ចូរប្រើឫទ្ធានុភាពនៃបណ្ដាំរបស់ព្រះក្នុងកិច្ចបម្រើផ្សាយ
នៅពេលបុគ្គលម្នាក់ឲ្យឱកាសយើងនិយាយជាមួយនឹងគាត់អំពីដំណឹងល្អ យើងចង់ប្រើពេលវេលានោះឲ្យកើតប្រយោជន៍ច្រើនបំផុត ហើយប្រើឫទ្ធានុភាពនៃបណ្ដាំរបស់ព្រះដោយអានខគម្ពីរពីគម្ពីរតែម្ដង។ នេះបានត្រូវលើកឡើងនៅសន្និបាតពិសេសឆ្នាំមុន។ អ្នកត្រួតពិនិត្យប្រចាំមណ្ឌលបានថ្លែងសុន្ទរកថាដែលមានចំណងជើងថា «ចូរប្រើឫទ្ធានុភាពនៃបណ្ដាំរបស់ព្រះក្នុងកិច្ចបម្រើផ្សាយ»។ តើបងប្អូននៅចាំចំណុចសំខាន់ៗក្នុងសុន្ទរកថានោះឬទេ?
• ហេតុអ្វីប្រសាសន៍របស់ព្រះយេហូវ៉ាមានឫទ្ធានុភាពច្រើនជាងពាក្យសម្ដីរបស់យើង?—២ធី. ៣:១៦, ១៧
• តើតាមរបៀបណាគម្ពីរជំរុញចិត្ត មានឥទ្ធិពលទៅលើគំនិត ធ្វើឲ្យមានបំណងចិត្តប្រសើរជាង និងជំរុញឲ្យមានការប្រព្រឹត្ត? (សូមមើលទស្សនាវដ្ដីប៉មយាម ថ្ងៃទី១៥ ខែមិថុនា ឆ្នាំ២០១២ ទំ. ២៧ វ. ៧)។
• ពេលដែលយើងអានខគម្ពីរដល់បុគ្គលណាម្នាក់ក្នុងកិច្ចបម្រើផ្សាយ តើយើងអាចលើកបញ្ជាក់អំពីបណ្ដាំរបស់ព្រះតាមវិធីដែលនាំឲ្យអ្នកស្ដាប់គោរពគម្ពីរយ៉ាងដូចម្ដេច? (សូមមើលសៀវភៅMinistry School ទំ. ១៤៨ វ. ៣-៤ និងកិច្ចបម្រើព្រះ ខែមីនា ឆ្នាំ២០១៣ ទំ. ៦ វ. ៨)។
• ហេតុអ្វីជាការសំខាន់ឲ្យយើងពន្យល់និងវែកញែកខគម្ពីរដែលយើងបានអាន ហើយតើយើងអាចធ្វើដូច្នេះយ៉ាងដូចម្ដេច? (សូមមើលសៀវភៅMinistry School ទំ. ១៥៤ វ. ៤ ដល់ទំ. ១៥៦ វ. ៥)។—សកម្ម. ១៧:២, ៣