលោកអាចចាំយ៉ាងងាយនូវមនុស្សដែលលោកនឹងប្រោសឲ្យរស់ឡើងវិញ។