កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១០ ខែមិថុនា
ចំរៀងលេខ៥៨
១៥ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ លើកទឹកចិត្តបងប្អូនទាំងអស់គ្នាឲ្យមើលកាសែតវីដេអូចំណងជើងថា ភាតរភាពរបស់បងប្អូនយើង ដើម្បីរៀបចំសំរាប់ប្រជុំអប់រំកិច្ចបំរើនៅសប្ដាហ៍ចាប់ផ្ដើមថ្ងៃទី២៤ ខែមិថុនា។ ដោយប្រើយោបល់ទីមួយនៅទំព័រទី៤ ចូរបង្ហាញនូវរបៀបស្នើផ្ដល់ទស្សនាវដ្ដីប៉មយាម ថ្ងៃទី១ ខែកក្កដា។ ក្នុងការសម្ដែងនោះ បង្ហាញវិធីតបឆ្លើយពេលមនុស្សខំរារាំងការសន្ទនាដោយថា ៖ «ខ្ញុំមិនចាប់អារម្មណ៍នឹងរឿងសាសនាទេ»។—សូមមើលកូនសៀវភៅ របៀបចាប់ផ្ដើមនិងបន្តការពិគ្រោះគ្នាអំពីព្រះគម្ពីរ ទំព័រទី៩
១០ នាទី: ប្រអប់សំនួរ។ អានអត្ថបទទាំងមូលនិងខគម្ពីរទាំងប៉ុន្មាននៅក្នុងអត្ថបទនោះ។ រួចមក ពន្យល់ចំណុចនោះថែមទៀតពីប្រអប់សំនួរក្នុងកិច្ចបំរើព្រះរាជាណាចក្រយើង ពីខែមីនា ឆ្នាំ១៩៩៨។
២០ នាទី: «ការសាបព្រោះដោយសទ្ធានាំមកនូវពរជាបរិបូរ»។a លើកបញ្ជាក់ចំណុចខ្លះៗពីទស្សនាវដ្ដីប៉មយាមភាសាអង់គ្លេស ថ្ងៃទី១ ខែធ្នូ ឆ្នាំ១៩៩២ ទំព័រ១៥-១៦ វគ្គ១៤-១៧។
ចំរៀងលេខ២២០ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៧ ខែមិថុនា
ចំរៀងលេខ១៣៦
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។
១៥ នាទី: សេចក្ដីត្រូវការតាមតំបន់។
២០ នាទី: «ចូរស្កប់ចិត្តនឹងអ្វីដែលអ្នកមាន»។b បញ្ជាក់យ៉ាងច្បាស់នូវគោលការណ៍ព្រះគម្ពីរដែលជាមូលដ្ឋាននៃឱវាទនេះ ដោយអាននិងពិគ្រោះខគម្ពីរជាច្រើនបំផុតតាមតែមានពេល។
ចំរៀងលេខ១៩៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៤ ខែមិថុនា
ចំរៀងលេខ៥២
៨ នាទី: សេចក្ដីជូនដំណឹងតាមតំបន់។ គូស្វាមីភរិយាធ្វើការសម្ដែងពីការផ្សព្វផ្សាយដោយបង្ហាញវិធីប្រើយោបល់ទីពីរនៅទំព័រទីបួន ដើម្បីជូនទស្សនាវដ្ដីប៉មយាម ថ្ងៃទី១ ខែកក្កដា។
១២ នាទី: រៀបរាប់ឬក៏ធ្វើការសម្ដែងនូវបទពិសោធន៍របស់អ្នកផ្សាយតាមតំបន់ដែលបាន (១) ផ្សព្វផ្សាយដល់មនុស្សជនជាតិផ្សេង ឬមនុស្សដែលនិយាយភាសាផ្សេង ឬមួយក៏ (២) ផ្សព្វផ្សាយក្រៅពីផ្ទះមួយទៅផ្ទះមួយ និងតាមផ្លូវថ្នល់។ ដើម្បីរៀបចំសំរាប់ប្រជុំអប់រំកិច្ចបំរើនៅសប្ដាហ៍ក្រោយ ចូរលើកទឹកចិត្តបងប្អូនទាំងអស់គ្នាឲ្យជ្រើសរើស និងរៀបចំពាក្យផ្សព្វផ្សាយដែលអាចត្រូវប្រើ ដើម្បីជូនសៀវភៅស្តើងមួយដែលជាឧបករណ៍ផ្សាយសំរាប់ខែកក្កដានិងសីហា។
២៥ នាទី: «មូលហេតុដែលយើងស្រឡាញ់ភាតរភាពរបស់បងប្អូនយើង»។ ដោយមិនប្រើពាក្យផ្ដើម សូមចាប់ផ្ដើមពិគ្រោះអត្ថបទអំពីកាសែតវីដេអូចំណងជើងថា ភាតរភាពរបស់បងប្អូនយើង ជាមួយអ្នកស្ដាប់តែម្ដង ដោយប្រើតែសំនួរដែលមានក្នុងអត្ថបទ។
ចំរៀងលេខ៩៥ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១ ខែកក្កដា
ចំរៀងលេខ៨៣
១៥ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សព្វផ្សាយសំរាប់ខែមិថុនា។ សុំអ្នកផ្សាយឲ្យប្រាប់ពីសៀវភៅស្តើងណាដែលពួកគេនឹងជូនក្នុងខែកក្កដា និងពាក្យផ្សាយដែលពួកគេនឹងប្រើ។
១៥ នាទី: លោកអ្នកអាចធ្វើជា មិត្តសំឡាញ់របស់ព្រះ! សុន្ទរកថានិងការពិគ្រោះជាមួយអ្នកស្ដាប់។ លើកបញ្ជាក់លក្ខណៈនៃសៀវភៅស្តើងនេះដែលធ្វើឲ្យសៀវភៅនេះមានប្រសិទ្ធិភាពខ្ពស់ ក្នុងការជួយកូនក្មេងនិងអ្នកឯទៀតឲ្យរៀនអំពីព្រះយេហូវ៉ា ពេលអ្នកនោះមានកំរិតអប់រំទាបឬក៏មិនសូវចេះអានអក្សរ។ លើកឧទាហរណ៍អំពីការពន្យល់ដ៏ស្រួលយល់និងសមហេតុសមផល។ (សូមមើលមេរៀនទី២ ទី៨ និងទី១២) ចូរបង្ហាញរូបភាពដែលអាចត្រូវប្រើ ដើម្បីមានអានុភាពត្រូវចំណុចចិត្តរបស់សិស្ស។ ជូនយោបល់ពីរបៀបដែលសៀវភៅស្តើងនេះអាចត្រូវប្រើដោយប្រសិទ្ធិភាព។ មាតាបិតាគួរសិក្សាសៀវភៅស្តើងនេះជាមួយកូនរបស់គាត់ដែលនៅក្មេងនៅឡើយ។ លើកទឹកចិត្តបងប្អូនទាំងអស់គ្នាឲ្យជូនសៀវភៅស្តើងនេះក្នុងកិច្ចបំរើពេលដែលសមរម្យនោះ។
១៥ នាទី: «តើអ្នក‹ចង់›ជួយអ្នកដទៃទេ?»។c លើកទឹកចិត្តបងប្អូនទាំងឡាយក្នុងក្រុមជំនុំឲ្យមានស្មារតីស្ម័គ្រចិត្តជួយ។
ចំរៀងលេខ១៥៦ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
c កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។