កម្មវិធីប្រជុំអប់រំកិច្ចបំរើ
សប្ដាហ៍ចាប់ផ្ដើមថ្ងៃទី១៤ ខែកុម្ភៈ
ចំរៀងលេខ១៧៤
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបំរើព្រះរាជាណាចក្រយើង។ បើសមនឹងតំបន់ផ្សាយរបស់អ្នក សូមបង្ហាញនូវរបៀបផ្ដល់ទស្សនាវដ្ដីប៉មយាម ពីថ្ងៃទី១ ខែមីនា ដោយប្រើយោបល់ទីមួយនៅទំព័រទី៨។ សូមមើលសាឡើងវិញនូវរបៀបដែលយើងអាចកែសម្រួលពាក្យផ្សព្វផ្សាយខ្លះតាមកាលៈទេសៈនាតំបន់។—សូមមើលកិច្ចបំរើព្រះរាជាណាចក្រយើងពីខែមករា ឆ្នាំ២០០៥ ទំព័រ៨។
២០ នាទី: បណ្ដុះឲ្យមានចំណាប់អារម្មណ៍ដោយប្រើសៀវភៅស្តើងថ្មី។ សុន្ទរកថានិងការពិគ្រោះជាមួយពួកអ្នកស្ដាប់ដែលថ្លែងដោយអ្នកត្រួតពិនិត្យកិច្ចបំរើ។ យើងគួរត្រឡប់ទៅជួបដើម្បីបណ្ដុះនូវចំណាប់អារម្មណ៍របស់មនុស្សម្នាក់ៗដែលបានទទួលសៀវភៅស្តើងចូរចាំយាមចុះ! ដោយប្រើនូវមាតិកានៅទំព័រទី២ សង្ខេបពត៌មានក្នុងសៀវភៅស្តើងនេះដោយផ្ដោតអារម្មណ៍ទៅលើពត៌មានទាំងប៉ុន្មានក្រោមចំណងជើងដែលមានអក្សរដិត។ ពត៌មាននេះអាចប្រើជាមូលដ្ឋានសំរាប់ការពិគ្រោះគ្នាយ៉ាងខ្លីៗដែលមានប្រយោជន៍ ពេលត្រឡប់ទៅជួបនៅលើកក្រោយៗទៀត។ ជាឧទាហរណ៍ បើសិនជាយើងបានពិគ្រោះពត៌មាននៅទំព័រ៣និង៤ពេលជួបម្ចាស់ផ្ទះលើកដំបូង នោះពេលត្រឡប់ទៅជួបគាត់យើងអាចពិគ្រោះពត៌មាននៅទំព័រទី៥ក្រោមចំណងជើង«តើព្រះចាប់អារម្មណ៍នឹងសុខទុក្ខរបស់យើងឬទេ?»។ ពិភាក្សានូវរបៀបដែលយើងអាចធ្វើដូច្នេះ។ មើលសាឡើងវិញនូវផ្នែកផ្សេងៗដូចជានៅទំព័រ៦-៨ ហើយទំព័រ១៧-១៨ ឬផ្នែកឯទៀតដែលល្អសំរាប់តំបន់ផ្សាយដែលច្រើនតែមានក្នុងប្រអប់។ បង្ហាញរបៀបធ្វើការត្រឡប់ទៅជួបដោយប្រើពត៌មានដែលមានក្នុងប្រអប់។ យ៉ាងតិចគួរអានហើយពិគ្រោះខគម្ពីរមួយឬពីរ។ អ្នកផ្សព្វផ្សាយបញ្ចប់ដោយដៅបញ្ជាក់ទៅលើផ្នែកផ្សេងមួយទៀតក្នុងប្រអប់ដែលអាចយកមកពិគ្រោះពេលត្រឡប់ទៅជួបលើកក្រោយ។
១៥ នាទី: «ដឹកនាំការសិក្សាព្រះគម្ពីរដែលរីកចំរើន ភាគទី៦»។a រួមបញ្ចូលការបង្ហាញរយៈពេល៤នាទីដែលមានសិស្សព្រះគម្ពីរម្នាក់សួរថា ហេតុអ្វីបានជានៅឯពិធីបុណ្យរំឭកមានមនុស្សមួយចំនួនតិចណាស់ដែលទទួលទាននំប៉័ងនិងស្រា? អ្នកដឹកនាំការសិក្សាសរសើរសិស្សដែលសួរសំនួរ កត់សរសេរសំនួរនោះហើយប្រាប់គាត់ថាសំនួរនោះនឹងពិគ្រោះជាមួយគ្នាបន្ទាប់ពីរៀនមេរៀនសំរាប់សប្ដាហ៍នេះហើយ។ បន្ទាប់ពីរៀនចប់អ្នកដឹកនាំការសិក្សាឲ្យសិស្សបើកទៅសៀវភៅការវែកញែកពីបទគម្ពីរ ហើយមើលពត៌មាននៅទំព័រ២៦៧-២៦៨ក្រោមចំណងជើង«តើអ្នកណាគេត្រូវទទួលទាននំប៉័ងហើយស្រានោះ?»។ (ជាភាសាអង់គ្លេស) ទាំងពីរនាក់អានជាមួយគ្នាហើយសិស្សអរគុណគាត់សំរាប់ចម្លើយយ៉ាងជាក់ច្បាស់ចំពោះសំនួរនោះ។
ចំរៀងលេខ៧៩ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២១ ខែកុម្ភៈ
ចំរៀងលេខ១១៤
៨ នាទី: សេចក្ដីជូនដំណឹងតាមតំបន់។ មើលសាឡើងវិញនូវចំណុចសំខាន់ៗក្នុងប្រអប់នៅទំព័រ៧គឺ«ចូរជួយឲ្យពួកគេមានឱកាសស្ដាប់ដំណឹងល្អតទៅទៀត»។ លើកទឹកចិត្តទាំងអស់គ្នាកុំបង្អង់នឹងបំពេញក្រដាសសូមរកជួប(S-43)នៅពេលដែលត្រូវការ។
២០ នាទី: ចាប់ផ្ដើមសិក្សាព្រះគម្ពីរជាមួយនឹងអស់អ្នកដែលបានទទួលសៀវភៅស្តើងថ្មី។ សុន្ទរកថានិងការពិគ្រោះជាមួយពួកអ្នកស្ដាប់ដែលថ្លែងដោយអ្នកត្រួតពិនិត្យកិច្ចបំរើ។ កុំចំណាយពេលយូរក្នុងការមើលសាឡើងវិញនូវការត្រឡប់ទៅជួបដែលបានសម្ដែងសប្ដាហ៍មុននៅប្រជុំអប់រំកិច្ចបំរើ តែដៅបញ្ជាក់នូវពត៌មានក្នុងប្រអប់ដែលអ្នកផ្សាយបានលើកឡើង។ បើអាចធ្វើបាន ឲ្យអ្នកផ្សាយដដែល ដែលធ្វើការសម្ដែងសប្ដាហ៍មុនប្រើពត៌មាននោះដើម្បីបង្ហាញរបៀបត្រឡប់ទៅជួប។ អ្នកផ្សាយប្រើគ្របខាងក្រោយនៃសៀវភៅស្តើងដើម្បីអញ្ជើញម្ចាស់ផ្ទះសិក្សាព្រះគម្ពីរ។ គាត់ណាត់ថ្ងៃហើយម៉ោងដែលគាត់នឹងមកលើកក្រោយដើម្បីសិក្សាមេរៀនទី១ក្នុងសៀវភៅស្តើងតម្រូវ។ លើកទឹកចិត្តទាំងអស់គ្នាខំឲ្យចាប់ផ្ដើមសិក្សាព្រះគម្ពីរជាមួយនឹងអស់អ្នកដែលបានទទួលសៀវភៅស្តើងចូរចាំយាមចុះ!
១៧ នាទី: «ចូរអរព្រះគុណចំពោះសេចក្ដីសប្បុរសដ៏ស្មោះរបស់ព្រះយេហូវ៉ា»។b ជំរាបនូវថ្ងៃម៉ោងហើយទីកន្លែងនៃពិធីបុណ្យរំឭក ព្រមទាំងឈ្មោះអ្នកថ្លែងសុន្ទរកថាហើយប្រាប់ពត៌មានសំខាន់ៗឯទៀត។ នៅពេលដែលពិគ្រោះវគ្គទី៤ រួមបញ្ចូលការសម្ដែងមួយដែលមានអ្នកផ្សាយអញ្ជើញមនុស្សម្នាក់ដែលទទួលទស្សនាវដ្ដីពីអ្នកផ្សាយជារឿយៗឲ្យមកពិធីបុណ្យរំឭក។ បើមិនទាន់មាន បងប្អូនអាចទទួលលិខិតអញ្ជើញសំរាប់ពិធីបុណ្យរំឭកក្រោយប្រជុំចប់។
ចំរៀងលេខ២១ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៨ ខែកុម្ភៈ
ចំរៀងលេខ៤២
១០ នាទី: សេចក្ដីជូនដំណឹងតាមតំបន់។ សេចក្ដីរាយការណ៍ពីគណនី។ រំឭកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសំរាប់ខែកុម្ភៈ។ បើសមនឹងតំបន់ផ្សាយរបស់ក្រុមជំនុំ សូមបង្ហាញនូវរបៀបផ្ដល់ទស្សនាវដ្ដីប៉មយាម ពីថ្ងៃទី១ ខែមីនា ដោយប្រើយោបល់ទីពីរនៅទំព័រទី៨។ គឺអាចប្រើពាក្យផ្សាយផ្សេងទៀតក៏បានដែលមានប្រយោជន៍។ ពេលជិតឈប់ការសម្ដែងណាមួយ ឲ្យអ្នកផ្សាយអញ្ជើញម្ចាស់ផ្ទះចូលរួមពិធីបុណ្យរំឭក។
៣៥ នាទី: «គ្រាបុណ្យរំឭកជាពេលសំរាប់បង្កើនសកម្មភាពផ្សព្វផ្សាយ»។c ត្រូវថ្លែងដោយអ្នកត្រួតពិនិត្យកិច្ចបំរើ។ នៅពេលដែលពិគ្រោះវគ្គ៦ រួមបញ្ចូលចំណុចខ្លះៗពីទស្សនាវដ្ដីភ្ញាក់រឭក! ថ្ងៃទី៨ ខែកញ្ញា ឆ្នាំ២០០៤ ទំព័រ១២-១៣។ (ជាភាសាអង់គ្លេស) ប្រាប់ឈ្មោះអស់អ្នកដែលបានចុះឈ្មោះជាអ្នកត្រួសត្រាយជំនួយ។ ជំរាបបងប្អូនពីថ្ងៃម៉ោងសំរាប់ប្រជុំផ្សព្វផ្សាយឯទៀតដែលបានរៀបចំឡើង។ លើកទឹកចិត្តទាំងអស់គ្នាចំរើននូវសកម្មភាពខាងវិញ្ញាណតាមវិធីផ្សេងៗក្នុងកំឡុងគ្រាបុណ្យរំឭកនេះ។
ចំរៀងលេខ៣៣ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៧ ខែមីនា
ចំរៀងលេខ៦
១៥ នាទី: សេចក្ដីជូនដំណឹងតាមតំបន់។ សើរើឡើងវិញនូវចំណុចសំខាន់ៗពី«ប្រការគួរចងចាំសំរាប់បុណ្យរំឭក»។ អញ្ជើញពួកអ្នកស្ដាប់រៀបរាប់នូវបទពិសោធន៍ដែលខ្លួនមាននៅពេលដែលត្រឡប់ទៅជួបអ្នកដែលបានទទួលសៀវភៅស្តើងចូរចាំយាមចុះ! សរសើរបងប្អូនទាំងអស់គ្នាដែលបានចូលរួមចែកសៀវភៅស្តើងថ្មីនេះ។
១០ នាទី: ផ្ដល់សៀវភៅស្តើងចូរចាំយាមចុះ! ពិគ្រោះហើយធ្វើការសម្ដែងដែលបង្ហាញនូវរបៀបផ្ដល់សៀវភៅស្តើងនោះក្នុងកំឡុងខែមីនា។ មានពាក្យផ្សព្វផ្សាយខ្លះជាគំរូនៅសន្លឹកបន្ថែមក្នុងកិច្ចបំរើព្រះរាជាណាចក្រយើងនៅខែមករា ឆ្នាំ២០០៥ ឬអាចប្រើពាក្យផ្សព្វផ្សាយផ្សេងទៀតក៏បានដែលមានប្រសិទ្ធភាពតាមតំបន់។
២០ នាទី: «ចូរជូនទស្សនាវដ្ដីក្នុងកិច្ចផ្សព្វផ្សាយ»។d នៅពេលដែលពិគ្រោះវគ្គ៣និង៤ បញ្ជាក់នូវរបៀបដែលពត៌មាននោះទាក់ទងនឹងតំបន់ផ្សាយរបស់ក្រុមជំនុំ។ សម្ភាសន៍យ៉ាងខ្លីអ្នកផ្សាយមួយឬពីរនាក់ដែលមានប្រសិទ្ធភាពក្នុងការផ្ដល់ទស្សនាវដ្ដីនៅតំបន់ជំនួញ តាមផ្លូវថ្នល់ នៅកន្លែងសាធារណៈ ឬធ្វើបន្ទាល់ក្រៅផ្លូវការ។ សួរអ្នកផ្សព្វផ្សាយពីរបៀបដែលគាត់ផ្ដល់ទស្សនាវដ្ដីពេលស្ថិតក្នុងកាលៈទេសៈដែលបានរៀបរាប់ខាងលើនេះ។ ធ្វើការសម្ដែងខ្លីមួយពីរបៀបផ្ដល់ទស្សនាវដ្ដីឬបង្ហាញពីបទពិសោធន៍ពិតៗ។
ចំរៀងលេខ២១៥ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
c កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
d កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។