កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី៩ ខែតុលា
ចំរៀង លេខ១១
៨ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។
១២ នាទី: មហាសន្និបាតដែលមានប្រធាន «អ្នកប្រព្រឹត្តតាមព្រះបន្ទូលរបស់ព្រះ»។ អ្នកចាស់ទុំម្នាក់សើរើឡើងវិញនូវចំណុចណាដែលទាក់ទងតាមតំបន់ ពីសន្លឹកបន្ថែមក្នុងកិច្ចបំរើព្រះរាជាណាចក្រយើង ពីខែឧសភា ឆ្នាំ២០០០ និងបញ្ជាក់ថា ជាការចាំបាច់ឲ្យទាំងអស់គ្នារៀបចំឥឡូវ ដើម្បីចូលរួមកម្មវិធីទាំងមូលនៃសន្និបាតនោះ។
២៥ នាទី: «សហស្សវត្សរ៍ថ្មី តើសហស្សវត្សរ៍នេះមានអនាគតបែបណាសំរាប់អ្នក?» ការពិគ្រោះដ៏រស់រវើកដោយអ្នកត្រួតពិនិត្យកិច្ចបំរើ។ ក្រោយពីអានចប់នូវសេចក្ដីជូនដំណឹងដែលបានផ្ដល់ឲ្យតាមសំបុត្រពីសមាគមយើងជូនពួកអ្នកចាស់ទុំពីថ្ងៃទី៣ ខែកក្កដា ឆ្នាំ២០០០ សូមចែកដំណឹងព្រះរាជាណាចក្រ លេខ៣៦មួយសន្លឹក ឲ្យអ្នកនិមួយៗដែលនៅប្រជុំនោះ។ រួចមក បន្តជាការពិគ្រោះនូវអត្ថបទដោយសំនួរនិងចម្លើយ។ រៀបរាប់ពីការរៀបចំតាមតំបន់ដើម្បីចែកក្នុងគ្រប់ទិសទីពេញតំបន់ផ្សាយ។ គិតពិចារណាពីរបៀបជួយអ្នកថ្មីនិងពួកក្មេងៗបំពេញតម្រូវការធ្វើជាអ្នកផ្សាយដែលមិនទាន់ទទួលបុណ្យជ្រមុជទឹក។ បង្ហាញនូវការសម្ដែងមួយដ៏ខ្លី។ ចូរបញ្ជាក់ថា ជាការចាំបាច់ដែលគ្រប់គ្នាចូលរួមប្រតិបត្ដិការផ្សាយប្រកាសនេះយ៉ាងពេញលេញ។
ចំរៀង លេខ៥៣ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៦ ខែតុលា
ចំរៀង លេខ១០៤
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។ រំឭកអស់អ្នកផ្សាយថា ពេលផ្សព្វផ្សាយថ្ងៃសៅរ៍និងថ្ងៃអាទិត្យ ត្រូវតែបង្ហាញទស្សនាវដ្ដីប៉មយាមជាមួយនឹងដំណឹងព្រះរាជាណាចក្រ លេខ៣៦។
១៥ នាទី: «ឧបករណ៍ដែលអប់រំ ជំរុញទឹកចិត្តនិងចំរើនកម្លាំង»។ (វគ្គទី១ និង២ប៉ុណ្ណោះ)។ សុន្ទរកថា។ សើរើឡើងវិញជាសង្ខេប នូវប្រវត្ដិសាស្ត្រនៃសមាគមយើងខាងការចាប់ផ្ដើមបង្កើតកាសែតវីឌេអូ។ (សូមមើលសៀវភៅស្មរបន្ទាល់ព្រះយេហូវ៉ា—ពួកអ្នកប្រកាសព្រះរាជាណាចក្រ ទំព័រ៦០០-៦០១) (ជាភាសាអង់គ្លេស)។ លើកទឹកចិត្តទាំងអស់គ្នាមើលកាសែតវីឌេអូស្មរបន្ទាល់ព្រះយេហូវ៉ា—អង្គការដែលគាំទ្រឈ្មោះនោះ ដើម្បីរៀបចំសំរាប់ការពិគ្រោះនៅឯកិច្ចប្រជុំអប់រំកិច្ចបំរើ នៅសប្ដាហ៍ចាប់ពីថ្ងៃទី៣០ ខែតុលា។ អស់អ្នកដែលមានកាសែតនោះ អាចចែកឲ្យពួកអ្នកដែលអត់មានទេ ឬក៏ប្រហែលជាអាចមើលនោះជាមួយគ្នា។
២០ នាទី: យើងទាំងអស់គ្នាអាចបង្ហាញនូវចិត្តគំនិតជាអ្នកត្រួសត្រាយ។ ការសន្ទនារវាងអ្នកដឹកនាំការសិក្សាតាមក្រុមម្នាក់និងអ្នកជំនួយការរបស់គាត់ ដោយមានមូលដ្ឋានទៅលើទស្សនាវដ្ដីប៉មយាម ថ្ងៃទី១ ខែមករា ឆ្នាំ១៩៩៨ ទំព័រ២៨, ២៩។ គិតពិចារណាពីហេតុដែលការមានអ្នកត្រួសត្រាយច្រើនទៀតក្នុងក្រុមជំនុំជាការល្អប្រសើរ ហើយពីរបៀបដែលគ្រប់គ្នាអាចរួមកម្លាំងដើម្បីសម្រេចគោលដៅនេះ។ ក៏គិតពិចារណាពីរបៀបលើកទឹកចិត្តអស់អ្នកត្រួសត្រាយឲ្យធ្វើបន្ត និងរបៀបដែលគ្រប់គ្នាក្នុងក្រុមជំនុំអាចបង្កើនឲ្យមានចិត្តខ្នះខ្នែងខាងកិច្ចបំរើផ្សាយ។
ចំរៀង លេខ១៣១ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៣ ខែតុលា
ចំរៀង លេខ១៥០
១០ នាទី: សេចក្ដីជូនដំណឹងតាមតំបន់។
១៥ នាទី: សេចក្ដីត្រូវការតាមតំបន់។
២០ នាទី: ចូររៀបចំយ៉ាងហ្មត់ចត់សំរាប់កិច្ចប្រជុំនានា។ សុន្ទរកថានិងការពិគ្រោះជាមួយពួកអ្នកស្ដាប់។ ផលប្រយោជន៍ដែលយើងទទួលពីកិច្ចប្រជុំនានា ក៏ច្រើនតែពឹងពាក់ទៅលើយើងឲ្យខិតខំរៀបចំប៉ុនណាទៅ។ សើរើឡើងវិញនូវយោបល់ដ៏ស្រួលអនុវត្ត ពីទស្សនាវដ្ដីប៉មយាម ថ្ងៃទី១ ខែមិថុនា ឆ្នាំ១៩៩៨ ទំព័រ១៧-១៩ វគ្គ៨-១១។ អញ្ជើញពួកអ្នកស្ដាប់រៀបរាប់ពីរបៀបដែលគេបណ្ដុះឲ្យមានទឹកចិត្តដ៏ជាចាំបាច់ និងរកឆ្លៀតឱកាសដែលត្រូវការដើម្បីរៀបចំឲ្យបានល្អ។
ចំរៀង លេខ២១១ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៣០ ខែតុលា
ចំរៀង លេខ១៦៧
៨ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សព្វផ្សាយសំរាប់ខែតុលា។
១២ នាទី: បទពិសោធន៍ពីការស្នើផ្ដល់នូវដំណឹងព្រះរាជាណាចក្រ លេខ៣៦។ សុំអ្នកផ្សាយផ្សេងៗរៀបរាប់ពីលទ្ធផលដ៏លើកទឹកចិត្ត ដែលគេបានមានទំរាំដល់ពេលនេះ ក្នុងការចែកឲ្យនូវដំណឹងព្រះរាជាណាចក្រ លេខ៣៦។ អញ្ជើញពួកអ្នកត្រួសត្រាយពេញពេលនិងអ្នកត្រួសត្រាយជំនួយ ថ្លែងបញ្ជាក់ពីចិត្តអបអររបស់គេដោយមានការរីកចំរើនសកម្មភាពឡើងក្នុងកំឡុងពេលប្រតិបត្ដិការផ្សាយប្រកាសនេះ និងពីឱកាសដែលគេមានដើម្បីដើរផ្សាយជាមួយពួកអ្នកផ្សាយផ្សេងៗទៀតដែរ។
២៥ នាទី: ស្មរបន្ទាល់ព្រះយេហូវ៉ា—អង្គការដែលគាំទ្រឈ្មោះនោះ។ ការពិគ្រោះជាមួយពួកអ្នកស្ដាប់។ ពិចារណាមើលសំនួរទាំងប៉ុន្មានក្នុងវគ្គទី៣នៃអត្ថបទ«ឧបករណ៍ដែលអប់រំ ជំរុញទឹកចិត្តនិងចំរើនកម្លាំង»។ ជូនយោបល់ពីរបៀបដែលអាចប្រើវីដេអូនោះ ដើម្បីជួយអ្នកចាប់អារម្មណ៍ថ្មីៗស្គាល់កាន់តែច្បាស់នូវអង្គការរបស់យើងនេះ។ រួមបញ្ចូលបទពិសោធន៍ខ្លីៗមួយឬពីរ។—សូមមើលទស្សនាវដ្ដីប៉មយាម ពីថ្ងៃទី១ ខែតុលា ឆ្នាំ១៩៩២ ទំព័រ៣០-៣១ (ជាភាសាអង់គ្លេស)។
ចំរៀង លេខ១៥ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៦ ខែវិច្ឆិកា
ចំរៀង លេខ១៩៨
១៥ នាទី: សេចក្ដីជូនដំណឹងតាមតំបន់។ មើលសារជាថ្មីថា ការចែកខិត្តប័ណ្ណដំណឹងព្រះរាជាណាចក្រ លេខ៣៦បានជឿនទៅមុខប៉ុនណាទៅ។ រាយការណ៍ពីតំបន់ផ្សាយប៉ុន្មានភាគដែលបានត្រូវគេចែកចាយអស់ហើយ និងអ្វីដែលត្រូវការដើម្បីបង្គ្រប់នូវការចែកចាយនោះមុននឹងថ្ងៃទី១៧ ខែវិច្ឆិកា។
២០ នាទី: តើយើងជឿអ្វីខ្លះ? បងប្រុសម្នាក់ត្រឡប់ទៅជួបនឹងមនុស្សម្នាក់ដែលបានសួរថា៖ «តើស្មរបន្ទាល់ព្រះយេហូវ៉ាបង្រៀនអ្វីខ្លះដែលធ្វើឲ្យគេខុសប្លែកពីសាសនាឯទៀត?»។ ពិគ្រោះចំណុចដែលមានក្នុងប្រអប់នៅទំព័រទី៦ នៃទស្សនាវដ្ដីប៉មយាម ថ្ងៃទី១ ខែមករា ឆ្នាំ១៩៩៩។ ពន្យល់ពីរបៀបណាដែលសាសនាឯទៀតមិនអើពើឬបដិសេធនឹងសេចក្ដីពិតដ៏បឋមទាំងនេះ គឺដើម្បីប្រកាន់សេចក្ដីបង្រៀនរបស់មនុស្សវិញ។
១០ នាទី: ការច្រៀង ជាផ្នែកសំខាន់នៃការថ្វាយបង្គំរបស់យើង។ អ្នកដឹកនាំការសិក្សាតាមក្រុមម្នាក់និយាយជាមួយអ្នកផ្សាយពីរនាក់អំពីការច្រៀងរបស់គេនៅឯកិច្ចប្រជុំក្រុមជំនុំ។ គាត់បានកត់សម្គាល់ថា គេច្រៀងអត់សូវខ្លាំងប៉ុន្មានទេ។ គាត់ជំរាបជូនចំណុចខ្លះៗពីទស្សនាវដ្ដីប៉មយាម ថ្ងៃទី១ ខែកុម្ភៈ ឆ្នាំ១៩៩៧ ទំព័រ២៧-២៨ (ជាភាសាអង់គ្លេស)។ តាមយោបល់ក្នុងទស្សនាវដ្ដីប៉មយាម ពីថ្ងៃទី១ ខែតុលា ឆ្នាំ១៩៩៩ ទំព័រ១៩ វគ្គ១២ ពួកគេមើលពិចារណានូវពាក្យទំនុកនៃចំរៀងមួយបទ ដែលត្រូវច្រៀងនៅការសិក្សាទស្សនាវដ្ដីប៉មយាម ប្រចាំសប្ដាហ៍នេះ។ ដោយយកចិត្តទុកដាក់ច្រៀងដូច្នេះ យើងថ្លែងការសរសើរយ៉ាងរស់រវើកអស់ពីដួងចិត្ត ថ្វាយព្រះយេហូវ៉ា
ចំរៀង លេខ២២៣ និងសេចក្ដីអធិស្ឋានបញ្ចប់។