ការពន្យល់ជំនឿរបស់យើងអំពីឆ្នាំ១៩១៤
បទគម្ពីរលើកទឹកចិត្តយើងឲ្យ«ប្រុងប្រៀបជានិច្ចដើម្បីនិយាយការពារ»ជំនឿរបស់យើង ហើយយើង«ធ្វើដូច្នេះដោយចិត្តស្លូតបូតនិងដោយការគោរពដ៏ជ្រាលជ្រៅ»។ (១ពេ. ៣:១៥) តាមការពិត យើងប្រហែលជាមានការពិបាកក្នុងការពន្យល់អំពីសេចក្ដីពិតជ្រាលជ្រៅក្នុងគម្ពីរ ឧទាហរណ៍ អំពីរបៀបដែលយើងដឹងថារាជាណាចក្រព្រះបានចាប់ផ្ដើមគ្រប់គ្រងនៅឆ្នាំ១៩១៤។ ក៏ប៉ុន្តែយើងមានជំនួយក្នុងអត្ថបទតភាគដែលមានចំណងជើងថា «ការសន្ទនាអំពីប្រធានបទមួយក្នុងគម្ពីរ តើរាជាណាចក្រព្រះបានចាប់ផ្ដើមគ្រប់គ្រងនៅពេលណា?»។ អត្ថបទតភាគនោះមានក្នុងទស្សនាវដ្ដីប៉មយាមសម្រាប់ផ្សព្វផ្សាយ ដែលត្រូវស្នើផ្ដល់ក្នុងអំឡុងខែតុលាដល់ធ្នូ។ ពេលដែលយើងអានអត្ថបទនោះ សូមពិចារណាអំពីរបៀបដែលខេមរិនបានតបឆ្លើយសំណួរផ្សេងៗ។ ខេមរិនជាឈ្មោះអ្នកផ្សាយនៅក្នុងការសន្ទនានោះ។
តើតាមរបៀបណាគាត់បាន . . .
• សរសើរម្ចាស់ផ្ទះដើម្បីបង្កើតឲ្យមានចំណុចស្របគ្នា?—សកម្ម. ១៧:២២
• បង្ហាញចិត្តរាបទាបពេលដែលគាត់ពន្យល់អំពីជំនឿរបស់គាត់?—សកម្ម. ១៤:១៥
ហេតុអ្វីជាការល្អដែល . . .
• ម្ដងម្កាល គាត់បានសង្ខេបឡើងវិញនូវចំណុចដែលគាត់បានពន្យល់ហើយ មុននឹងនិយាយចំណុចបន្ថែមទៀត?
• ម្ដងម្កាល គាត់បានផ្អាក ហើយសួរម្ចាស់ផ្ទះឲ្យដឹងថាគាត់យល់ឬមិនយល់នូវអ្វីដែលពួកគេបានពិភាក្សាហើយ?
• គាត់មិនបានប្រាប់ព័ត៌មានច្រើនពេកក្នុងការពិគ្រោះគ្នាពេលនោះ?—យ៉ូន. ១៦:១២
យើងពិតជាដឹងគុណព្រះយេហូវ៉ាខ្លាំងណាស់ ដោយសារលោកដែលជា«គ្រូ»របស់យើង បានបង្ហាត់បង្រៀនយើងឲ្យចេះពន្យល់នូវសេចក្ដីពិតជ្រាលជ្រៅក្នុងគម្ពីរដល់អ្នកដែលស្រេកឃ្លានសេចក្ដីពិតនោះ។—អេ. ៣០:២០