ចូរខំព្យាយាមក្នុងកិច្ចបម្រើផ្សាយ | ចូរបង្កើនអំណររបស់អ្នកក្នុងកិច្ចបម្រើផ្សាយ
ប្រើឧទាហរណ៍ដែលបង្រៀនចំណុចសំខាន់
ពេលយើងធ្វើការត្រឡប់ទៅជួបឬបង្រៀនគម្ពីរ យើងត្រូវជួយអ្នកស្ដាប់ឲ្យយល់ចំណុចសំខាន់ៗ។ ដោយប្រើឧទាហរណ៍ដើម្បីបញ្ជាក់ចំណុចទាំងនេះ យើងអាចជំរុញចិត្តពួកគេ ហើយជួយពួកគេឲ្យចាំចំណុចទាំងនេះដែរ។
កាលដែលអ្នករៀបចំដើម្បីត្រឡប់ទៅជួបឬបង្រៀនគម្ពីរ សូមជ្រើសរើសចំណុចសំខាន់ៗដែលអ្នកចង់បញ្ជាក់ដោយប្រើឧទាហរណ៍ មិនមែនចំណុចបន្ទាប់បន្សំទេ។ បន្ទាប់មក ជ្រើសរើសឧទាហរណ៍ស្រួលយល់ពីអ្វីៗដែលមានក្នុងជីវិតប្រចាំថ្ងៃ។ (ម៉ាថ. ៥:១៤-១៦; ម៉ាក. ២:២១; លូក. ១៤:៧-១១) កុំភ្លេចគិតអំពីមជ្ឈដ្ឋាននិងសកម្មភាពរបស់អ្នកស្ដាប់។ (លូក. ៥:២-១១; យ៉ូន. ៤:៧-១៥) ពេលអ្នកឃើញថាគាត់មានអំណរដោយសារបានយល់ចំណុចណាមួយ នោះអ្នកនឹងមានអំណរផងដែរ។
សូមទស្សនាវីដេអូ ចូរមានអំណរក្នុងការជួយមនុស្សឲ្យក្លាយទៅជាអ្នកបម្រើព្រះយេហូវ៉ា ដោយបង្កើនភាពប៉ិនប្រសប់ក្នុងកិច្ចបម្រើផ្សាយ ប្រើឧទាហរណ៍ដែលបង្រៀនចំណុចសំខាន់ រួចមកឆ្លើយសំណួរដូចតទៅនេះ៖
ហេតុអ្វីសិស្សគម្ពីរប្រហែលជាត្រូវការជំនួយដើម្បីយល់ខគម្ពីរផ្សេងៗ?
តើនីតាបានប្រើឧទាហរណ៍ដើម្បីបញ្ជាក់សេចក្ដីពិតនៅរ៉ូម ៥:១២ យ៉ាងដូចម្ដេច?
ឧទាហរណ៍ល្អមានឥទ្ធិពលទៅលើចិត្ត
តើឧទាហរណ៍ល្អអាចមានឥទ្ធិពលយ៉ាងណាទៅលើអ្នកស្ដាប់?
ក្នុងកិច្ចបម្រើផ្សាយ ហេតុអ្វីយើងគួរប្រើវីដេអូនិងឧបករណ៍ឯទៀតដែលអង្គការរបស់ព្រះយេហូវ៉ាបានរៀបចំ?