ប្រអប់សំនួរ
▪ តើការទះដៃគឺសមរម្យទេ ពេលដែលមានការជូនដំណឹងពីការទទួលចូលក្នុងមិត្តភាពវិញ?
ដោយសារសេចក្ដីសប្បុរសដ៏ស្មោះរបស់ព្រះយេហូវ៉ា នោះទ្រង់បានផ្ដល់នូវវិធីសមស្របនឹងបទគម្ពីរ ដោយឲ្យមនុស្សដែលបានប្រព្រឹត្តខុសហើយប្រែចិត្តវិញ ទទួលនូវព្រះគុណម្ដងទៀតហើយត្រូវទទួលចូលក្នុងមិត្តភាពវិញក្នុងក្រុមជំនុំគ្រីស្ទាន។ (ទំនុកដំកើង ៥១:១២, ១៧) នៅពេលរឿងនេះកើតឡើង យើងត្រូវលើកទឹកចិត្តឲ្យបញ្ជាក់សេចក្ដីស្រឡាញ់របស់យើងចំពោះមនុស្សបែបនេះ។—កូរិនថូសទី២ ២:៦-៨
យ៉ាងណាក៏ដោយ ទោះបីយើងមានចិត្តរីករាយយ៉ាងខ្លាំងពេលដែលញាតិសន្ដានឬក៏ពួកម៉ាកម្នាក់ត្រូវទទួលចូលក្នុងមិត្តភាពវិញក៏ដោយ ពេលដែលមានការជូនដំណឹងក្នុងក្រុមជំនុំពីការទទួលមនុស្សម្នាក់ក្នុងមិត្តភាពវិញ នោះប្រកបដោយសេចក្ដីថ្លៃថ្នូរក្នុងការស្ងៀមស្ងាត់។ ទស្សនាវដ្ដីប៉មយាម ពីថ្ងៃទី១ ខែមករា ឆ្នាំ១៩៩៩ នៅទំព័រទី១៦ បានប្រាប់ថា៖«យើងត្រូវតែចាំថា មនុស្សភាគច្រើនក្នុងក្រុមជំនុំមិនដឹងនូវកាលៈទេសៈដែលបាននាំទៅដល់ការបណ្ដាច់មិត្តភាព ឬក៏ការទទួលឲ្យចូលក្នុងមិត្តភាពវិញនោះទេ។ បន្ថែមទៅទៀត ប្រហែលមានគេក្នុងក្រុមជំនុំដែលបានត្រូវប៉ះពាល់ឬបញ្ឈឺចិត្ត ប្រហែលអស់រយៈពេលជាយូរ ដោយអំពើខុសរបស់អ្នកប្រែចិត្តនោះ។ ដោយការយល់ដឹងនូវរឿងទាំងនេះ នៅពេលមានសេចក្ដីជូនដំណឹងអំពីការទទួលឲ្យចូលក្នុងមិត្តភាពវិញ គឺជាការសមហេតុសមផល ដែលយើងទុកពាក្យទទួលស្វាគមន៍នេះទៅនិយាយប្រាប់គាត់ដោយខ្លួនឯងផ្ទាល់»។
ទោះបីយើងសប្បាយចិត្តឃើញមនុស្សម្នាក់ត្រឡប់មកឯសេចក្ដីពិតវិញក៏ដោយ ការទះដៃនៅពេលដែលគេជូនដំណឹងពីការទទួលគាត់ចូលក្នុងមិត្តភាពវិញ គឺមិនសមរម្យទេ។