របៀបរស់នៅជាគ្រិស្តសាសនិក
ចូរអរសប្បាយនឹងសេចក្ដីសង្ឃឹមរបស់អ្នក
សេចក្ដីសង្ឃឹមគឺប្រៀបដូចជាយុថ្កា។ (ហេ. ៦:១៩) សេចក្ដីសង្ឃឹមជួយការពារជំនឿរបស់យើងកុំឲ្យខូចទៅ ដូចសំពៅដែលលិចលង់ពេលដែលជួបនឹងខ្យល់ព្យុះនៅសមុទ្រ។ (១ធី. ១:១៨, ១៩) ខ្យល់ព្យុះនៅសមុទ្រគឺប្រៀបដូចជាឧបសគ្គផ្សេងៗ ដូចជាការខកចិត្តនឹងខ្លួនឯង ការបាត់បង់ទ្រព្យសម្បត្ដិ ការមានជំងឺរ៉ាំរ៉ៃ ការបាត់បង់មនុស្សជាទីស្រឡាញ់ដោយសេចក្ដីស្លាប់ ឬអ្វីៗផ្សេងទៀតដែលធ្វើឲ្យយើងពិបាករក្សាចិត្តស្មោះភក្ដីចំពោះព្រះ។
ជំនឿនិងសេចក្ដីសង្ឃឹមជួយយើងឲ្យស្រមៃឃើញយ៉ាងច្បាស់នូវរង្វាន់ដែលព្រះបានសន្យា។ (២កូ. ៤:១៦-១៨; ហេ. ១១:១៣, ២៦, ២៧) ដូច្នេះ ទោះជាយើងមានសេចក្ដីសង្ឃឹមនៅស្ថានសួគ៌ឬនៅផែនដីក៏ដោយ យើងត្រូវពង្រឹងសេចក្ដីសង្ឃឹមនោះជារឿយៗ ដោយរំពឹងគិតអំពីសេចក្ដីសន្យាទាំងប៉ុន្មានដែលមានក្នុងបណ្ដាំរបស់ព្រះ។ យ៉ាងនេះ ពេលយើងពិបាកចិត្តដោយសារទុក្ខលំបាកផ្សេងៗ សេចក្ដីសង្ឃឹមនោះនឹងជួយយើងឲ្យកាន់តែងាយស្រួលរក្សាអំណរ។—១ពេ. ១:៦, ៧
សូមទស្សនាវីដេអូចូរអរសប្បាយនឹងសេចក្ដីសង្ឃឹម រួចមកសូមឆ្លើយសំណួរដូចតទៅនេះ:
ហេតុអ្វីម៉ូសេជាគំរូល្អ?
តើប្រមុខគ្រួសារមានភារកិច្ចអ្វី?
តើអ្នកអាចពិចារណាអំពីប្រធានបទអ្វីខ្លះសម្រាប់ការគោរពប្រណិប័តន៍ជាក្រុមគ្រួសារ?
តើតាមរបៀបណាសេចក្ដីសង្ឃឹមអាចជួយអ្នកឲ្យមានទំនុកចិត្តពេលប្រឈមមុខនឹងទុក្ខលំបាក?
តើអ្នកទន្ទឹងរង់ចាំអ្វី?