ពាក្យផ្សាយគំរូ
ដើម្បីចាប់ផ្ដើមបង្រៀនគម្ពីរ នៅថ្ងៃសៅរ៍ដំបូងក្នុងខែកក្កដា
សូមអាន អេសាយ ៤២:៨។ បន្ទាប់មក សូមនិយាយថា៖ «យោងទៅតាមបទគម្ពីរនេះ ព្រះមាននាមរបស់លោក។ តើអ្នកគិតថា ការស្គាល់នាមរបស់ព្រះជាការសំខាន់ឬទេ? [ទុកឲ្យគេឆ្លើយ] សូមកត់សម្គាល់អំពីអ្វីដែលបានសរសេរក្នុងសៀវភៅនេះ»។ សូមជូនម្ចាស់ផ្ទះនូវទស្សនាវដ្ដីប៉មយាម ខែកក្កដា–កញ្ញា ហើយពិចារណាជាមួយគ្នានូវព័ត៌មានក្រោមចំណងជើងទី១ នៅទំព័រ១៦។ ស្នើផ្ដល់ទស្សនាវដ្ដីនោះ ហើយរៀបចំត្រឡប់ទៅជួបដើម្បីពិគ្រោះគ្នាអំពីសំណួរបន្ទាប់។
ទស្សនាវដ្ដីប៉មយាម ខែកក្កដា–កញ្ញា
«ខ្ញុំចង់ដឹងទស្សនៈរបស់អ្នកស្តីអំពីប្រធានបទដ៏សំខាន់មួយ។ [បើកទៅទំព័រទី៣ ហើយបង្ហាញចំណុចទាំងបួនក្នុងអត្ថបទនោះ] តើមួយណាជាទស្សនៈរបស់អ្នកចំពោះគម្ពីរបរិសុទ្ធ? [ទុកឲ្យគេឆ្លើយ] សូមកត់សម្គាល់អ្វីដែលគម្ពីរចែងអំពីរឿងនេះ។ [សូមអាន រ៉ូម ១៥:៤] ទស្សនាវដ្ដីនេះពិចារណាអំពីមូលហេតុប្រាំដែលបញ្ជាក់ថា គម្ពីរជាសៀវភៅដ៏ពិសេស ហើយក៏បង្ហាញអំពីរបៀបដែលយើងអាចទទួលប្រយោជន៍ផងដែរ»។