របៀបរស់នៅជាគ្រិស្តសាសនិក
ចូរបង្កើនភាពប៉ិនប្រសប់ក្នុងកិច្ចបម្រើផ្សាយ ពោលគឺសួរសំណួរដែលមានប្រសិទ្ធភាព
ហេតុអ្វីសំខាន់: បើសិនជា«ចិត្តមនុស្ស នោះធៀបដូចជាអណ្ដូងដ៏ជ្រៅ» នោះសំណួរគឺប្រៀបដូចជាយោងដើម្បីដងឡើងបាន។ (សុភ. ២០:៥) សំណួរជួយអ្នកស្ដាប់ឲ្យរួមចំណែកក្នុងការសន្ទនា។ ចម្លើយចំពោះសំណួរដែលបានត្រូវជ្រើសរើសយ៉ាងល្អ ច្រើនតែផ្ដល់ព័ត៌មានថែមទៀតអំពីបុគ្គលណាម្នាក់។ លោកយេស៊ូបានប្រើសំណួរដែលមានប្រសិទ្ធភាព។ តើតាមរបៀបណាយើងអាចយកតម្រាប់លោក?
របៀបអនុវត្ត:
សួរសំណួរឲ្យដឹងអំពីទស្សនៈ។ លោកយេស៊ូបានសួរសំណួរបន្តបន្ទាប់ ដើម្បីដឹងទស្សនៈរបស់អ្នកកាន់តាមលោក។ (ម៉ាថ. ១៦:១៣-១៦; be-E ទំ. ២៣៨ វ. ៣-៥) តើអ្នកអាចសួរសំណួរណាខ្លះដើម្បីដឹងអំពីទស្សនៈរបស់អ្នកឯទៀត?
សួរសំណួរត្រិះរិះ។ ដើម្បីកែតម្រង់គំនិតមិនត្រឹមត្រូវរបស់ពេត្រុស លោកយេស៊ូបានសួរសំណួរនិងប្រាប់ចម្លើយដែលធ្វើឲ្យពេត្រុសសន្និដ្ឋានត្រឹមត្រូវ។ (ម៉ាថ. ១៧:២៤-២៦) តើអ្នកអាចសួរសំណួរត្រិះរិះអ្វីខ្លះដើម្បីជួយអ្នកណាម្នាក់ឲ្យមានការសន្និដ្ឋានត្រឹមត្រូវ?
សូមសរសើរអ្នកស្ដាប់។ ក្រោយអ្នកជំនាញខាងច្បាប់«ឆ្លើយដោយប្រាជ្ញា» លោកយេស៊ូបានសរសើរគាត់។ (ម៉ាក. ១២:៣៤) តើអ្នកអាចសរសើរអ្នកណាម្នាក់យ៉ាងដូចម្ដេចពេលគាត់បានឆ្លើយសំណួររបស់អ្នក?
សូមទស្សនាផ្នែកទី១នៃវីដេអូចូរធ្វើកិច្ចការដែលលោកយេស៊ូបានធ្វើ ពោលគឺបង្រៀន រួចមកឆ្លើយសំណួរដូចតទៅ៖
ហេតុអ្វីនេះជាគំរូដែលបង្ហាញអំពីការបង្រៀនមិនល្អ ទោះជាព័ត៌មានគឺត្រឹមត្រូវក្ដី?
ហេតុអ្វីយើងមិនគ្រាន់តែត្រូវពន្យល់ព័ត៌មានប៉ុណ្ណោះ?
សូមទស្សនាផ្នែកទី២នៃវីដេអូ រួចមកឆ្លើយសំណួរដូចតទៅ៖
តើតាមរបៀបណាបងប្រុសនោះបានប្រើសំណួរដែលមានប្រសិទ្ធភាព?
តើមានចំណុចផ្សេងទៀតណាខ្លះនៃការបង្រៀនរបស់គាត់ដែលយើងអាចធ្វើតាម?
តើការបង្រៀនរបស់យើងមានឥទ្ធិពលយ៉ាងណាលើអ្នកឯទៀត? (លូក. ២៤:៣២)