កម្មវិធីប្រជុំអប់រំកិច្ចបម្រើ
សប្ដាហ៍ចាប់ផ្ដើមថ្ងៃទី១១ ខែកញ្ញា
ចម្រៀងលេខ២៧
១០ នាទី: សេចក្ដីជូនដំណឹងតាមតំបន់។ សេចក្ដីជូនដំណឹងខ្លះៗពីកិច្ចបម្រើព្រះរាជាណាចក្រយើង។ ដោយប្រើយោបល់ទីមួយនៅទំព័រទី៨ ឬពាក្យផ្សាយផ្សេងទៀតដ៏ល្អសម្រាប់តំបន់ផ្សាយរបស់អ្នក សូមបង្ហាញនូវរបៀបផ្ដល់ទស្សនាវដ្ដីប៉មយាម ថ្ងៃទី១ ខែកញ្ញា។ ក្នុងការសម្ដែង ចូរបង្ហាញពីរបៀបដែលអ្នកអាចនិយាយពេលម្ចាស់ផ្ទះប្រើពាក្យផ្ដាច់ការសន្ទនា «ខ្ញុំមានសាសនាផ្ទាល់ខ្លួនហើយ»។—សូមមើលកូនសៀវភៅរបៀបចាប់ផ្ដើមនិងបន្តការពិគ្រោះគ្នាអំពីព្រះគម្ពីរនៅទំព័រទី១០។
២០ នាទី: ចូរទុកចិត្ត‹អ្នកបំរើស្មោះត្រង់ដែលមានវិនិច្ឆ័យល្អ›។ សុន្ទរកថានិងការពិគ្រោះជាមួយពួកអ្នកស្ដាប់ដែលមានមូលដ្ឋានទៅលើសន្លឹកបន្ថែមនៅទំព័រ៣-៦។ (ជំពូកទីបី នៃសៀវភៅអង្គការមួយដែលធ្វើតាមបំណងព្រះហឫទ័យព្រះយេហូវ៉ា)
១៥ នាទី: សំបុត្រពីការិយាល័យសាខា។ សុន្ទរកថានិងការពិគ្រោះជាមួយពួកអ្នកស្ដាប់អំពីសំបុត្រដែលមាននៅទំព័រទី១នៃកិច្ចបម្រើព្រះរាជាណាចក្រយើងសម្រាប់ខែនេះ។
ចម្រៀងលេខ៦៥ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី១៨ ខែកញ្ញា
ចម្រៀងលេខ១៨៨
៥ នាទី: សេចក្ដីជូនដំណឹងតាមតំបន់។
១៥ នាទី: តើយើងបានសម្រេចអ្វីខ្លះនៅឆ្នាំមុន? អ្នកត្រួតពិនិត្យកិច្ចបម្រើលើកបញ្ជាក់ពីសកម្មភាពក្រុមជំនុំក្នុងកំលុងឆ្នាំកិច្ចបម្រើកន្លងទៅ ដោយផ្ដោតអារម្មណ៍លើកិច្ចការល្អៗរបស់បងប្អូនដែលបានបំពេញក្នុងកិច្ចបម្រើផ្សាយ។ ចូរសរសើរក្រុមជំនុំតាមរបៀបដែលសមទទួល។ ចូរជម្រាបពីចំណុចមួយឬពីរដែលក្រុមជំនុំត្រូវយកចិត្តទុកដាក់ច្រើនជាងនៅឆ្នាំក្រោយ។ ចូររៀបរាប់អំពីកិច្ចការរបស់អ្នកត្រួសត្រាយ ហើយសរសើររាល់កិច្ចការល្អៗរបស់ពួកគេ។ ចូរប្រាប់ពីលទ្ធផលល្អដែលបានមកពីការព្យាយាមជួយបងប្អូនអសកម្ម។
២៥ នាទី: «មានការរៀបចំពិសេសពីថ្ងៃទី១៦ ខែតុលា ដល់ថ្ងៃទី១២ ខែវិច្ឆិកា!»។ ការពិគ្រោះដោយចិត្តរំភើបរបស់អ្នកចាស់ទុំម្នាក់។ បន្ទាប់ពីអានសេចក្ដីជូនដំណឹងដែលបានផ្ដល់មកពួកអ្នកចាស់ទុំតាមរយៈសំបុត្រចុះថ្ងៃទី២៦ ខែមិថុនា ឆ្នាំ២០០៦ សូមចែកសន្លឹកដំណឹងព្រះរាជាណាចក្រ លេខ៣៧មួយច្បាប់ម្នាក់ដល់អស់អ្នកដែលមានវត្តមាន។ បន្ទាប់មកពិគ្រោះអត្ថបទដោយសំណួរនិងចម្លើយ។ ជម្រាបបងប្អូនពីការរៀបចំដើម្បីចែកជូននៅគ្រប់តំបន់ទាំងអស់។ លើកទឹកចិត្តអ្នកផ្សាយទាំងអស់ចូលរួមឲ្យបានពេញលេញក្នុងការចែកចាយសន្លឹកដំណឹងព្រះរាជាណាចក្រ លេខ៣៧។ ចូរធ្វើការបង្ហាញមួយដ៏ខ្លី។
ចម្រៀងលេខ៤២ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២៥ ខែកញ្ញា
ចម្រៀងលេខ២១៧
១០ នាទី: សេចក្ដីជូនដំណឹងតាមតំបន់។ សូមអានសេចក្ដីរាយការណ៍ពីគណនេយ្យព្រមទាំងសំបុត្រដែលបញ្ជាក់ថាបានទទួលវិភាគទាន។ រំលឹកអ្នកផ្សាយឲ្យដាក់សេចក្ដីរាយការណ៍ពីកិច្ចផ្សាយសម្រាប់ខែកញ្ញា។ ដោយប្រើយោបល់នៅទំព័រទី៨ ឬពាក្យផ្សាយផ្សេងទៀតដែលល្អសម្រាប់តំបន់របស់អ្នក សូមបង្ហាញនូវរបៀបផ្ដល់ទស្សនាវដ្ដីប៉មយាម ថ្ងៃទី១ ខែតុលា ពេលផ្សព្វផ្សាយតាមផ្លូវ។
២០ នាទី: «ចូរបណ្ដុះឲ្យមានចិត្តកតញ្ញូចំពោះគុណសម្បត្ដិដែលប្រៀបផ្ទឹមពុំបានរបស់ព្រះយេហូវ៉ា»។a រួមបញ្ចូលការសម្ដែងពីរបៀបដែលយើងអាចប្រើសំណួរក្នុងប្រអប់សាឡើងវិញនៅចុងជំពូកទីមួយក្នុងសៀវភៅព្រះគម្ពីរបង្រៀនដើម្បីជួយសិស្សព្រះគម្ពីរឲ្យគិតពិចារណាពីចំណុចទាំងប៉ុន្មាននោះ។
១៥ នាទី: បទពិសោធន៍ក្នុងតំបន់។ អញ្ជើញបងប្អូនរៀបរាប់ពីបទពិសោធន៍ដែលមាននៅពេលដែលគាត់ស្នើផ្ដល់ ឬក៏ចាប់ផ្ដើមសិក្សាព្រះគម្ពីរពេលជួបម្ចាស់ផ្ទះលើកដំបូងដោយប្រើសៀវភៅព្រះគម្ពីរបង្រៀន។ អាចអញ្ជើញបងប្អូនធ្វើការសម្ដែងមួយឬពីរពីបទពិសោធន៍ដែលគាត់មាន។
ចម្រៀងលេខ៣ និងសេចក្ដីអធិស្ឋានបញ្ចប់។
សប្ដាហ៍ចាប់ផ្ដើមថ្ងៃទី២ ខែតុលា
ចម្រៀងលេខ២០២
១០ នាទី: សេចក្ដីជូនដំណឹងតាមតំបន់។ សូមពិនិត្យប្រអប់សំណួរ។
១៥ នាទី: សេចក្ដីត្រូវការតាមតំបន់។
២០ នាទី: «ការផ្សព្វផ្សាយពីផ្ទះមួយទៅផ្ទះមួយ»។b បើមានពេលគ្រប់គ្រាន់អញ្ជើញបងប្អូនលើកឡើងខគម្ពីរដែលមានក្នុងអត្ថបទ។
ចម្រៀងលេខ១៨០ និងសេចក្ដីអធិស្ឋានបញ្ចប់។
[កំណត់សម្គាល់]
a កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។
b កំណត់ពាក្យលំនាំឲ្យតិចជាងមួយនាទី និងបន្តជាការពិគ្រោះដោយសំនួរនិងចម្លើយ។