ពាក្យផ្សាយគំរូ
ដើម្បីចាប់ផ្ដើមបង្រៀនគម្ពីរ នៅថ្ងៃសៅរ៍ដំបូងក្នុងខែធ្នូ
«មនុស្សកាន់សាសនាផ្សេងៗ ហើយគោរពប្រណិប័តន៍ព្រះតាមរបៀបផ្សេងៗដែរ។ តើលោកអ្នកគិតថា ព្រះមានអារម្មណ៍យ៉ាងណាចំពោះរឿងនេះ? [ទុកឲ្យគេឆ្លើយ] សូមកត់សម្គាល់ថា លោកយេស៊ូបានបង្រៀនយ៉ាងណាអំពីរឿងនេះ»។ ជូនទស្សនាវដ្ដីប៉មយាមថ្ងៃទី១ ខែធ្នូ ទៅម្ចាស់ផ្ទះ រួចពិចារណាជាមួយគ្នានូវអត្ថបទក្រោមចំណងជើងតូចទី១នៅទំព័រ១៦ និងយ៉ាងហោចណាស់ពិចារណាខគម្ពីរមួយដែលបានត្រូវដកស្រង់។ សូមស្នើផ្ដល់ទស្សនាវដ្ដី រួចណាត់ពេលត្រឡប់មកវិញដើម្បីពិភាក្សាសំណួរបន្ទាប់។
ទស្សនាវដ្ដីប៉មយាម ថ្ងៃទី១ ខែវិច្ឆិកា
«សព្វថ្ងៃនេះ កាលណាមនុស្សជាច្រើនជួបប្រទះបញ្ហានិងរឿងខ្លោចផ្សាផ្សេងៗ ពួកគេមានអារម្មណ៍ថាព្រះមិនយកចិត្តទុកដាក់នឹងពួកគេទេ។ តើលោកអ្នកគិតយ៉ាងណា? [ទុកឲ្យគេឆ្លើយ] សុំកត់សម្គាល់អ្វីដែលគម្ពីរដែលជាបណ្ដាំរបស់ព្រះចែងអំពីអារម្មណ៍របស់លោកចំពោះយើង។ [សូមអាន ពេត្រុសទី១ ៥:៧] ទស្សនាវដ្ដីនេះពន្យល់សេចក្ដីពិតអំពីអារម្មណ៍របស់ព្រះចំពោះយើងនិងសេចក្ដីពិតឯទៀតអំពីលោក»។
ទស្សនាវដ្ដីប៉មយាម ថ្ងៃទី១ ខែធ្នូ
«សព្វថ្ងៃនេះ ខ្នាតតម្រាសីលធម៌ស្តីអំពីការរួមដំណេកគឺខុសគ្នាពីបុគ្គលម្នាក់ទៅបុគ្គលម្នាក់ និងពីប្រទេសមួយទៅប្រទេសមួយ។ ស្តីអំពីរឿងនេះ តើលោកអ្នកគិតថា យើងអាចរកឃើញខ្នាតតម្រាត្រឹមត្រូវនៅឯណា? [ទុកឲ្យគេឆ្លើយ] សូមកត់សម្គាល់អ្វីដែលឃ្លានេះចែងអំពីប្រភពនៃខ្នាតតម្រាស្តីអំពីអ្វីដែលត្រូវនិងអ្វីដែលខុស។ [សូមអាន ធីម៉ូថេទី២ ៣:១៦] ទស្សនាវដ្ដីនេះប្រាប់ចម្លើយពីគម្ពីរចំពោះសំណួរ១០យ៉ាងស្តីអំពីការរួមដំណេកដែលមនុស្សតែងតែឆ្ងល់។ ទស្សនាវដ្ដីនេះក៏ពន្យល់ដែរអំពីប្រយោជន៍ដែលយើងទទួលពីខ្នាតតម្រាគម្ពីរ»។