ប្រអប់សំណួរ
◼ ហេតុអ្វីយើងគួរមានសៀវភៅនានារបស់អង្គការយើងមួយច្បាប់នៅផ្ទះ?
មូលហេតុសំខាន់បំផុតមួយគឺដោយសារសាក្សីព្រះយេហូវ៉ាចាត់ទុកថាការសិក្សាផ្ទាល់ខ្លួនជាអ្វីដ៏សំខាន់។ (យ៉ូន. ១៧:៣) បើមានសៀវភៅរបស់ខ្លួនផ្ទាល់នៅឯផ្ទះ នោះធ្វើឲ្យយើងស្រួលធ្វើការស្រាវជ្រាវ ស្វែងរកចម្លើយចំពោះសំណួរផ្សេងៗ និងរៀបចំសម្រាប់ប្រជុំ។ ពេលដែលយើងអាចស្វែងរកព័ត៌មានអំពីបទគម្ពីរដោយងាយស្រួល នោះមានប្រយោជន៍ច្រើនណាស់។
មូលហេតុមួយទៀតដែលយើងគួរមានសៀវភៅនានារបស់អង្គការយើងមួយច្បាប់នៅឯផ្ទះ គឺដោយសារគ្រិស្តសាសនិកម្នាក់ៗត្រូវ«ទទួលភារៈរបស់ខ្លួន»។ (កាឡ. ៦:៥) ពេលយើងឆ្ងល់អំពីចំណុចណាមួយ ជាការល្អបើយើងមានទម្លាប់ធ្វើការស្រាវជ្រាវដោយខ្លួនឯងជាមុនសិន ហើយបើចាំបាច់ សឹមសួរបងប្អូនឯទៀតពេលក្រោយមក។ យើងអាចបង្កើនសមត្ថភាពវែកញែកនិងការយល់ដឹងដោយព្យាយាមសិក្សាបណ្ដាំរបស់ព្រះ ថែមទាំងប្រើសៀវភៅដែលយើងមាននៅផ្ទះឲ្យទទួលប្រយោជន៍ច្រើនបំផុត។—ហេ. ៥:១១-១៤
ឪពុកម្ដាយខ្លះបានជួយកូនៗឲ្យចេះ រៀបចំសៀវភៅរបស់ខ្លួនធ្វើដូចជាបណ្ណាល័យផ្ទាល់ខ្លួន ដោយគិតអំពីសេចក្ដីត្រូវការរបស់កូននៅពេលបច្ចុប្បន្ននិងពេលអនាគត។ ពេលមានសៀវភៅនានារបស់អង្គការយើងមួយច្បាប់នៅផ្ទះ នោះពិតជារបស់ដែលមានតម្លៃណាស់។