ចំណេះវិសេសពីបណ្ដាំរបស់ព្រះ | ទំនុកតម្កើង ១៣៥-១៤១
យើងបានត្រូវបង្កើតយ៉ាងអស្ចារ្យ
ដាវីឌបានរំពឹងគិតអំពីអ្វីៗដែលព្រះបានបង្កើត ហើយឃើញភ័ស្តុតាងផ្សេងៗដែលឆ្លុះបញ្ចាំងនូវគុណសម្បត្ដិរបស់លោក។ ដាវីឌបានតាំងចិត្តប្រើជីវិតរបស់គាត់ដើម្បីបម្រើព្រះយេហូវ៉ា។
ពេលដាវីឌរំពឹងគិតយ៉ាងជ្រាលជ្រៅអំពីអ្វីៗដែលព្រះយេហូវ៉ាបានបង្កើត គាត់បានកោតស្ងើចជាខ្លាំងហើយសរសើរតម្កើងលោក:
«ទូលបង្គំនឹងអរព្រះគុណដល់ទ្រង់ ដ្បិតទ្រង់បានបង្កើតទូលបង្គំមកយ៉ាងគួរកោត គួរអស្ចារ្យ»
«កាលទូលបង្គំកើតមាននៅទីកំបាំង ហើយបានសូនធ្វើបែបចំឡែកៗនៅទីទាបនៃផែនដី នោះគ្រោងកាយរបស់ទូលបង្គំមិនកំបាំងនឹងទ្រង់ទេ»
«ព្រះនេត្រទ្រង់បានឃើញធាតុនៃទូលបង្គំ ក្នុងកាលដែលមិនទាន់មានរូបរាងនៅឡើយ។ ទាំងអស់បានកត់ទុកក្នុងបញ្ជីរបស់ទ្រង់»