ប្រអប់សំណួរ
◼ តើជាការសមរម្យទេ បើយើងប្រមូលព័ត៌មានសម្រាប់កម្មវិធីសាលាកិច្ចបម្រើព្រះអធិបតេយ្យ ចងក្រងជាឯកសារចែកដល់បងប្អូនឯទៀតនោះ?
បងប្អូនអាចធ្វើដូច្នេះសម្រាប់សមាជិកក្រុមគ្រួសារឬមិត្តជិតស្និទ្ធពីរបីនាក់បាន។ ក៏ប៉ុន្តែ ព័ត៌មាននេះមិនត្រូវចែកចាយដល់បងប្អូនទូទៅឲ្យប្រើទេ ក៏មិនគួរលក់ឲ្យបងប្អូនដែរ ពីព្រោះធ្វើដូច្នេះគឺខុសច្បាប់ហើយជាការរំលោភលើសិទ្ធិអ្នកបោះពុម្ព។—រ៉ូម ១៣:១
សុន្ទរកថាខ្លះក្នុងសាលាកិច្ចបម្រើព្រះអធិបតេយ្យមានតែប្រធានប៉ុណ្ណោះ ហើយមិនប្រាប់ប្រភពព័ត៌មានឡើយ។ តើមានប្រយោជន៍បើបងប្អូនណាម្នាក់រៀបចំឯកសារមួយ ដែលបញ្ជាក់កន្លែងរកព័ត៌មានខ្លះដែលអាចប្រើសម្រាប់សុន្ទរកថាបែបនេះទេ? អត់ទេ។ ក៏មិនសមរម្យដែរ បើរកចម្លើយចំពោះសំណួរសម្រាប់លំហាត់សាឡើងវិញចែកដល់បងប្អូន ពីព្រោះធ្វើដូច្នេះមិនជួយពួកគាត់ឲ្យចងចាំចំណុចសំខាន់ៗឡើយ។ សិស្សសាលាកិច្ចបម្រើគួរធ្វើការស្រាវជ្រាវដោយខ្លួនឯង។ នេះជាលក្ខណៈសំខាន់មួយនៃការបង្ហាត់បង្រៀនដែលព្រះយេហូវ៉ាផ្ដល់តាមរយៈសាលាកិច្ចបម្រើ ដើម្បីជួយឲ្យយើងនិយាយតាមរបៀប«ជាអ្នកដែលបានរៀនសូត្រហើយ»។—អេសា. ៥០:៤