វិធីដ៏ល្អដើម្បីរីករាយនឹងបទរាជាណាចក្រ
អ្នកបម្រើព្រះចាត់ទុកថា ភ្លេងជាអំណោយដ៏វិសេសពីព្រះយេហូវ៉ា។ (យ៉ា. ១:១៧) ក្រុមជំនុំជាច្រើនចូលចិត្តចាក់បទរាជាណាចក្រតិចៗមុននិងក្រោយកិច្ចប្រជុំរបស់ពួកគេ។ ការចាក់បទភ្លេងសរសើរព្រះ គឺជាវិធីដែលជួយឲ្យធូរស្រាលក្នុងចិត្តដើម្បីស្វាគមន៍យើងមកកិច្ចប្រជុំ។ នេះជួយយើងឲ្យរៀបចំចិត្តគំនិតសម្រាប់ការគោរពប្រណិប័តន៍ព្រះ។ ម្យ៉ាងទៀត ការចាក់បទភ្លេងថ្មីពីសៀវភៅចម្រៀងរបស់យើងជួយយើងឲ្យស្គាល់បទភ្លេង និងជួយយើងឲ្យច្រៀងចម្រៀងយ៉ាងត្រឹមត្រូវផងដែរ។ បទភ្លេងបែបនោះដែលបានចាក់ក្រោយកិច្ចប្រជុំធ្វើឲ្យមានបរិយាកាសសប្បាយរីករាយក្នុងការសំណេះសំណាលគ្នា និងលើកទឹកចិត្តគ្នា។ ដូច្នេះក្រុមអ្នកចាស់ទុំគួរចាត់ចែងចាក់បទភ្លេងពីចូរច្រៀងជូនព្រះយេហូវ៉ាជាបទភ្លេងប៉ុណ្ណោះ មុននិងក្រោយកិច្ចប្រជុំ។ ពួកគាត់គួរធ្វើយ៉ាងណាកុំឲ្យបទភ្លេងឮពេក ហើយមិនធ្វើឲ្យបងប្អូនពិបាកសន្ទនាគ្នា។