កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១១ ខែធ្នូ
ចំរៀងលេខ៥០
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ លើកទឹកចិត្តទាំងអស់គ្នាឲ្យមើលវីដេអូ ព្រះគម្ពីរ—សៀវភៅប្រវត្ដិសាស្ត្រនៃហេតុការណ៍ពិតនិងបទទំនាយ ដើម្បីរៀបចំសំរាប់ការពិគ្រោះនៅឯកិច្ចប្រជុំអប់រំកិច្ចបំរើសប្ដាហ៍ចាប់ផ្ដើមថ្ងៃទី២៥ ខែធ្នូ។ អ្នកដែលមានវីដេអូនោះអាចចែកគ្នាឲ្យអ្នកដែលគ្មានបានមើលដែរ ឬក៏អាចមើលជាមួយគ្នាក៏បាន។
១៥ នាទី: «ចូរកោតខ្លាចដល់ព្រះយេហូវ៉ាគ្រប់ពេលវេលា»។a រួមបញ្ចូលនូវការពន្យល់អំពីសេចក្ដីកោតខ្លាចដល់ព្រះដែលមានក្នុងទស្សនាវដ្ដីភ្ញាក់រឭក! ពីថ្ងៃទី៨ ខែមករា ឆ្នាំ១៩៩៨ ទំព័រ២៦ (ជាភាសាអង់គ្លេស)។ បញ្ជាក់នូវប្រយោជន៍ដែលមកពីការកោតខ្លាចដល់ព្រះយេហូវ៉ា។
២០ នាទី: «ការបង្ខិតបង្ខំពីអ្នកឯទៀត និងឯកសិទ្ធិរបស់អ្នកខាងការផ្សព្វផ្សាយ»។ សុន្ទរកថានិងការសម្ភាសន៍។ អញ្ជើញពួកអ្នកដែលធ្លាប់ពិសោធន៍នូវការបង្ខិតបង្ខំពីអ្នកឯទៀត ឲ្យប្រាប់ពីរបៀបដែលគេបានបន្តមានសកម្មភាពក្នុងកិច្ចផ្សព្វផ្សាយ ទោះបីមានកាលៈទេសៈនោះក៏ដោយ។
ចំរៀងលេខ៧៨ និងសេចក្ដីអធិស្ឋានបញ្ចប់
សប្ដាហ៍ចាប់ផ្ដើមថ្ងៃទី១៨ ខែធ្នូ
ចំរៀងលេខ៩៤
១៥ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។ ជំរាបប្រាប់ពីការរៀបចំពិសេសសំរាប់កិច្ចផ្សាយនៅថ្ងៃទី២៥ ខែធ្នូ និងថ្ងៃទី១ ខែមករា។ ឆ្លើយសំនួរ: តើខុសទេ បើសិនជាយើងចូលរួមធ្វើពិធីបុណ្យដែលប្រហែលជាមានប្រភពមិនសមស្របនឹងជំនឿគ្រីស្ទាន ឲ្យតែយើងធ្វើនេះដោយមិនគោរពសាសនារបស់គេទេ?—សូមមើលសៀវភៅ វែកញែក ទំព័រ១៧៨-១៨០ (ជាភាសាអង់គ្លេស)។
១២ នាទី: «សាលាកិច្ចបំរើព្រះធិបតេយ្យសំរាប់ឆ្នាំ២០០១»។ សុន្ទរកថាដោយអ្នកត្រួតពិនិត្យសាលា។ លើកទឹកចិត្តទាំងអស់គ្នាឲ្យអានទាន់តាមកម្មវិធីអំនានព្រះគម្ពីរនិងព្យាយាមឲ្យបានមកថ្លែងសុន្ទរកថាក្នុងសាលា។
១៨ នាទី: «តើអ្នកផ្សព្វផ្សាយដោយចិត្តមោះមុតទេ?»b អញ្ជើញឲ្យអ្នកស្ដាប់រៀបរាប់ពីបទគម្ពីរដែលមានក្នុងអត្ថបទ។ ដោយប្រើសៀវភៅកិច្ចបំរើរបស់យើង ទំព័រ៨៦ (ជាភាសាអង់គ្លេស) ចូរបង្ហាញពីរបៀបដែលយើងអាចទទួលនូវចិត្តមោះមុតច្រើនជាង និងមានប្រសិទ្ធិភាពច្រើនជាងក្នុងកិច្ចបំរើ។
ចំរៀងលេខ១២៤ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៥ ខែធ្នូ
ចំរៀងលេខ១២៦
១០ នាទី: សេចក្ដីជូនដំណឹងតាមតំបន់។ អញ្ជើញពួកអ្នកស្ដាប់រៀបរាប់ពីបទពិសោធន៍ថ្មីៗណា ដែលគេបានមានក្នុងកិច្ចផ្សព្វផ្សាយ។ សើរើប្រាប់ពីប្រកាសនវត្ថុសំរាប់ខែមករា។
១០ នាទី: សេចក្ដីត្រូវការតាមតំបន់។
២៥ នាទី: «ការរៀនពីវីដេអូ ព្រះគម្ពីរ—សៀវភៅប្រវត្ដិសាស្ត្រនៃហេតុការណ៍ពិតនិងបទទំនាយ»។ ការពិគ្រោះជាមួយអ្នកស្ដាប់។ ជូនយោបល់អំពីវិធីដែលអាចប្រើវីដេអូនេះដើម្បីជំរុញចិត្តអ្នកឯទៀត។ (សៀវភៅប្រចាំឆ្នាំ—ឆ្នាំ១៩៩៩ ទំព័រ៥១-៥២ (ជាភាសាអង់គ្លេស)) នៅខែកុម្ភៈ យើងនឹងសើរើវីដេអូទីពីរតាមផ្នែកនេះ មានចំណងជើងថា ព្រះគម្ពីរ—សៀវភៅដ៏ចាស់បំផុតដែលទាន់សម័យរបស់មនុស្សជាតិ។
ចំរៀងលេខ១៥១ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១ ខែមករា
សូមកត់សម្គាល់: ក្រុមជំនុំនានាមិនត្រូវប្ដូរថ្ងៃប្រជុំអប់រំកិច្ចបំរើសំរាប់សប្ដាហ៍ចាប់ផ្ដើមថ្ងៃទី១ ខែមករា ទៅថ្ងៃផ្សេងទៀតទេ លើកលែងតែទទួលអ្នកត្រួតពិនិត្យតាមមណ្ឌលជាភ្ញៀវ។
ចំរៀងលេខ១៧១
៨ នាទី: សេចក្ដីជូនដំណឹងតាមតំបន់។ បើសិនជាក្រុមជំនុំរបស់អ្នកនឹងប្ដូរម៉ោងប្រជុំសំរាប់ឆ្នាំថ្មីនេះ សូមលើកទឹកចិត្តទាំងអស់គ្នាឲ្យមកប្រជុំជាទៀងទាត់នៅម៉ោងថ្មីវិញ។ ប្រាប់សិស្សព្រះគម្ពីរនិងអ្នកឯទៀតដែលចាប់អារម្មណ៍អំពីការផ្លាស់ប្ដូរណា និងចាប់ផ្ដើមប្រើប័ណ្ណកម្មវិធីប្រជុំដែលមានកម្មវិធីថ្មី។ ជំរាបប្រាប់ពីសេចក្ដីរាយការណ៍កិច្ចផ្សាយពីខែកញ្ញា ទូទាំងប្រទេស និងរបស់ក្រុមជំនុំផ្ទាល់។ រំឭកអ្នកផ្សាយឲ្យដាក់សេចក្ដីរាយការណ៍សំរាប់ខែធ្នូ។
១៧ នាទី: របៀបរៀបចំដើម្បីត្រឡប់ទៅជួបគេវិញ។ ឪពុកម្នាក់ពិភាក្សាជាមួយក្រុមគ្រួសារនូវរបៀបដែលគេអាចបង្កើតផលច្រើនជាងក្នុងកិច្ចផ្សាយរបស់គេ។ គាត់បញ្ជាក់ពីបទគម្ពីរនូវមូលហេតុដែលយើងគួរត្រឡប់ទៅជួបអ្នកចាប់អារម្មណ៍ទាំងអស់។ ដោយប្រើការណែនាំក្នុងទស្សនាវដ្ដីប៉មយាម ថ្ងៃទី១ ខែតុលា ឆ្នាំ១៩៩៩ ទំព័រ២០ វគ្គ១៨ នោះគេរៀបចំដើម្បីធ្វើការត្រឡប់ទៅជួប។ ទាំងអស់គ្នាទទួលស្គាល់ថា គេបានជួបអ្នកខ្លះដែលគេគួរត្រឡប់ទៅជួបវិញ។ សមាជិកនិមួយៗប្រាប់ពីការតបឆ្លើយរបស់ម្ចាស់ផ្ទះពេលជួបជាលើកដំបូងនោះ ហើយសមាជិកឯទៀតជូនគំនិតមួយជាយោបល់ និងបទគម្ពីរមួយដែលអាចត្រូវប្រើពេលត្រឡប់ទៅជួបគេវិញ។ ពួកគេរកចំណុចក្នុងសៀវភៅស្តើងតម្រូវ ដែលប្រហែលជានឹងមានប្រសិទ្ធិភាព។ ឪពុកម្ដាយឲ្យកូនម្នាក់ហាត់អ្វីដែលគេនឹងនិយាយពេលត្រឡប់ទៅជួបអ្នកនោះវិញ។ ពួកគេកំណត់ម៉ោងច្បាស់លាស់សំរាប់ការត្រឡប់ទៅជួបក្នុងកំឡុងសប្ដាហ៍ទៅមុខ។
២០ នាទី: «ចូរប្រើប្រកាសនវត្ថុរបស់យើងតាមរបៀបដែលប្រកបដោយប្រាជ្ញា»។ សុន្ទរកថាដោយអ្នកចាស់ទុំម្នាក់។ ធ្វើការសម្ដែងពីរដ៏ខ្លី ពីរបៀបនិយាយ។
ចំរៀងលេខ២១២ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។