យើងបានត្រូវបង្រៀនដោយព្រះយេហូវ៉ា
១ ដោយការណែនាំពីព្រះ នោះកម្មវិធីអប់រំអន្តរជាតិមួយ កំពុងដំណើរការនៅ២៣៣ប្រទេស។ គ្មានអ្វីដែលលោកីយ៍នេះអាចផ្ដល់ឲ្យ ដែលអាចប្រៀបស្មើនឹងកម្មវិធីនោះឡើយ។ អ្នកបង្រៀនដ៏ឧត្តមរបស់យើង ជាព្រះយេហូវ៉ា នោះទ្រង់កំពុងតែបង្រៀនយើងឲ្យទទួលប្រយោជន៍ផ្ទាល់ខ្លួនពីឥឡូវនេះ ដូចជាទ្រង់បង្រៀនយើងដើម្បីទទួលជីវិតអស់កល្បជានិច្ច។—អេសាយ ៣០:២០; ៤៨:១៧
២ សាលាទាំងប៉ុន្មាននៃការអប់រំពីព្រះ: សូមពិចារណាមើលសាលាទាំងប៉ុន្មាន ដែលកំពុងដំណើរការដើម្បីជាប្រយោជន៍សំរាប់ប្រជារាស្ត្ររបស់ព្រះយេហូវ៉ា។ សាលាកិច្ចបំរើព្រះធិបតេយ្យ ដែលត្រូវធ្វើឡើងប្រចាំសប្ដាហ៍ ក្នុងប្រមាណ៨៧.០០០ក្រុមជំនុំ នោះកំពុងតែហ្វឹកហ្វឺនអ្នកផ្សាយព្រះរាជាណាចក្ររាប់លាននាក់ ឲ្យទៅជាអ្នកបំរើខាងដំណឹងល្អដ៏មានប្រសិទ្ធិភាព។ តើអ្នកបានចុះឈ្មោះក្នុងសាលានោះទេ? តើអ្នកក្នុងចំណោមរាប់ពាន់នាក់នោះ ដែលបានចូលរួមសាលាកិច្ចបំរើត្រួសត្រាយ ដែលមានរយៈពេលពីរសប្ដាហ៍នោះទេ? ប្រហែលជាដោយសារចំនួនម៉ោងសំរាប់ការត្រួសត្រាយពេញពេលបានត្រូវកាត់បន្ថយ នោះនឹងឲ្យអ្នកថែមទៀតមានសមត្ថភាពត្រួសត្រាយ ហើយបំពេញតម្រូវការដើម្បីចូលរួមសាលានេះ។ សាលាបង្ហាត់ខាងកិច្ចបំរើ ដែលមានទូទៅជុំវិញពិភពលោក គឺត្រូវបង្ហាត់ក្នុងរយៈពេលពីរខែ ហើយឥឡូវក៏ត្រូវមានជាភាសាទាំងឡាយដែលត្រូវនិយមប្រើ។ នោះកំពុងតែប្រដាប់ពួកអ្នកចាស់ទុំនិងអ្នកងារជំនួយដែលមិនទាន់រៀបអាពាហ៍ពិពាហ៍ ឲ្យទទួលឯកសិទ្ធិធំជាងខាងព្រះធិបតេយ្យ។ ជាម្ដងម្កាល ពួកអ្នកចាស់ទុំនិងអ្នកងារជំនួយ ទទួលនូវការណែនាំពិសេសនៅក្នុងសាលាកិច្ចបំរើព្រះរាជាណាចក្រ។
៣ អាគារទាំងប៉ុន្មាននៅឯមជ្ឈមណ្ឌលអប់រំនៃប៉មយាម នៅទីក្រុងផាតឺសិន រដ្ឋញូយ៉ក កំពុងតែត្រូវប្រើដើម្បីផ្ដល់នូវការហ្វឹកហ្វឺនថ្នាក់ខ្ពស់ខាងព្រះធិបតេយ្យ ក្នុងសាលាពិសេសបីយ៉ាង។ វគ្គសិក្សានៃសាលាព្រះគម្ពីរគីលាតនៃប៉មយាម ដែលមានរយៈពេលប្រាំខែ នោះជួយត្រៀមអ្នកបំរើផ្សាយដើម្បីធ្វើជាសាសនទូតនៅបរទេស។ សមាជិកគណៈកម្មាធិការសាខាពីប្រទេសទូទាំងពិភពលោក ក៏ចូលរួមក្នុងវគ្គសិក្សាដែលមានរយៈពេលពីរខែ អំពីរបៀបរៀបចំសាខា។ នៅខែឧសភា ឆ្នាំ១៩៩៩ វគ្គសិក្សាថ្មីមួយ ដែលមានរយៈពេលពីរខែ សំរាប់អ្នកធ្វើដំណើរត្រួតពិនិត្យ បានចាប់ផ្ដើមទាំងមានសិស្សចំនួន៤៨នាក់ ពីសហរដ្ឋអាមេរិក និងកាណាដា។ អ្នកបំរើគ្រប់ៗរូបរបស់ព្រះយេហូវ៉ានោះ នៅទីបំផុតទទួលប្រយោជន៍ដ៏ប្រសើរពីការបង្ហាត់បង្រៀនដែលព្រះយេហូវ៉ាកំពុងតែផ្ដល់ឲ្យតាមរយៈសាលាផ្សេងៗទាំងនេះ។
៤ បានត្រូវបង្រៀនដើម្បីគោលបំណងអ្វី? សមាជិកគណៈអភិបាលម្នាក់បានមានប្រសាសន៍ថា៖ «កម្មវិធីអប់រំរបស់យើងនៅពេលថ្មីៗនេះ គឺត្រូវរៀបចំដើម្បីនាំរាស្ត្ររបស់ព្រះយេហូវ៉ាទៅដល់គ្រប់ទិសទី ឲ្យទទួលភាពចាស់ទុំដែលត្រូវពណ៌នានៅសុភាសិត ១:១-៤»។ សូមព្រះយេហូវ៉ាបន្តប្រទានដល់យើងម្នាក់ៗនូវ«វោហារដូចជាអ្នកដែលបានរៀនសូត្រហើយ»។—អេសាយ ៥០:៤