ចម្រៀងលេខ១១៣
យើងមានសេចក្ដីសុខសាន្ត
(យ៉ូហាន ១៤:២៧)
១. ចូរសរសើរព្រះយេហូវ៉ា
ព្រះនៃក្ដីសុខសាន្ត
លោកធ្វើឲ្យសង្គ្រាមស្ងប់ទៅ
យើងនៅដោយសាន្តត្រាណ
បុត្រលោកជាម្ចាស់សន្តិភាព
ក៏ស្លូតល្អពេកក្រៃ
ពេលលោកបានដណ្ដើមយកជ័យ
យើងបានសុខសប្បាយ។
២. យើងបោះបង់សម្ដីគំរោះ
និងលែងទាស់ប្រេះឆា
យើងបោះបង់ចោលដាវលំពែង
លែងច្បាំងគ្នាហើយណា៎
បើយើងស្រឡាញ់សន្តិភាព
យើងត្រូវចេះអត់ទោស
ហើយធ្វើឲ្យមានសន្តិភាព
ក្នុងគ្រប់ការទាំងអស់។
៣. សន្តិភាពយើងបង្ហាញថា
ព្រះបានឲ្យពរពិត
បង្គាប់លោកយើងនឹងត្រងត្រាប់
និងស្ដាប់អស់ពីចិត្ត
យើងបង្ហាញផ្លូវសន្តិភាព
ដ៏ប្រសើរថ្លៃថ្លា
ដល់ពេលរាជ្យព្រះធ្វើឲ្យមាន
ក្ដីសុខពេញលោកា៕
(សូមពិនិត្យបន្ថែម ចសព. ៤៦:៩; អេ. ២:៤; យ៉ា. ៣:១៧, ១៨)