ប្រអប់សំណួរ
◼ តើត្រឹមត្រូវទេបើរៀបចំឲ្យមានកម្មវិធីដើម្បីប្រមូលលុយសម្រាប់ជួយក្រុមជំនុំ?
នេះជាការធម្មតាចំពោះអង្គការសាសនានានា ក្នុងការផ្ដល់ទុនដើម្បីរៀបចំឲ្យមានកម្មវិធីប្រមូលលុយ ដូចជាការពិសាភោជនាហារ ការលក់ទំនិញ និងពិធីបុណ្យផ្សេងៗ។ អ្នកខ្លះយល់ថានេះគឺដើម្បីគោលបំណងល្អក៏ពិតមែន តែតាមពិតកម្មវិធីប្រមូលលុយនេះ គឺជាការអង្គាសលុយទៅវិញ។ ស្មរបន្ទាល់ព្រះយេហូវ៉ាមិនទទួលការគាំទ្រជាលុយកាក់តាមរបៀបនោះទេ។
ទស្សនាវដ្ដីប៉មយាមលេខទីពីរ ខែសីហា ឆ្នាំ១៨៧៩ ស្តីអំពីការបដិសេធមិនត្រាប់តាមព្រះវិហារផ្សេងៗ និងមិនអង្គាសលុយ បងប្រុសរ៉ាសិលបានមានប្រសាសន៍ថា៖ «យើងជឿជាក់ថា‹ទស្សនាវដ្ដីប៉មយាមភ្នំស៊ីយ៉ូន›មានព្រះយេហូវ៉ាជាអ្នកទំនុកបម្រុង។ ក្នុងកាលដែលមានព្រះយេហូវ៉ាជាអ្នកទំនុកបម្រុងដូចនេះ ច្បាស់ជាយើងមិនទទូចសុំ ឬក៏ធ្វើពាក្យសុំជំនួយពីអ្នកដទៃឡើយ។ បើព្រះយេហូវ៉ាដែលបានមានបន្ទូលថា៖ ‹មាសនិងប្រាក់ទាំងអស់ជារបស់អញ›មិនអាចគាំទ្រយើងតទៅទៀតបាន នៅពេលនោះយើងនឹងដឹងថាគឺជាពេលដែលត្រូវផ្អាកការបោះពុម្ពទស្សនាវដ្ដី»។
យើងបន្តធ្វើតាមគោលការណ៍ព្រះគម្ពីរដែលចែងថា៖ «ចូរឲ្យគ្រប់គ្នាធ្វើតាមដែលសំរេចក្នុងចិត្តចុះ! មិនមែនដោយស្ដាយ ឬដោយបង្ខំឡើយ ដ្បិតព្រះទ្រង់ស្រឡាញ់ដល់អ្នកណាដែលថ្វាយដោយអំណរ»។ (២កូ. ៩:៧) ប្រអប់វិភាគទានមានដាក់នៅក្នុងសាលប្រជុំ។ ដូច្នេះហើយបុគ្គលគ្រប់រូបអាចដាក់វិភាគទានស្ម័គ្រពីចិត្ត បើពួកគេមានបំណង។ (២ពង្ស. ១២:៩) វិភាគទានទាំងនោះមិនមែនបានមកដោយការអង្គាសទេ។ ពួកគេក៏មិនធ្វើវិភាគទានដោយមានគំនិតចង់ទទួលអ្វីមកវិញដែរ។