សាក្សីព្រះយេហូវ៉ា និងការចាត់ចែងកិច្ចការផ្សាយដំណឹងល្អ
ជាង១០០ឆ្នាំហើយ សាក្សីព្រះយេហូវ៉ាបានត្រូវរៀបចំឡើងជាអង្គការមួយដើម្បីសម្រេចកិច្ចការផ្សព្វផ្សាយ។ កិច្ចការនេះបានក្លាយទៅជាកិច្ចការផ្សព្វផ្សាយដ៏ធំបំផុតជាប្រវត្ដិសាស្ត្រ។ យើងផ្សាយដំណឹងល្អនេះ ក្នុងរាប់រយភាសា និងច្រើនជាង២៣០ប្រទេស។ (ម៉ាថ. ២៤:១៤) ហេតុអ្វីកិច្ចការនេះគឺសំខាន់ចាំបាច់? តើកិច្ចការនេះកំពុងតែធ្វើឡើងទូទាំងពិភពលោកយ៉ាងដូចម្ដេច? វីឌីអូដែលមានចំណងជើងថាសាក្សីព្រះយេហូវ៉ា និងការចាត់ចែងកិច្ចការផ្សាយដំណឹងល្អនឹងឆ្លើយសំណួរទាំងនេះដោយពិនិត្យមើលយ៉ាងល្អិតល្អន់នូវផ្នែកផ្សេងៗនៃកិច្ចការរបស់យើងទូទាំងពិភពលោក។ ក្រោយពីទស្សនាវីឌីអូនេះ សូមពិចារណាសំណួរដូចតទៅ។
តើតាមរបៀបណាដែលវីឌីអូនេះបានជួយអ្នកឲ្យមានចិត្តកតញ្ញូចំពោះ (១) អ្វីដែលអង្គការព្រះយេហូវ៉ាខំធ្វើដើម្បីផ្សព្វផ្សាយដំណឹងល្អ? (២ធី. ៤:២) (២) ក្រុមគ្រួសារបេតអែលទូទាំងពិភពលោក? (៣) ការបង្ហាត់បង្រៀនសាសនទូតនិងអ្នកត្រួតពិនិត្យ? (២ធី. ២:២) (៤) សារៈសំខាន់នៃការចាប់ផ្ដើមថ្ងៃនីមួយៗដោយពិភាក្សាបទគម្ពីរមួយនិងការរៀបចំសម្រាប់កិច្ចប្រជុំនៅក្រុមជំនុំ? (សកម្ម. ១៧:១១) (៥) ប្រយោជន៍ដែលមកពីការចូលរួមកិច្ចប្រជុំគ្រិស្តសាសនិក? (ហេ. ១០:២៤, ២៥) (៦) ពរដែលអ្នកនឹងទទួលនៅពេលផែនដីក្លាយទៅជាសួនឧទ្យានម្ដងទៀត? (អេ. ១១:៩) (៧) ឯកសិទ្ធិដែលអ្នកមានដើម្បីរួមចំណែកក្នុងការប្រមូលផលដែលនៅតែបន្តរហូតមកដល់សព្វថ្ងៃនេះ?—យ៉ូន. ៤:៣៥
វីឌីអូនេះជាឧបករណ៍ល្អប្រសើរមួយដើម្បីជួយមនុស្សដែលចាប់អារម្មណ៍ឲ្យស្គាល់កិច្ចការរបស់សាក្សីព្រះយេហូវ៉ាទូទាំងពិភពលោក។ (៨) តើពេលណាជាពេលល្អដើម្បីឲ្យសិស្សគម្ពីរ សាច់ញាតិនិងអ្នកឯទៀតទស្សនាវីឌីអូនេះ? (៩) តើអ្នកឃើញប្រតិកម្មល្អណាខ្លះ ពេលដែលអ្នកទស្សនាវីឌីអូនេះជាមួយអ្នកឯទៀត?
នៅពេលយើងរំពឹងគិតអ្វីដែលព្រះយេហូវ៉ាកំពុងសម្រេច នោះជំរុញយើងឲ្យពោលពាក្យដូចអ្នកតែងទំនុកតម្កើងថា៖ «ឱព្រះយេហូវ៉ាដ៏ជាព្រះនៃទូលបង្គំអើយ ការអស្ចារ្យដែលទ្រង់បានធ្វើ នោះមានច្រើនណាស់ ព្រមទាំងគំនិតដែលទ្រង់នឹកដល់យើងខ្ញុំផង គ្មានអ្នកណាអាចនឹងរៀបរាប់ដោយលំដាប់ ពីការទាំងនោះ នៅចំពោះទ្រង់បានឡើយ»។ (ទំនុក. ៤០:៥) សូមឲ្យយើងប្រើវីឌីអូនេះដោយមានប្រសិទ្ធភាពដើម្បីជួយអ្នកឯទៀតបណ្ដុះចិត្តកតញ្ញូចំពោះព្រះយេហូវ៉ានិងអង្គការរបស់លោក!