ចំណេះវិសេសពីបណ្ដាំរបស់ព្រះ | អេសាយ ៣៤-៣៧
ហេសេគាបានបង្ហាញជំនឿ ហើយបានទទួលពរ
ស្តេចសានហេរីបនៃស្រុកអាសស៊ើរ បានចាត់រ៉ាបសាកេទៅក្រុងយេរូសាឡិម ដើម្បីបង្គាប់អ្នកក្រុងនោះឲ្យចុះចាញ់។ ពួកអាសស៊ើរបានលើកឡើងហេតុផលជាច្រើន ក្នុងបំណងធ្វើឲ្យជនជាតិយូដាសុខចិត្តចុះចាញ់តែម្ដង។
ការគ្មានបង្អែក។ អេស៊ីបមិនអាចជួយអ្នកបានទេ។—អេ. ៣៦:៦
ការសង្ស័យ។ ព្រះយេហូវ៉ានឹងមិនច្បាំងជំនួសអ្នកទេ ព្រោះលោកមិនពេញចិត្តអ្នកឡើយ។—អេ. ៣៦:៧, ១០
ការគំរាមកំហែង។ អ្នកគ្មានឱកាសអាចយកឈ្នះកងទ័ពអាសស៊ើរដ៏ខ្លាំងក្លាបានទេ។—អេ. ៣៦:៨, ៩
ការទាក់ទាញចិត្ត។ បើសុខចិត្តចុះចាញ់នឹងជនជាតិអាសស៊ើរ ជីវិតរបស់អ្នកនឹងប្រសើរឡើង។—អេ. ៣៦:១៦, ១៧
ហេសេគាបានបង្ហាញជំនឿមុតមាំទៅលើព្រះយេហូវ៉ា
គាត់ធ្វើអ្វីដែលគាត់អាចធ្វើបាន ដើម្បីត្រៀមលក្ខណៈទុកជាមុន មុននឹងក្រុងត្រូវឡោមព័ទ្ធ
គាត់បានអធិដ្ឋានសុំព្រះយេហូវ៉ាជួយសង្គ្រោះពួកគាត់ ហើយគាត់ក៏បានលើកទឹកចិត្តបណ្ដាជនឲ្យធ្វើដូច្នោះដែរ
ដោយសារជំនឿមុតមាំ គាត់បានទទួលពរមែន ពេលដែលព្រះយេហូវ៉ាចាត់ទេវតាមួយរូបឲ្យទៅសម្លាប់កងទ័ពអាសស៊ើរអស់១៨៥.០០០នាក់ក្នុងរយៈពេលមួយយប់