របៀបរស់នៅជាគ្រិស្តសាសនិក
ចូរប្រយ័ត្នកុំចែកចាយរឿងមិនពិត
សព្វថ្ងៃ មនុស្សរាប់លាននាក់អាចទទួលព័ត៌មានយ៉ាងលឿនពីគ្រប់ទិសទី ដូចជាតាមរយៈកាសែត វិទ្យុ ទូរទស្សន៍ និងប្រព័ន្ធអ៊ីនធឺណិត។ ពួកអ្នកដែលគោរពប្រណិប័តន៍«ព្រះនៃសេចក្ដីពិត»មិនចង់ចែកចាយរឿងមិនពិត ទោះជាមិនមានចេតនាក៏ដោយ។ (ទំនុក. ៣១:៥; និក្ខ. ២៣:១) រឿងមិនពិតដែលយើងប្រាប់ដល់អ្នកឯទៀតអាចនាំឲ្យមានលទ្ធផលអាក្រក់។ ពេលយើងព្យាយាមដឹងថាព័ត៌មានណាជាការពិត សូមសួរខ្លួនថា៖
‹តើប្រភពព័ត៌មានគួរឲ្យទុកចិត្តឬទេ?› អ្នកដែលប្រាប់រឿងប្រហែលជាមិនដឹងការពិតនោះទេ។ ពេលរឿងបានត្រូវប្រាប់តៗគ្នា រឿងនោះផ្លាស់ប្ដូរ ដូច្នេះសូមប្រយ័ត្នបើអ្នកមិនដឹងច្បាស់អំពីប្រភពនៃរឿងនោះ។ អ្នកដែលមានឯកសិទ្ធក្នុងក្រុមជំនុំជាអ្នកដែលបងប្អូនទុកចិត្តថាជាអ្នកផ្ដល់ព័ត៌មានត្រឹមត្រូវ ដូច្នេះពួកគេត្រូវប្រុងប្រយ័ត្នជាពិសេសអំពីការចែកចាយព័ត៌មានណាដែលខ្លួនមិនដឹងថាជាការពិតឬយ៉ាងណា។
‹តើព័ត៌មានបង្កាច់បង្ខូចអ្នកឯទៀតឬទេ?› បើព័ត៌មានបង្ខូចកេរ្ដិ៍ឈ្មោះរបស់បុគ្គលម្នាក់ឬក្រុមណាមួយ យើងមិនគួរចែកចាយឡើយ។—សុភ. ១៨:៨; ភី. ៤:៨
‹តើព័ត៌មានអាចជឿទុកចិត្តបានឬទេ?› ចូរប្រុងប្រយ័ត្នពេលឮព័ត៌មានដែលគួរឲ្យចាប់អារម្មណ៍ ឬឮបទពិសោធន៍ដ៏អស្ចារ្យណាមួយ
សូមទស្សនាវីដេអូតើខ្ញុំអាចបញ្ឈប់ការនិយាយដើមគេយ៉ាងដូចម្ដេច? រួចមកឆ្លើយសំណួរដូចតទៅនេះ៖
យោងទៅតាមសុភាសិត ១២:១៨ តើពាក្យសំដីអាចបង្កឲ្យមានឥទ្ធិពលអាក្រក់យ៉ាងណា?
តើភីលីព ២:៤ជួយយើងយ៉ាងដូចម្ដេចឲ្យមានទស្សនៈត្រឹមត្រូវក្នុងការនិយាយអំពីអ្នកឯទៀត?
តើយើងត្រូវធ្វើអ្វីពេលមានគេចាប់ផ្ដើមនិយាយចំអកឬមិនល្អអំពីអ្នកឯទៀត?
មុនដែលយើងចាប់ផ្ដើមនិយាយអំពីបុគ្គលណាម្នាក់ តើយើងគួរសួរខ្លួននូវសំណួរអ្វីខ្លះ?