ប្រអប់សំនួរ
▪ ឪពុកម្ដាយត្រូវប្រយ័ត្នប្រយែងអ្វី នៅពេលដែលកូនក្មេងរបស់គេចូលរួមក្នុងកិច្ចបំរើផ្សាយនោះ?
ដោយត្រឹមត្រូវ ឪពុកម្ដាយជាគ្រីស្ទានយកកូនទៅផ្សាយជាមួយគេ ដោយបង្ហាត់គេឲ្យចូលរួមចែកចាយដំណឹងល្អដល់អ្នកឯទៀត។ ក្នុងការធ្វើបែបនេះ គឺត្រូវមើលកូនគេឲ្យបានមែនទែន ពីព្រោះក្រែងលោមានគ្រោះថ្នាក់ក្នុងតំបន់ផ្សាយ សូម្បីតែនៅក្នុងតំបន់ដែលគេចាត់ទុកថា«ឥតគ្រោះថ្នាក់»។ កូនក្មេងគឺទទួលអំពើឃោរឃៅ និងការធ្វើបាបកាន់តែច្រើនឡើង ពីព្រោះដោយមានការលោភនិងការខូចសីលធម៌ខាងកាម នៅក្នុង«គ្រាលំបាក»ដែលយើងកំពុងរស់នៅនេះ។ (ធីម៉ូថេទី២ ៣:១-៥) ឪពុកម្ដាយត្រូវមានការប្រយ័ត្នប្រយែងឲ្យសមគួរ ដើម្បីការពារកូនតូចៗរបស់គេ ពីអស់អ្នកដែលបៀតបៀនគេនោះ។ តើអាចធ្វើយ៉ាងណាបាន?
ព្រះគម្ពីរឲ្យឱវាទដែលប្រកបដោយប្រាជ្ញា ថាយើងឲ្យប្រយ័ត្ននិងគិតទុកជាមុននូវគ្រោះថ្នាក់ដែលអាចកើតឡើង។ (សុភាសិត ២២:៣; ម៉ាថាយ ១០:១៦) គោលបំណងនៅទីនេះគឺមិនដើម្បីបង្កើតក្រិត្យនោះទេ ប៉ុន្តែគឺប្រកបដោយប្រាជ្ញា បើឪពុកឬមនុស្សចាស់ម្នាក់ទៀត ត្រូវទៅជាមួយក្មេងនៅពេលទៅក្នុងកិច្ចបំរើផ្សាយនោះ។ ប្រសិនបើអ្នកផ្សាយក្មេងពីរនាក់ដ៏យកចិត្តទុកដាក់ទៅផ្សាយជាមួយគ្នា គឺជាល្អបើឪពុកម្ដាយឬមនុស្សចាស់អាចមើលគេឃើញជារៀងរាល់ដង។ ប្រាកដហើយ ពេលក្មេងធំឡើង ហើយចេះយកចិត្តទុកដាក់ច្រើននោះ ឪពុកម្ដាយអាចសម្រេចចិត្តថាតើ គាត់ឬក៏នាងត្រូវការមើលទទួលខុសត្រូវដ៏តិចតួចពីឪពុកម្ដាយ។—សូមមើល កិច្ចបំរើព្រះរាជាណាចក្រយើង ខែតុលា ឆ្នាំ១៩៩២ ប្រអប់សំនួរ។ (ភាសាអង់គ្លេស)
គឺប្រកបដោយប្រាជ្ញា ក្នុងការយកចិត្តទុកដាក់ចំពោះសុវត្ថិភាព កាលដែលធ្វើដំណើរដោយរថយន្ត និងនៅពេលធ្វើដំណើរដើរលែង។ ការចាត់វិធានការអំពីការប្រយ័ត្នប្រយែងឲ្យបានត្រឹមត្រូវ តែងតែបង្ការគ្រោះថ្នាក់ និងបន្ទុកដ៏ឈឺចាប់ ការបង់តម្លៃខាងការព្យាបាល និងការសងបំណុលទៅគណនេយ្យដែលមានកាន់តែច្រើនឡើង ក្នុងពិភពលោកនៅជុំវិញយើង។
ជាការត្រឹមត្រូវសំរាប់ឲ្យពួកក្មេងៗ «សរសើរដល់ព្រះនាមព្រះយេហូវ៉ា»។ (ទំនុកដំកើង ១៤៨:១២, ១៣) ពាក្យសំដីដ៏ពីរោះ និងមារយាទដ៏ល្អរបស់គេ កាលនៅក្នុងកិច្ចបំរើផ្សាយ គឺធ្វើឲ្យរំភើបដល់អ្នកឯទៀត និងនាំឲ្យមានកិត្ដិយសដល់ព្រះយេហូវ៉ា។ ឪពុកម្ដាយសូមអញ្ជើញជួយកូនរបស់អ្នកឲ្យចូលរួមក្នុងការប្រកាសដំណឹងល្អ ឲ្យបានជារឿយៗចុះ កាលដែលអ្នកមានចិត្តប្រុងប្រយ័ត្នជានិច្ច ដើម្បីការពារគេពីគ្រោះថ្នាក់ដែលអាចមានឡើងនោះ!