កម្មវិធីប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១១ ខែតុលា
ចំរៀងលេខ៧៧
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ បើយោបល់នៅទំព័រ១២អាចមានប្រសិទ្ធភាពក្នុងតំបន់ផ្សាយរបស់អ្នក សូមប្រើយោបល់នោះ ធ្វើការសម្ដែងដោយបង្ហាញរបៀបជូនទស្សនាវដ្ដីប៉មយាម ថ្ងៃទី១ ខែវិច្ឆិកា។ ពេលដែលធ្វើការសម្ដែង សូមបង្ហាញនូវរបៀបតបឆ្លើយពេលដែលមនុស្សនិយាយថា«ខ្ញុំមិនចាប់អារម្មណ៍នឹងពួកស្មរបន្ទាល់ព្រះយេហូវ៉ាទេ»។—សូមមើលកូនសៀវភៅរបៀបចាប់ផ្ដើមនិងបន្តការពិគ្រោះគ្នាអំពីព្រះគម្ពីរ ទំព័រ៩
២០ នាទី: ប្រយោជន៍ដែលយើងទទួលពីដំណឹងល្អក្នុងជីវិតរបស់យើង។ សុន្ទរកថា។ ពត៌មានមានមូលដ្ឋានលើទស្សនាវដ្ដីប៉មយាម (ភាសាអង់គ្លេស) ថ្ងៃទី១ ខែមករា ឆ្នាំ១៩៩០ ទំព័រ៤-៦។ រៀបចំឲ្យបងប្អូនខ្លះក្នុងក្រុមជំនុំប្រាប់ពីរបៀបដែលដំណឹងល្អបានជួយពួកគេកែប្រែជីវិតឲ្យល្អជាង។
១៥ នាទី: ចូរទទួលអំណរពីការជួយអ្នកឯទៀត។ (យ៉ូន. ៤:៣៤) បទសម្ភាសន៍។ យើងទទួលអំណរពេលដែលឃើញមនុស្សសប្បាយរៀនសេចក្ដីពិតក្នុងព្រះបន្ទូលរបស់ព្រះ។ (wE៩៤ ១/៣ ទំព័រ២៩ វគ្គ៦-៧) សូមសម្ភាសន៍អ្នកផ្សាយឬអ្នកត្រួសត្រាយពីរឬបីនាក់ដែលមានប្រសិទ្ធភាពក្នុងការប្រើព្រះគម្ពីរក្នុងកិច្ចផ្សាយហើយក្នុងការចាប់ផ្ដើមនិងដឹកនាំការសិក្សា។ តើពួកគេធ្វើអ្វីដើម្បីបណ្ដុះនូវចំណាប់អារម្មណ៍របស់មនុស្ស? ពេលដែលធ្វើដូច្នេះ តើអ្វីខ្លះធ្វើឲ្យពួកគេមានអំណរ? សូមពួកគេរៀបរាប់ឬធ្វើការសម្ដែងពីបទពិសោធន៍របស់ខ្លួន។
ចំរៀងលេខ២១៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៨ ខែតុលា
ចំរៀងលេខ៦៥
១០ នាទី: សេចក្ដីជូនដំណឹងតាមតំបន់។
២០ នាទី: «តើអ្នកអាចបំរើព្រះយេហូវ៉ាដោយធ្វើជាអ្នកត្រួសត្រាយទេ?»។ ការពិភាក្សាជាមួយនឹងអ្នកស្ដាប់។ សម្ភាសន៍យុវជនម្នាក់ដែលកំពុងតែត្រួសត្រាយពេញពេលឬអ្នកផ្សាយម្នាក់ដែលធ្លាប់ត្រួសត្រាយពេលដែលនៅក្មេង។ សូមបញ្ជាក់នូវរបៀបមាតាបិតានិងអ្នកឯទៀតអាចលើកទឹកចិត្តយុវជនឲ្យសម្រេចគោលដៅជាអ្នកត្រួសត្រាយ។ លើកទឹកចិត្តទាំងអស់គ្នាយ៉ាងកក់ក្ដៅឲ្យគិតពិចារណាថា តើមានលទ្ធភាពចូលរួមកិច្ចបំរើពេញពេលឬយ៉ាងណា។
១៥ នាទី: ព្រះគម្ពីរជាប្រភពលើកទឹកចិត្តដ៏ល្អបំផុត។ សៀវភៅការវែកញែក (ភាសាអង់គ្លេស) ទំព័រ១១៧-១២១។ សុន្ទរកថាដោយអ្នកចាស់ទុំ។ មនុស្សជាច្រើនទាំងអ្នកនៅក្នុងនិងអ្នកនៅក្រៅក្រុមជំនុំក៏ត្រូវការនូវការលើកទឹកចិត្ត។ សូមពន្យល់នូវវិធីដែលអ្នកផ្សាយម្នាក់ៗក្នុងក្រុមជំនុំអាចប្រើព្រះបន្ទូលរបស់ព្រះដើម្បីលើកទឹកចិត្តអ្នកឯទៀត។
ចំរៀងលេខ១០០ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៥ ខែតុលា
ចំរៀងលេខ២៧
១២ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។ បើយោបល់ទីពីរនៅទំព័រ១២អាចមានប្រសិទ្ធភាពក្នុងតំបន់ផ្សាយរបស់អ្នក សូមធ្វើការសម្ដែងដោយបង្ហាញរបៀបជូនទស្សនាវដ្ដីប៉មយាម ថ្ងៃទី១ ខែវិច្ឆិកា។ លើកទឹកចិត្តអ្នកផ្សាយឲ្យប្រើបទគម្ពីរមួយពេលដែលផ្សព្វផ្សាយ។ អាចប្រើពាក្យផ្សព្វផ្សាយផ្សេងទៀតក៏បាន។
១៨ នាទី: «យកឈ្នះការពិបាកក្នុងការផ្សព្វផ្សាយពីផ្ទះមួយទៅផ្ទះមួយ»។a អានបទគម្ពីរនិងបញ្ជាក់ទំនាក់ទំនងរវាងបទគម្ពីរនិងសាច់រឿងដែលកំពុងពិគ្រោះ។
១៥ នាទី: តើអ្នកបាននិយាយជាមួយនិយោជករបស់អ្នកហើយឬនៅ? អ្នកចាស់ទុំម្នាក់ថ្លែងសុន្ទរកថាហើយពិគ្រោះជាមួយនឹងអ្នកស្ដាប់ដោយប្រើអត្ថបទចំណងជើង«តើអ្នកនឹងនៅទីនោះទេ?» ក្នុងកិច្ចបំរើព្រះរាជាណាចក្រយើង ខែមករា ឆ្នាំ២០០០ ទំព័រទី១ ជាមូលដ្ឋាន។ សូមរួមបញ្ចូលចំណុចសំខាន់ៗពីសៀវភៅសាលាកិច្ចបំរើ (ភាសាអង់គ្លេស) ទំព័រ៦៧។
ចំរៀងលេខ៨ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១ ខែវិច្ឆិកា
ចំរៀងលេខ១៥
១០ នាទី: សេចក្ដីជូនដំណឹងតាមតំបន់។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយ។ ក្នុងខែវិច្ឆិកា យើងនឹងជូនសៀវភៅស្តើងតើព្រះពិតជាស្រឡាញ់មនុស្សយើងមែនឬ? សូមធ្វើការសម្ដែងដោយបង្ហាញរបៀបជូនសៀវភៅស្តើងនេះដោយប្រើយោបល់មួយពីកិច្ចបំរើព្រះរាជាណាចក្រយើង ខែកក្កដា ឆ្នាំ១៩៩៧ ទំព័រទី៤។
១៥ នាទី: សេចក្ដីត្រូវការតាមតំបន់។
២០ នាទី: «របៀបចាប់ផ្ដើមការសិក្សាព្រះគម្ពីរ ដោយប្រើសៀវភៅស្តើងព្រះស្រឡាញ់យើង»។b លើកទឹកចិត្តទាំងអស់គ្នាឲ្យព្យាយាមចាប់ផ្ដើមការសិក្សាក្នុងខែនេះ។
ចំរៀងលេខ១៨០ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។