ភាគទី២
តើព្រះណាជាព្រះពិត?
មានព្រះតែមួយដែលជាព្រះពិត។ នាមរបស់លោកគឺយេហូវ៉ា។ (ចម្រៀងសរសើរព្រះ ៨៣:១៨) លោកជាបុគ្គលវិញ្ញាណ។ ដូច្នេះ យើងមើលលោកមិនឃើញទេ។ លោកស្រឡាញ់យើង ហើយចង់ឲ្យយើងស្រឡាញ់លោកវិញ។ លោកក៏ចង់ឲ្យយើងស្រឡាញ់អ្នកឯទៀតដែរ។ (ម៉ាថាយ ២២:៣៥-៤០) លោកជាបុគ្គលខ្ពង់ខ្ពស់បំផុត ហើយលោកបានបង្កើតអ្វីៗទាំងអស់។
មុនបង្អស់ ព្រះបានបង្កើតបុគ្គលវិញ្ញាណខ្លាំងក្លាមួយរូប ដែលក្រោយមកបានត្រូវហៅថាយេស៊ូគ្រិស្ត។ ព្រះយេហូវ៉ាក៏បានបង្កើតទេវតាទាំងឡាយដែរ។
ព្រះយេហូវ៉ាបានបង្កើតអ្វីៗទាំងអស់នៅស្ថានសួគ៌ . . . និងអ្វីៗទាំងអស់នៅផែនដី។ ការបើកបង្ហាញ ៤:១១
ព្រះយេហូវ៉ាបានបង្កើតផ្កាយ ព្រមទាំងផែនដីនិងអ្វីៗទាំងអស់ដែលនៅផែនដី។—ដើមកំណើត ១:១
លោកបានបង្កើតបុរសទី១ ឈ្មោះអាដាម ពីធូលីដី។—ដើមកំណើត ២:៧