កម្មវិធីប្រជុំអប់រំកិច្ចបម្រើ
សប្ដាហ៍ចាប់ផ្ដើមថ្ងៃទី១២ ខែមិថុនា
ចម្រៀងលេខ៦៥
១០ នាទី: សេចក្ដីជូនដំណឹងតាមតំបន់។ ដោយប្រើយោបល់នៅទំព័រ៨ឬពាក្យផ្សាយផ្សេងទៀតដ៏ល្អសម្រាប់តំបន់ផ្សាយរបស់អ្នក សូមបង្ហាញនូវរបៀបផ្ដល់ទស្សនាវដ្ដីប៉មយាម ពីថ្ងៃទី១ ខែមិថុនា។ ក្នុងការសម្ដែងនោះ ចូរបង្ហាញពីរបៀបជូនទស្សនាវដ្ដីក្រៅផ្លូវការ។
២០ នាទី: «កិច្ចបម្រើផ្សាយរបស់យើងជាកិច្ចការដែលបង្ហាញនូវចិត្តអាណិតអាសូរ»។a ចូរអញ្ជើញអ្នកស្ដាប់បញ្ជាក់ចំណុចពីបទគម្ពីរតាមតែមានពេល។
១៥ នាទី: អង្គការមួយដែលធ្វើតាមបំណងព្រះហឫទ័យព្រះយេហូវ៉ា។ សុន្ទរកថានិងការពិភាក្សាជាមួយអ្នកស្ដាប់ដោយប្រើសន្លឹកបន្ថែម។ ចូរកំណត់ពាក្យលំនាំត្រឹមតែបីនាទី ដោយប្រើព័ត៌មានក្នុងផ្នែក«សូមជម្រាបជូនអ្នកបម្រើព្រះទាំងឡាយ»។ រួចមកចូរពិភាក្សាជាមួយអ្នកស្ដាប់នូវវគ្គ១-៧ក្នុងជំពូកទី១នៃសន្លឹកបន្ថែមចំណងជើងអង្គការមួយដែលធ្វើតាមបំណងព្រះហឫទ័យព្រះយេហូវ៉ា។ ផ្នែកផ្សេងទៀតពីសៀវភៅអង្គការនឹងត្រូវពិភាក្សានៅប្រជុំអប់រំកិច្ចបម្រើនៅថ្ងៃក្រោយ។
ចម្រៀងលេខ៣៤ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៩ ខែមិថុនា
ចម្រៀងលេខ២១
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបម្រើព្រះរាជាណាចក្រយើង។
២០ នាទី: តើអ្នកកំពុងតែជឿនទៅមុខជាមួយអង្គការព្រះយេហូវ៉ាឬទេ? សុន្ទរកថាដែលមានមូលដ្ឋានលើសន្លឹកបន្ថែមចំណងជើងអង្គការមួយដែលធ្វើតាមបំណងព្រះហឫទ័យព្រះយេហូវ៉ា វគ្គ៨-១៧។
១៥ នាទី: «ចូរយកចិត្តទុកដាក់យ៉ាងស្មោះចំពោះអ្នកឯទៀតដោយចេះសរសើរ»។b ធ្វើការសម្ដែងខ្លីមួយ ដែលក្នុងនោះបង្ហាញអំពីអ្នកផ្សាយម្នាក់ស្ដាប់ដោយយកចិត្តទុកដាក់នូវសម្ដីម្ចាស់ផ្ទះ ហើយសរសើរគាត់យ៉ាងស្មោះត្រង់។ រួចមកអ្នកផ្សាយយកសម្ដីម្ចាស់ផ្ទះជាមូលដ្ឋានពិភាក្សាតទៅទៀត ដោយប្រើបទគម្ពីរមួយដ៏សមសាច់រឿង។
ចម្រៀងលេខ២០៧ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៦ ខែមិថុនា
ចម្រៀងលេខ៤២
១៥ នាទី: សេចក្ដីជូនដំណឹងតាមតំបន់។ សូមអានសេចក្ដីរាយការណ៍ពីគណនេយ្យព្រមទាំងសំបុត្រដែលបញ្ជាក់ថាបានទទួលវិភាគទាន។ ដោយប្រើយោបល់នៅទំព័រទី៨ឬពាក្យផ្សាយផ្សេងទៀតដ៏ល្អសម្រាប់តំបន់ផ្សាយរបស់អ្នក សូមបង្ហាញរបៀបផ្ដល់ទស្សនាវដ្ដីប៉មយាម ពីថ្ងៃទី១ ខែកក្កដា។ ពេលចប់ពាក្យផ្សព្វផ្សាយ នោះអ្នកផ្សាយលើកឡើងសំណួរគួរឲ្យចាប់អារម្មណ៍មួយ សម្រាប់ឆ្លើយដោយប្រើសៀវភៅចំណេះឬសៀវភៅស្តើងណាមួយពេលត្រឡប់ទៅជួបគាត់។
១៥ នាទី: សេចក្ដីត្រូវការតាមតំបន់។
១៥ នាទី: ការផ្សាយដំណឹងល្អនៅខែកក្កដា។ ក្នុងតំបន់ផ្សាយរបស់អ្នក តើមនុស្សទូទៅចាប់អារម្មណ៍នឹងប្រធានអ្វីខ្លះ? សម្ភាសន៍អ្នកផ្សាយមួយឬពីរនាក់ដែលបានប្រើឧបករណ៍ផ្សាយដោយប្រសិទ្ធភាព ហើយប្រហែលជាបានរកឃើញសិស្សព្រះគម្ពីរថ្មី។ បន្ទាប់មក ធ្វើការសម្ដែងអំពីការផ្សាយពីផ្ទះមួយទៅផ្ទះមួយដោយប្រើឧបករណ៍ផ្សាយសម្រាប់ខែនោះ និងយោបល់ណាមួយពីកិច្ចបម្រើព្រះរាជាណាចក្រយើងខែមុនៗ ឬពាក្យផ្សាយផ្សេងទៀតដែលមានប្រសិទ្ធភាពក្នុងតំបន់របស់អ្នក។ (សូមមើល km ១/០៥ ទំព័រ៨ វគ្គ៥)
ចម្រៀងលេខ២៦ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី៣ ខែកក្កដា
ចម្រៀងលេខ១៧៧
១០ នាទី: សេចក្ដីជូនដំណឹងតាមតំបន់។ រំលឹកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសម្រាប់ខែមិថុនា។
១៥ នាទី: «ការរៀបចំពិសេសសម្រាប់អញ្ជើញមនុស្សទូទាំងពិភពលោក ឲ្យមកចូលរួមមហាសន្និបាតដែលមានប្រធានថា ‹សេចក្ដីសង្គ្រោះជិតណាស់ហើយ!› »។c ចូរពិភាក្សាអត្ថបទក្នុងកិច្ចបម្រើព្រះរាជាណាចក្រយើង ខែមេសា ឆ្នាំ២០០៦។ ត្រូវអានវគ្គនីមួយៗ។
២០ នាទី: «វិធីដែលជួយអ្នកឲ្យសម្រេចគោលដៅខាងវិញ្ញាណ»។d អញ្ជើញប្អូនយុវវ័យក្នុងក្រុមជំនុំឲ្យប្រាប់ពីគោលដៅខាងវិញ្ញាណរបស់ពួកគាត់ និងអ្វីដែលគាត់កំពុងតែធ្វើដើម្បីសម្រេចគោលដៅទាំងនោះ។ អាចសុំមួយឬពីរនាក់ទុកជាមុនឲ្យរៀបចំចម្លើយ។
ចម្រៀងលេខ២០២ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
c កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
d កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។