របៀបរស់នៅជាគ្រិស្តសាសនិក
សូមកុំភ្លេចអធិដ្ឋានឲ្យបងប្អូនគ្រិស្តសាសនិកដែលត្រូវគេបៀតបៀន
គម្ពីរបានប្រកាសទុកជាមុនថាសាថាននឹងបៀតបៀនយើងក្នុងបំណងរារាំងយើងមិនឲ្យបំពេញកិច្ចបម្រើផ្សាយ។ (យ៉ូន. ១៥:២០; បប. ១២:១៧) តើតាមរបៀបណាយើងអាចជួយគ្រិស្តសាសនិកគ្នីគ្នាដែលកំពុងរងទុក្ខដោយសារការបៀតបៀននៅប្រទេសផ្សេងៗ? យើងអាចអធិដ្ឋានឲ្យពួកគាត់។ គម្ពីរចែងថា៖ «សេចក្ដីអធិដ្ឋានអង្វររបស់មនុស្សសុចរិតមានប្រសិទ្ធភាពខ្លាំងណាស់ ពេលដែលសេចក្ដីអធិដ្ឋាននោះទទួលចម្លើយ»។—យ៉ា. ៥:១៦
តើយើងអាចអធិដ្ឋានអំពីអ្វីខ្លះ? យើងអាចសុំព្រះយេហូវ៉ាឲ្យបងប្អូនរួមជំនឿមានចិត្តក្លាហាន ហើយសុំលោកជួយពួកគាត់កុំឲ្យភ័យខ្លាច។ (អេ. ៤១:១០-១៣) យើងក៏អាចអធិដ្ឋានសុំលោកបណ្ដាលចិត្តពួកអាជ្ញាធរអនុញ្ញាតឲ្យយើងផ្សព្វផ្សាយ «ដើម្បីយើងអាចរក្សាឲ្យមានជីវិតស្ងៀមស្ងាត់»។—១ធី. ២:១, ២
ពេលប៉ូលនិងពេត្រុសត្រូវគេបៀតបៀន គ្រិស្តសាសនិកនៅសតវត្សរ៍ទី១បានអធិដ្ឋានឲ្យពួកគាត់ដោយលើកឈ្មោះចំៗ។ (សកម្ម. ១២:៥; រ៉ូម ១៥:៣០, ៣១) ទោះជាយើងមិនស្គាល់ឈ្មោះបងប្អូនទាំងអស់ដែលត្រូវគេបៀតបៀនក៏ដោយ យើងអាចអធិដ្ឋានដោយលើកឈ្មោះក្រុមជំនុំ ប្រទេស ឬតំបន់របស់ពួកគាត់។