ពាក្យផ្សាយគំរូ
ដើម្បីរកសិស្សគម្ពីរថ្មីនៅថ្ងៃសៅរ៍ដំបូងក្នុងខែកក្កដា
«មនុស្សស្ទើរតែទាំងអស់ដែលយើងនិយាយជាមួយចង់មានសន្ដិភាពពេញពិភពលោក។ ប៉ុន្តែ នៅតែមានសង្គ្រាមនៅកន្លែងផ្សេងៗ។ តាមទស្សនៈរបស់អ្នក ហេតុអ្វីពិបាកមានសន្ដិភាពពេញពិភពលោកម្ល៉េះ?»។ ទុកឲ្យគេឆ្លើយ។ បន្ទាប់មកបង្ហាញក្របខាងក្រោយទស្សនាវដ្ដីប៉មយាម ខែកក្កដា-កញ្ញា។ ពិគ្រោះជាមួយគាត់អំពីព័ត៌មាននៅក្រោមសំណួរទី១ ហើយយ៉ាងហោចណាស់អានបទគម្ពីរមួយដែលបានកត់ទុកក្នុងនោះ។ ស្នើផ្ដល់ទស្សនាវដ្ដី ហើយណាត់ពេលត្រឡប់ទៅជួបដើម្បីពិចារណាសំណួរបន្ទាប់។
កំណត់សម្គាល់: ពាក្យផ្សាយនេះគួរប្រើជាការសម្ដែងក្នុងកិច្ចប្រជុំផ្សព្វផ្សាយ នៅថ្ងៃទី៦ ខែកក្កដា។
ទស្សនាវដ្ដីប៉មយាម ខែកក្កដា-កញ្ញា
«មនុស្សម្នាក់ៗដែលយើងនិយាយជាមួយបានប្រឈមមុខនឹងបញ្ហាផ្សេងៗ។ នេះនាំឲ្យមនុស្សខ្លះឆ្ងល់អំពីខ្លឹមសារនៃជីវិត។ តាមគំនិតរបស់អ្នក តើអ្វីជាឧបសគ្គធំបំផុតដែលរារាំងមនុស្សមិនឲ្យមានសុភមង្គលនៅសព្វថ្ងៃនេះ? [ទុកឲ្យគេឆ្លើយ] គម្ពីរសន្យាថាឆាប់ៗខាងមុខនេះព្រះនឹងបំបាត់បញ្ហាផ្សេងៗដែលយើងជួបប្រទះនៅឥឡូវនេះ។ [សូមអាន ការបើកបង្ហាញ ២១:៤] ទស្សនាវដ្ដីនេះរៀបរាប់អំពីអ្វីដែលយើងអាចទទួលនៅអនាគត និងអំពីរបៀបដែលជីវិតយើងអាចមានន័យខ្លឹមសារនៅឥឡូវនេះ»។
ព្រះមានដំណឹងល្អសម្រាប់យើង!
«យើងកំពុងមកលេងក្រុមគ្រួសារនៅផ្លូវនេះដើម្បីចែកប្រាប់ព័ត៌មានដែលលើកទឹកចិត្តពីគម្ពីរ។ មនុស្សជាច្រើនដែលយើងបាននិយាយជាមួយឆ្ងល់ថា ហេតុអ្វីព្រះដែលពោរពេញទៅដោយសេចក្ដីស្រឡាញ់អនុញ្ញាតឲ្យមានទុក្ខវេទនាច្រើនម្ល៉េះនៅលើពិភពលោកយើងនេះ។ តើអ្នកគិតថាទុក្ខវេទនានោះជាគោលបំណងដើមរបស់ព្រះសម្រាប់ផែនដីយើងឬ?»។ ទុកឲ្យគេឆ្លើយ។ បន្ទាប់មកបើកទៅមេរៀនទី៥ ហើយអាននិងពិគ្រោះពីរវគ្គដំបូង និងអានបទគម្ពីរដែលជាអក្សរទ្រេត។ សូមស្នើផ្ដល់សៀវភៅស្តើង ហើយណាត់ពេលត្រឡប់ទៅជួបដើម្បីពិចារណាសំណួរបន្ទាប់ជាអក្សរដិត។