កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១៤ ខែឧសភា
ចំរៀង លេខ៣
៦ នាទី: សេចក្ដីជូនដំណឹងតាមតំបន់ និងសេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។
៩ នាទី: តើអ្នកមានគម្រោងធ្វើអ្វីខ្លះ សំរាប់ប្រាំមួយខែទៅមុខនេះ? អ្នកចាស់ទុំម្នាក់ ឬអ្នកងារជំនួយម្នាក់ និងក្រុមគ្រួសាររបស់គាត់ ពិគ្រោះអំពីគម្រោងរបស់គេសំរាប់កំឡុងរដូវក្ដៅ។ គេនិយាយអំពីការចូលរួមគ្រប់កម្មវិធីទាំងអស់នៃមហាសន្និបាតតាមតំបន់ អំពីការត្រួសត្រាយជំនួយ និងប្រហែលជាអាចឆ្លៀតពេលសំរាប់វិស្សមកាលដើរលេងខ្លះៗដែរ។ ទាំងអស់គ្នាឯកភាពថា គេមិនចង់ខានយកចិត្តទុកដាក់នឹងសកម្មភាពខាងព្រះធិបតេយ្យ ដូចជាការទៅកិច្ចប្រជុំក្រុមជំនុំ ការចូលរួមកិច្ចបំរើផ្សាយ និងការសិក្សារបស់គេជាក្រុមគ្រួសារ ទោះជាគេធ្វើដំណើរទៅកន្លែងផ្សេងក៏ដោយ។ គេនឹងយកចិត្តទុកដាក់រាយការណ៍ពីសកម្មភាពផ្សព្វផ្សាយរបស់គេ ជូនដល់លេខាក្រុមជំនុំឲ្យទាន់ពេលនោះ មិនថាគេនៅផ្ទះឬធ្វើដំណើរឆ្ងាយក៏ដោយ។
១៤ នាទី: «មហាសន្និបាតនានា ពិតជាពេលដ៏អរសប្បាយមែន!»។ សុន្ទរកថាដោយអ្នកចាស់ទុំម្នាក់។ សូមពន្យល់ពីហេតុដែលរាស្ត្ររបស់ព្រះយេហូវ៉ានៅសម័យព្រះគម្ពីរ បានមានកម្មវិធីជួបជុំគ្នាជាច្រើននាក់ និងហេតុដែលកម្មវិធីជួបជុំគ្នាជាច្រើននាក់នៅតែមានប្រយោជន៍សព្វថ្ងៃនេះដែរ។ កម្មវិធីបែបនេះផ្ដល់អាហារខាងវិញ្ញាណដ៏ចាំបាច់ និងទំនាក់ទំនងរវាងគ្នានិងគ្នាដែលពង្រឹងកម្លាំងដែរ។ សូមបញ្ជាក់ពីសារៈសំខាន់ឲ្យគ្រប់គ្នាចូលរួមគ្រប់ទាំងបីថ្ងៃនៃមហាសន្និបាតតាមតំបន់នោះ។
១៦ នាទី: «បានត្រូវរៀបចំ‹បែបសមគួរ ហើយដោយលំដាប់លំដោយផង›»។ សុន្ទរកថាដែលមានមូលដ្ឋានលើសន្លឹកបន្ថែមក្នុងឯកសារជាភាសាអង់គ្លេស (សូមកែប្រែទៅតាមកាលៈទេសៈតាមតំបន់)។ សូមពណ៌នាអំពីការរៀបចំខ្លះៗ ក្នុងចំណោមការរៀបចំជាច្រើនដែលត្រូវធ្វើឡើង ដើម្បីរៀបឲ្យមានមហាសន្និបាតមួយ។ បញ្ជាក់នូវសារៈសំខាន់នៃការសហប្រតិបត្ដិការទៅតាមទម្រង់ការនានា ដែលបានត្រូវគ្រោងទុកប្រយោជន៍ឲ្យយើង។ សើរើឡើងវិញនូវរបៀបណាខ្លះដែលយើងទាំងអស់គ្នាអាចបង្ហាញការគោរពយ៉ាងសមត្រឹមត្រូវ និងជៀសចេញពីបញ្ហាផ្សេងៗ។
ចំរៀង លេខ៣១ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២១ ខែឧសភា
ចំរៀង លេខ៥២
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។
១៧ នាទី: «ចូរ‹ស្ដាប់ ហើយចំរើនចំណេះឡើង›»។ សុន្ទរកថានិងការពិគ្រោះជាមួយពួកអ្នកស្ដាប់។ សូមពន្យល់ពីហេតុដែលពាក្យណែនាំនៅឯមហាសន្និបាតនានា គឺជាអាហារចាំបាច់ខាងវិញ្ញាណដែលយើងត្រូវការ។ រៀបរាប់អំពីការខំប្រឹងយ៉ាងខ្លាំង និងត្រូវចំណាយពេលយ៉ាងច្រើន ដើម្បីមានកម្មវិធីបែបនោះ។ អញ្ជើញអ្នកស្ដាប់ឲ្យរៀបរាប់អំពីអ្វីដែលម្នាក់ៗអាចធ្វើ ដើម្បីឲ្យខ្លួននិងអ្នកដទៃប្រាកដជាអាចមានប្រយោជន៍ជាចំបង។ បញ្ជាក់នូវមូលហេតុដែលយើងគ្រប់គ្នាគួរតែអង្គុយ មុនពេលដែលកម្មវិធីនិមួយៗចាប់ផ្ដើម។
១៨ នាទី: «ចូរធ្វើការដ៏ល្អ និងទទួលសេចក្ដីសរសើរចុះ!»។ សុន្ទរកថាដែលមានមូលដ្ឋានទៅលើសន្លឹកបន្ថែមក្នុងឯកសារជាភាសាអង់គ្លេស (សូមកែប្រែទៅតាមកាលៈទេសៈតាមតំបន់)។ សូមពន្យល់ពីហេតុដែលយើងញ៉ាំងឲ្យគេចាប់អារម្មណ៍ ពេលដែលយើងចូលរួមមហាសន្និបាតមួយ។ ដោយអ្នកសង្កេតមើលប្រាប់នូវទស្សនៈល្អ នោះក៏ជួយធ្វើបន្ទាល់ពីព្រះរាជាណាចក្រ តែសំដីរិះគន់អាចបំបែរមនុស្សចេញវិញ។ បញ្ជាក់អំពីអ្វីៗដ៏ជាក់លាក់ដែលយើងគួរធ្វើ ដើម្បីបង្ហាញថា យើងមានគុណសម្បត្ដិគ្រីស្ទាន ដែលរួមបញ្ចូលការយកចិត្តទុកដាក់យ៉ាងស្មោះចំពោះអ្នកដទៃ។
ចំរៀង លេខ១០៥ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៨ ខែឧសភា
ចំរៀង លេខ៥៨
១៣ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសំរាប់ខែឧសភា។ មើល«របៀបថ្មីដែលស្រួលជាង ដើម្បីបន្តការជាវទស្សនាវដ្ដី» ពីឯកសារជាភាសាអង់គ្លេស (សូមកែប្រែទៅតាមកាលៈទេសៈតាមតំបន់)។ លើកទឹកចិត្តឲ្យអ្នកជាវទាំងឡាយកុំអនុញ្ញាតឲ្យការជាវទស្សនាវដ្ដីប៉មយាមផុតកំណត់ឡើយ។
១៥ នាទី: សេចក្ដីត្រូវការតាមតំបន់។
១៧ នាទី: «ព្រះបន្ទូលនៃព្រះនោះ . . . ពូកែ»។a រួមបញ្ចូលការសម្ដែងពីរ ដែលត្រូវរៀបចំបានល្អ ដែលបង្ហាញនូវរបៀបដែលការនិយាយសម្ដែងឲ្យគេ អាចផ្ដោតអារម្មណ៍ទៅលើព្រះបន្ទូលរបស់ព្រះដែរ។
ចំរៀង លេខ៧៩ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៤ ខែមិថុនា
ចំរៀង លេខ១០០
១២ នាទី: សេចក្ដីជូនដំណឹងតាមតំបន់ និងបទពិសោធន៍ខ្លះៗពីកិច្ចការផ្សព្វផ្សាយ។
១៥ នាទី: «ចូររួមចំណែកយ៉ាងពេញលេញក្នុងកិច្ចការចំរូត»។b ពេលដែលពិគ្រោះនូវវគ្គទី៤ សូមរួមបញ្ចូលគំរូពីទស្សនាវដ្ដីប៉មយាម ពីថ្ងៃទី១ ខែធ្នូ ឆ្នាំ១៩៩៦ ទំព័រទី៣០ វគ្គទី១០ ដោយបង្ហាញអំពីអ្វីដែលអ្នកខ្លះកំពុងតែធ្វើដើម្បីពង្រីកកិច្ចបំរើផ្សាយរបស់គេ។
១៨ នាទី: «យើងបានផ្សព្វផ្សាយនៅតំបន់យើងច្រើនដងហើយ!»។ សុន្ទរកថាដែលមានមូលដ្ឋានទៅលើឯកសារជាភាសាអង់គ្លេស (សូមកែប្រែទៅតាមកាលៈទេសៈតាមតំបន់)។ ត្រូវរៀបចំដោយអ្នកត្រួតពិនិត្យកិច្ចបំរើ។ (ក្រុមជំនុំណាដែលមានតំបន់ដែលកម្រមានគេទៅផ្សព្វផ្សាយនោះ អាចសើរើឡើងវិញនូវអត្ថបទ «ទស្សនាវដ្ដីប្រកាសអំពីព្រះរាជាណាចក្រ» ក្នុងកិច្ចបំរើព្រះរាជាណាចក្រយើង ពីខែមេសា ឆ្នាំ១៩៩៨)។ ពិគ្រោះអំពីអ្វីដែលអាចធ្វើឡើងនាតំបន់របស់ខ្លួន ដើម្បីផ្សព្វផ្សាយឲ្យបានហ្មត់ចត់ជាង។ រៀបរាប់បទពិសោធន៍ផ្សេងៗពីសៀវភៅប្រចាំឆ្នាំ១៩៩៧ ទំព័រ២០៤ និងទស្សនាវដ្ដីប៉មយាម ពីថ្ងៃទី១៥ ខែកុម្ភៈ ឆ្នាំ១៩៩៦ ទំព័រទី២៦ (ជាភាសាអង់គ្លេស)។ សូមបញ្ជាក់ថា ការកត់ទុកបញ្ជីពីផ្ទះមួយទៅផ្ទះមួយយ៉ាងល្អ ការត្រឡប់ទៅផ្ទះណាដែលយើងមិនទាន់ជួបទេ និងការត្រឡប់ទៅជួបគេវិញជាបន្ទាន់ នោះពិតជាសំខាន់ណាស់។
ចំរៀង លេខ១៤២ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។