ឧបករណ៍ដែលអប់រំ ជំរុញទឹកចិត្ត និងចំរើនកម្លាំង
១ របស់ទាំងនោះពូកែខាងការអប់រំមនុស្សអំពីព្រះគម្ពីរនិងអំពីស្មរបន្ទាល់ព្រះយេហូវ៉ា។ របស់ទាំងនោះក៏បានជំរុញទឹកចិត្តជាច្រើននាក់ឲ្យឈរយ៉ាងមាំមួនខាងសេចក្ដីពិត។ មិនតែប៉ុណ្ណោះរបស់ទាំងនោះក៏បានពង្រឹងជំនឿនិងចិត្តអបអរនៃរាស្ត្ររបស់ព្រះដែលបានឧទ្ទិសថ្វាយខ្លួនហើយផងដែរ។ តើរបស់ទាំងនោះជាអ្វីទៅ? នោះគឺជាកាសែតវីដេអូទាំងប៉ុន្មានដែលបានត្រូវផលិតឡើងដោយអង្គការរបស់ព្រះយេហូវ៉ា។ តើអ្នកបានមើលកាសែតវីដេអូទាំង១០ហើយឬនៅ? តើបានមើលនៅពេលថ្មីៗនេះទេ? តើអ្នកប្រើកាសែតវីដេអូនោះក្នុងកិច្ចបំរើរបស់អ្នកឬទេ? នៅឯមហាសន្និបាតតាមតំបន់ គេបានប្រកាសពីការចេញនូវកាសែតវីដេអូទី១១ ដែលមានជាប្រធានថា៖ បងប្អូនទាំងមូលខាងសមាគមយើង។ តើអ្នកបានស្នើសុំកាសែតនោះហើយឬនៅ? តើអ្នកអាចទទួលប្រយោជន៍ច្រើនជាងពីឧបករណ៍ដ៏ប្រសើរទាំងនេះយ៉ាងដូចម្ដេច?
២ ក្នុងទស្សនាវដ្ដីប៉មយាម ពីថ្ងៃទី១ ខែតុលា ឆ្នាំ១៩៩៩មានអត្ថបទដែលថា«ចូរសិក្សាបន្ទូលរបស់ព្រះជាក្រុមគ្រួសារជារឿយៗ» បានជូនយោបល់ឲ្យថា៖ «ទុកពេលមួយចំណែកនៃការសិក្សារបស់អ្នក ដើម្បីមើលកាសែតវីដេអូដ៏បង្ហាត់បង្រៀនមួយរបស់សមាគម . . . ហើយរួចមកអាចពិគ្រោះពត៌មាននោះ»។ សមស្របនឹងយោបល់ដ៏ល្អនេះ យើងនឹងបញ្ជាក់អំពីកាសែតវីដេអូនិមួយៗ នៅឯកិច្ចប្រជុំអប់រំកិច្ចបំរើជារៀងរាល់ពីរខែម្ដង។ យើងសូមលើកទឹកចិត្តទាំងអស់គ្នាក្នុងក្រុមជំនុំឲ្យមើលកាសែតវីដេអូនោះនៅឯផ្ទះ មុននឹងវីដេអូនោះនឹងត្រូវពិគ្រោះនៅឯកិច្ចប្រជុំអប់រំកិច្ចបំរើ។
៣ ខែនេះ យើងនឹងចាប់ផ្ដើមដោយពិគ្រោះពីកាសែតវីដេអូទីមួយដែលយើងបានផលិត គឺជា ស្មរបន្ទាល់ព្រះយេហូវ៉ា អង្គការដែលគាំទ្រឈ្មោះនោះ។ សូមមើលកាសែតវីដេអូនោះ និងស្ដាប់រកចម្លើយចំពោះសំនួរទាំងប៉ុន្មានដូចតទៅនេះ:
◼ តើស្មរបន្ទាល់ព្រះយេហូវ៉ាត្រូវស្គាល់ជាទូទៅដោយព្រោះកិច្ចការអ្វី?
◼ អ្វីៗទាំងអស់ដែលត្រូវធ្វើនៅឯបេតអែល គឺជាប់ទាក់ទងនឹងបទគម្ពីរអ្វី?
◼ តើអ្នកបានឃើញគេកំពុងតែរៀបចំថត និងគូរគំនូរអ្វីមួយពីព្រះគម្ពីរ សំរាប់ការប្រើប្រាស់ក្នុងប្រកាសនវត្ថុ?
◼ ស្តីអំពីរបៀបដែលប្រកាសនវត្ថុរបស់យើងត្រូវរៀបចំនោះ តើអ្នកកោតស្ងើចនឹងអ្វីខ្លះ?
◼ ពីឆ្នាំ១៩២០ដល់ឆ្នាំ១៩៩០ តើសមាគមបានបោះពុម្ពប្រកាសនវត្ថុប៉ុន្មានក្បាល?
◼ ក្នុងចំណោមរាស្ត្ររបស់ព្រះ តើមានអ្នកណាគេជាពិសេស ដែលគួរខិតខំបំពេញតម្រូវការដើម្បីអាចចូលធ្វើកិច្ចបំរើនៅបេតអែលនោះ?—សុភាសិត ២០:២៩
◼ តើតាមរបៀបណាខ្លះដែលក្រុមគ្រួសារបេតអែល បានតាំងគំរូល្អសំរាប់ស្មរបន្ទាល់ព្រះយេហូវ៉ាទាំងអស់?
◼ ស្តីអំពីការងារដែលត្រូវធ្វើនៅបេតអែលដើម្បីផ្សព្វផ្សាយដំណឹងល្អដល់មនុស្សឲ្យបានច្រើនបំផុត តើអ្នកកោតស្ងើចនឹងអ្វីខ្លះ?
◼ តើកិច្ចការទូទាំងពិភពលោកទទួលថវិកាពីណាមក?
◼ តើយើងអាចគាំទ្រសកម្មភាពអ្វីយ៉ាងខ្នះខ្នែង និងដោយមានអារម្មណ៍យ៉ាងដូចម្ដេច?—យ៉ូហាន ៤:៣៥; កិច្ចការ ១:៨
◼ តើអ្នកមានអារម្មណ៍យ៉ាងណាចំពោះអង្គការដែលគាំទ្រឈ្មោះរបស់យើង?
◼ តើអ្នកអាចប្រើវីដេអូនេះក្នុងកិច្ចបំរើតាមរបៀបណា?
ក្នុងខែធ្នូ យើងនឹងសើរើនូវកាសែតវីដេអូដែលមានប្រធាន ព្រះគម្ពីរ គឺមានប្រវត្ដិសាស្ត្រត្រឹមត្រូវ និងបទទំនាយដែលគួរឲ្យទុកចិត្តបាន។