តើខ្ញុំនឹងនិយាយអ្វី?
ពេលយើងជួបមនុស្សនៅកន្លែងផ្សាយ ដែលបានប្រតិកម្មដ៏វិជ្ជាមាន នោះយើងចង់ត្រឡប់ទៅជួបវិញ ដើម្បីផ្សាយប្រាប់គេថែមទៀត។ ប៉ុន្តែ យើងប្រហែលជាមិនច្បាស់ក្នុងការនិយាយយ៉ាងណានៅលើកក្រោយ។ អ្នកអាចសាកល្បងតាមរបៀបនេះ៖ សួរសំនួរដ៏គួរចាប់អារម្មណ៍ ហើយបើកសៀវភៅ Reasoning ដើម្បីបង្ហាញចម្លើយពីបទគម្ពីរ។ ជាការប្រសើរ ប្រសិនបើមានបញ្ជីនៃសំនួរដែលអ្នកអាចរើសសំនួរណាមួយ ដែលអ្នកគិតថានឹងមានលទ្ធផលល្អពេលត្រឡប់ទៅជួបវិញ។ បញ្ជីនៅខាងក្រោមនេះ បានដកស្រង់ពីសៀវភៅ Reasoning ដែលបង្ហាញលេខទំព័រពីដែលអាចរកឃើញចម្លើយ៖
▪ ហេតុអ្វីបានជាយើងទៅជាចាស់ជរាហើយត្រូវស្លាប់ទៅ? (៩៨)
▪ តើមានមូលហេតុត្រឹមត្រូវទេ សំរាប់ការជឿលើព្រះ? (១៤៥)
▪ តើព្រះពិតជាខ្វល់ខ្វាយអំពីអ្វីដែលនឹងកើតដល់មនុស្សយើងឬទេ? (១៤៧)
▪ តើបុគ្គលម្នាក់ត្រូវតែទៅស្ថានសួគ៌ដើម្បីឲ្យអនាគតដ៏សុភមង្គលឬ? (១៦៣)
▪ ហេតុអ្វីបានជាសំខាន់ម្ល៉េះ ដើម្បីដឹងហើយប្រើព្រះនាមផ្ទាល់របស់ព្រះ? (១៩៦)
▪ តើព្រះរាជាណាចក្រនៃព្រះនឹងសម្រេចបានអ្វី? (២២៧)
▪ តើអ្វីជាគោលបំណងនៃជីវិតមនុស្ស? (២៤៣)
▪ ហេតុអ្វីបានជាមានសាសនាច្រើនម្ល៉េះ? (៣២២)
▪ តើបុគ្គលម្នាក់អាចដឹងថាតើសាសនាមួយណាជាសាសនាពិតយ៉ាងដូចម្ដេច? (៣២៨)
▪ តើអារក្សសាតាំងមានអំណាចក្នុងលោកីយ៍នេះដល់កំរិតណា? (៣៦៤)
▪ ហេតុអ្វីបានជាព្រះអនុញ្ញាតឲ្យមានសេចក្ដីវេទនា? (៣៩៣)
▪ ហេតុអ្វីក៏មានអំពើអាក្រក់ជួជាតិច្រើនម្ល៉េះ? (៤២៧)
អ្នកអាចទុកបញ្ជីនៃសំនួរទាំងនេះក្នុងព្រះគម្ពីរ ឬក្នុងសៀវភៅ Reasoning សំរាប់ស្រួលយកមកមើល។ (ចំពោះអ្នកណាដែលមិននិយាយភាសាដែលសៀវភៅ Reasoning បានបោះពុម្ព នោះគួរកត់ចំណុចសំខាន់ៗពេលពិគ្រោះរឿងនេះនៅកិច្ចប្រជុំអប់រំកិច្ចបំរើ ហើយទុកចំណុចនេះក្នុងព្រះគម្ពីររបស់គេ)។ ដោយមានចំណុចដ៏ច្បាស់លាស់ដើម្បីនឹងនិយាយពេលត្រឡប់ទៅជួបវិញ នោះនឹងលើកទឹកចិត្តអ្នកឲ្យមានការស្មោះត្រង់ក្នុងការត្រឡប់ទៅជួបមនុស្សដែលចាប់អារម្មណ៍។