ការបង្កើនឲ្យមានចិត្តអបអរចំពោះព្រះគម្ពីរបរិសុទ្ធ គឺជាសៀវភៅចាស់ជាងគេតែនៅទាន់សម័យ
សំនួរដែលមានជាបន្តបន្ទាប់នេះ បញ្ជាក់ពីចំណុចផ្សេងៗដែលអ្នកប្រហែលជាបានឃើញហើយ នៅពេលដែលបានមើលកាសែតវីដេអូមួយនេះ: (១) តើមានហេតុការណ៍ពិតអ្វីខ្លះដែលធ្វើឲ្យព្រះគម្ពីរជាសៀវភៅដ៏ល្អឯក ប្លែកពីសៀវភៅដទៃទៀតនោះ? (២) សូមជំរាបប្រាប់ឧទាហរណ៍មួយ ពីរបៀបដែលព្រះគម្ពីរនៅតែសមស្របនឹងវិទ្យាសាស្ត្រសម័យទំនើបនេះ ទោះជាសៀវភៅចាស់ពីបុរាណក៏ដោយ។ (៣) ហេតុដូចម្ដេចដែលយើងអាចប្រាកដក្នុងចិត្ត ថាគេមិនបានកែប្រែព្រះគម្ពីរដែលយើងមាននៅសព្វថ្ងៃនេះ ឲ្យខុសផ្សេងពីឯកសារដើម? (៤) តើឯកសារពីបុរាណរបស់ព្រះគម្ពីរមានលក្ខណៈដ៏គួរឲ្យកត់សម្គាល់ណាខ្លះ ហើយតើរបស់នោះបង្កើតឲ្យអ្នកមានទំនុកចិត្តយ៉ាងណា? (៥) តើលោកចន វ៉ែគ្លីវ លោកយ៉ូហាន្នីស ហ្គូទេនបឺក លោកវីលាម ធីនដេល លោកស្រីមែរី ចូន្ស និងបងប្រុសឆាល្ស ថេហ្ស រ៉ាសិល បានជួយផ្សាយព្រះបន្ទូលរបស់ព្រះជុំវិញផែនដីតាមរបៀបណាខ្លះ? (៦) តើគ្រីស្ទសាសនាបានប្រឆាំងជាខ្លាំងយ៉ាងណានឹងព្រះគម្ពីរ តែតើអ្វីបានជួយឲ្យព្រះគម្ពីរស្ថិតស្ថេររហូតមកដល់បច្ចុប្បន្នយើងនេះ? (៧) តើអង្គការរបស់ព្រះយេហូវ៉ាបានបកប្រែនិងផលិតព្រះគម្ពីរដល់កំរិតណា? (៨) ស្តីអំពីបញ្ហាដូចជាការញៀនលេងល្បែងស៊ីសង (ធីម៉ូថេទី១ ៦:៩, ១០) ការបែកបាក់ប្ដីប្រពន្ធ និងភាពឥតស្មោះត្រង់ជាមួយដៃគូ (កូរិនថូសទី១ ១៣:៤, ៥; អេភេសូរ ៥:២៨-៣៣) ព្រមទាំងការមានចិត្តរវល់តែនឹងការប្រមូលវត្ថុទ្រព្យនោះ (ម៉ាថាយ ១៦:២៦) តើឱវាទដ៏ស្រួលប្រើពីព្រះគម្ពីរចំពោះបញ្ហាទាំងនេះ បានជួយមនុស្សខ្លះដោះស្រាយនូវបញ្ហារបស់គេយ៉ាងណា? (៩) តើមានទីសំអាងអ្វីខ្លះដែលបង្ហាញថា ការអនុវត្តតាមគោលការណ៍ព្រះគម្ពីរអាចជួយឲ្យឈ្នះលើសេចក្ដីសំអប់ក្នុងលោកីយ៍នេះ ខាងជាតិសាសន៍ ពូជសាសន៍ និងពណ៌សម្បុរដែរនោះ? (១០) តើតាមរបៀបណាដែលការរៀនសេចក្ដីក្នុងព្រះគម្ពីរបាននាំឲ្យអ្នកផ្ទាល់មានសុភមង្គលច្រើនជាង? (១១) តាមទស្សនៈរបស់អ្នក តើមានអ្នកណាខ្លះដែលអាចទទួលប្រយោជន៍ពីកាសែតវីដេអូនេះ? ហើយតើតាមរបៀបណាដែលអ្នកនឹងអញ្ជើញឲ្យគេមើលបាន?