កម្មវិធីការប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១០ ខែកុម្ភៈ
ចំរៀងលេខ៤
១០ នាទី: សេចក្ដីជូនដំណឹងតាមតំបន់ និងសេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ លើកទឹកចិត្តបងប្អូនទាំងអស់គ្នាឲ្យមើលវីដេអូស្មរបន្ទាល់ព្រះយេហូវ៉ានៅស្មោះត្រង់ក្រោមការល្បងលនៅសហភាពសូវៀត ដើម្បីរៀបចំសំរាប់ប្រជុំអប់រំកិច្ចបំរើសប្ដាហ៍ចាប់ផ្ដើមថ្ងៃទី២៤ ខែកុម្ភៈ។ ដោយប្រើយោបល់ទីមួយនៅទំព័រទី៨ សូមធ្វើការបង្ហាញមួយពីរបៀបស្នើផ្ដល់ទស្សនាវដ្ដីប៉មយាម ពីថ្ងៃទី១ ខែមីនា។
៣៥ នាទី: «ចូរផ្សព្វផ្សាយហើយធ្វើបន្ទាល់យ៉ាងសព្វគ្រប់»។a ត្រូវថ្លែងដោយអ្នកត្រួតពិនិត្យកិច្ចបំរើ។ លើកទឹកចិត្តបងប្អូនទាំងអស់ដែលមានលទ្ធភាព ឲ្យត្រួសត្រាយជំនួយក្នុងខែមីនានិងខែមេសា។ អញ្ជើញបងប្អូនដែលបានត្រួសត្រាយជំនួយក្នុងកំឡុងខែដែលមានបុណ្យរំឭកឆ្នាំមុនឲ្យរៀបរាប់បទពិសោធន៍។ តើគេបានកែសម្រួលកាលវិភាគរបស់ពួកគេយ៉ាងដូចម្ដេចដើម្បីអាចត្រួសត្រាយ? តើនេះបានរួមបញ្ចូលការខំប្រឹង និងការកែប្រែអ្វីខ្លះចំពោះកម្មវិធីរបស់គេ? តើគេបានទទួលនូវពរហើយអំណរអ្វី? សូមយកចិត្តទុកដាក់ពិចារណាមើលកាលវិភាគទាំងប៉ុន្មានដែលមាននៅប្រអប់ទំព័រទី៤។ សូមជូនដំណឹងឲ្យបងប្អូនជ្រាបថាពួកគេអាចទទួលក្រដាសចុះឈ្មោះត្រួសត្រាយជំនួយក្រោយប្រជុំចប់។
ចំរៀងលេខ៨ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៧ ខែកុម្ភៈ
ចំរៀងលេខ៤៩
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។ បញ្ជាក់នូវឧបករណ៍ផ្សាយសំរាប់ខែមីនា។ ប្រាប់នូវយោបល់មួយឬពីរក្នុងការផ្ដល់សៀវភៅចំណេះ ដោយលើកបញ្ជាក់នូវចំណុចខ្លះពីសន្លឹកបន្ថែមក្នុង កិច្ចបំរើព្រះរាជាណាចក្រយើង ខែមករា ២០០២ (ភាសាអង់គ្លេស)។ សូមបញ្ជាក់នូវគោលដៅឲ្យទាំងអស់គ្នាខំព្យាយាមចាប់ផ្ដើមការសិក្សាព្រះគម្ពីរថ្មី។
១៥ នាទី: «តើបងប្អូនគ្រីស្ទានយើងអាចជួបគ្នានៅផ្ទះរបស់អ្នកបានទេ?»។ សុន្ទរកថាដោយអ្នកត្រួតពិនិត្យការសិក្សាសៀវភៅតាមក្រុម។ រួមបញ្ចូលចំណុចខ្លះពីប្រអប់សំនួរក្នុងកិច្ចបំរើព្រះរាជាណាចក្រយើង ខែមេសា ឆ្នាំ២០០១ និង ខែកុម្ភៈ ឆ្នាំ១៩៩០ (ភាសាអង់គ្លេស)។ ប្រាប់បងប្អូនថាក្រុមជំនុំមានការសិក្សាសៀវភៅតាមក្រុមប៉ុន្មាន ហើយចំនួនអ្នកចូលរួមប្រជុំជាមធ្យម។ សូមឲ្យអ្នកផ្សាយមួយឬពីរនាក់រៀបរាប់នូវផលប្រយោជន៍ដែលរូបគេហើយក្រុមគ្រួសាររបស់គេបានទទួល ដោយអនុញ្ញាតឲ្យមានការសិក្សាសៀវភៅតាមក្រុមនៅឯផ្ទះរបស់គេ។ បើមានអ្នកណាដែលអាចឲ្យបងប្អូនយើងជួបជុំគ្នានៅឯផ្ទះរបស់គេ សូមប្រាប់ប្រធានត្រួតពិនិត្យ។
២០ នាទី: «តើអ្វីមានអាទិភាពក្នុងជីវិតអ្នក?»។ រៀបចំទុកជាមុនឲ្យអ្នកផ្សាយមួយឬពីរនាក់ប្រាប់ពីការផ្លាស់ប្ដូរនៃកាលវិភាគរបស់គេដើម្បីចូលរួមបានច្រើនជាងក្នុងកិច្ចផ្សព្វផ្សាយ។
ចំរៀងលេខ២១៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៤ ខែកុម្ភៈ
ចំរៀងលេខ៣៣
១០ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសំរាប់ខែកុម្ភៈ។ ដោយប្រើយោបល់ទីពីរនៅទំព័រទី៨ សូមបង្ហាញនូវរបៀបស្នើផ្ដល់ទស្សនាវដ្ដីប៉មយាម ពីថ្ងៃទី១ ខែមីនា។
១០ នាទី: «ជំនួយដែលមកចំពេល»។ សុន្ទរកថាដោយអ្នកចាស់ទុំម្នាក់។ សូមបញ្ជាក់យ៉ាងច្បាស់ថាការខំប្រឹងដ៏ពិសេសដើម្បីជួយបងប្អូនដ៏ឥតសកម្ម គឺជាការសម្ដែងនូវសេចក្ដីស្រឡាញ់និងការយកព្រះទ័យទុកដាក់របស់ព្រះយេហូវ៉ាចំពោះរាស្ត្រទ្រង់។
២៥ នាទី: «វីដេអូមួយដែលបំភ្លឺគំនិតនិងជំរុញទឹកចិត្តអ្នក!»។ ចាប់ផ្ដើមពិគ្រោះភ្លាមៗជាមួយពួកអ្នកស្ដាប់នូវវីដេអូស្មោះត្រង់ក្រោមការល្បងល ដោយប្រើសំនួរដែលបានរៀបចំហើយ។ សូមកំណត់ពេលសំរាប់សំនួរនិមួយៗ ជាពិសេសត្រូវទុកពេលឲ្យបានគ្រប់គ្រាន់សំរាប់ឲ្យមានចម្លើយបីឬបួនចំពោះសំនួរចុងក្រោយ។ បញ្ចប់ដោយអានប្រអប់នៅទំព័រ១៩២ ក្នុងសៀវភៅប្រចាំឆ្នាំ សំរាប់ឆ្នាំ២០០២។ (ភាសាអង់គ្លេស)
ចំរៀងលេខ២៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៣ ខែមីនា
ចំរៀងលេខ៣២
១០ នាទី: សេចក្ដីជូនដំណឹងតាមតំបន់។ និយាយយ៉ាងខ្លីអំពី«ការរៀបចំថ្មីសំរាប់បណ្ណាល័យនៅឯសាលព្រះរាជាណាចក្រ»។ សូមប្រាប់ឈ្មោះបុគ្គលដែលអ្នកណាដែលជាអ្នកទទួលខុសត្រូវបណ្ណាល័យនៅសាលព្រះរាជាណាចក្រយើង។
១៥ នាទី: សេចក្ដីត្រូវការតាមតំបន់។
២០ នាទី: «ចូរមានសតិនឹងនរពេលទីបញ្ចប់កាន់តែជិតមកដល់»។b ពេលពិគ្រោះវគ្គ៣និង៤ អញ្ជើញបងប្អូនរៀបរាប់នូវគោលដៅខាងវិញ្ញាណដែលគេកំពុងតែឈោងចាប់នោះ។ រួមបញ្ចូលចំណុចខ្លះនៅទំព័រ១៧៦ក្នុងសៀវភៅថ្វាយបង្គំព្រះ។
ចំរៀងលេខ៦៥ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។