របៀបរស់នៅជាគ្រិស្តសាសនិក

ចូរប្រើសៀវភៅសប្បាយនឹងជីវិតដែលគ្មានទីបញ្ចប់! ក្នុងកិច្ចបម្រើផ្សាយរបស់អ្នក

យើងពិតជាមានចិត្តរំភើបដែលទទួលបានសៀវភៅស្ដើងនិងសៀវភៅថ្មីសម្រាប់ដឹកនាំការសិក្សាគម្ពីរ! យើងអធិដ្ឋានសុំព្រះយេហូវ៉ាឲ្យផ្ដល់ពរចំពោះការខំប្រឹងរបស់យើងក្នុងការស្វែងរកអ្នកកាន់តាមថ្មីឲ្យបានច្រើនជាង។ (ម៉ាថ. ២៨:១៨-២០; ១កូ. ៣:៦-៩) តើយើងប្រើឧបករណ៍បង្រៀនថ្មីនេះយ៉ាងដូចម្ដេច?

ដោយសារសៀវភៅសប្បាយនឹងជីវិតដែលគ្មានទីបញ្ចប់! មានវិធីបង្រៀនថ្មីៗ សូមធ្វើតាមការណែនាំខាងក្រោម កាលដែលអ្នករៀបចំនិងដឹកនាំការសិក្សាគម្ពីរ។a

អានវគ្គ និងពិគ្រោះសំណួរ
អានបទគម្ពីរដែលមានពាក្យ«សូមអាន» ហើយជួយសិស្សឲ្យយល់ថាបទគម្ពីរនោះទាក់ទងយ៉ាងណានឹងមេរៀន
បង្ហាញនិងពិគ្រោះអំពីវីដេអូ ហើយសួរសំណួរដែលមាននៅទីនោះ
ព្យាយាមបញ្ចប់មេរៀននីមួយៗរាល់ដងដែលអ្នកសិក្សាគម្ពីរជាមួយសិស្ស

ក្នុងកិច្ចបម្រើផ្សាយ សូមស្នើផ្ដល់សៀវភៅស្ដើងជាមុនដើម្បីដឹងថាបុគ្គលម្នាក់ចាប់អារម្មណ៍ឬយ៉ាងណា។ (សូមមើលប្រអប់«របៀបស្នើផ្ដល់សៀវភៅស្ដើងសប្បាយនឹងជីវិតដែលគ្មានទីបញ្ចប់! ពេលជួបលើកដំបូង»។) បើសិនអ្នកបានបញ្ចប់ការសិក្សាសៀវភៅស្ដើងជាមួយសិស្ស ហើយគាត់ចង់បន្តរៀនទៀត អ្នកអាចផ្ដល់សៀវភៅដែលមាន៦០មេរៀនទៅគាត់ ហើយចាប់ផ្ដើមរៀននៅមេរៀនទី០៤។ ប៉ុន្តែ បើអ្នកកំពុងរៀនជាមួយសិស្សនៅសៀវភៅបង្រៀនយើង ឬសៀវភៅព្រះស្រឡាញ់ សូមប្ដូរទៅសៀវភៅសប្បាយនឹងជីវិតដែលគ្មានទីបញ្ចប់! ហើយជ្រើសរើសមេរៀនដែលអ្នកចង់ចាប់ផ្ដើម។

ប្ដីប្រពន្ធនោះកំពុងប្រើសៀវភៅ«សប្បាយនឹងជីវិតដែលគ្មានទីបញ្ចប់!» ដើម្បីសិក្សាគម្ពីរជាមួយបុរសនោះនៅផ្ទះរបស់គាត់។

សូមទស្សនាវីដេអូសូមសប្បាយនឹងការរៀនគម្ពីរ រួចឆ្លើយសំណួរដូចតទៅនេះ៖

តើសិស្សនឹងរៀនអ្វីខ្លះពីសៀវភៅថ្មី?
ហេតុអ្វីអ្នកគួរបង្ហាញវីដេអូនេះទៅកាន់សិស្សថ្មី?
តើអ្នកគួរបន្តលើកទឹកចិត្តសិស្សឲ្យមានគោលដៅអ្វី? —សូមមើលតារាង«ចំណុចសំខាន់និងគោលដៅសម្រាប់ផ្នែកនីមួយៗ»

a សូមកត់សម្គាល់: ទោះជាផ្នែក«ស្វែងយល់ថែមទៀត»គឺជាចំណុចបន្ថែមក៏ដោយ ប៉ុន្តែ សូមអាននិងទស្សនាវីដេអូទាំងអស់ពេលដែលអ្នករៀបចំ។ បន្ទាប់មក អ្នកនឹងឃើញអ្វីដែលអាចទាក់ទាញចិត្តនិងជួយសិស្សរបស់អ្នកបាន។ សៀវភៅថ្មីជាឯកសារអេឡិចត្រូនិកមានតំណភ្ជាប់ទៅវីដេអូ និងឯកសារយោងឯទៀត។

ចំណុចសំខាន់និងគោលដៅសម្រាប់ផ្នែកនីមួយៗ
	មេរៀន	ចំណុចសំខាន់	គោលដៅសម្រាប់សិស្ស
១	០១-១២	សូមពិចារណារបៀបដែលគម្ពីរអាចជួយអ្នក និងរបៀបដែលអ្នកអាចស្គាល់អ្នកនិពន្ធគម្ពីរ	សូមលើកទឹកចិត្តសិស្សឲ្យអានគម្ពីរ រៀបចំសម្រាប់ការសិក្សា និងចាប់ផ្ដើមចូលរួមកិច្ចប្រជុំ
២	១៣-៣៣	សូមមើលអ្វីដែលព្រះបានធ្វើដើម្បីយើង និងការគោរពប្រណិប័តន៍ដែលលោកពេញចិត្ត	សូមជំរុញចិត្តសិស្សឲ្យប្រាប់អ្នកឯទៀតអំពីសេចក្ដីពិត ហើយក្លាយទៅជាអ្នកផ្សព្វផ្សាយដែលមិនទាន់ទទួលការជ្រមុជទឹក
៣	៣៤-៤៧	សូមពិចារណាអ្វីដែលព្រះតម្រូវពីអ្នកគោរពប្រណិប័តន៍លោក	សូមជំរុញចិត្តសិស្សឲ្យប្រគល់ខ្លួនជូនព្រះ និងទទួលការជ្រមុជទឹក
៤	៤៨-៦០	រៀនអំពីរបៀបដែលយើងអាចរក្សាខ្លួនជាមនុស្សដែលព្រះស្រឡាញ់	សូមបង្រៀនសិស្សឲ្យចេះសម្គាល់អ្វីដែលខុសនិងអ្វីដែលត្រូវ ហើយបន្តរីកចម្រើន

របៀបស្នើផ្ដល់សៀវភៅស្ដើងសប្បាយនឹងជីវិតដែលគ្មានទីបញ្ចប់! ពេលជួបលើកដំបូង

ស្រដៀងនឹងខិត្តប័ណ្ណរបស់យើង នៅក្របខាងក្រោយនៃសៀវភៅស្ដើងនេះមានសំណួរដ៏គួរឲ្យចាប់អារម្មណ៍។ សូមសាកល្បងធ្វើដូចតទៅនេះ៖

សួរសំណួរដែលមានចម្លើយអាចជ្រើសរើស
អានចម្លើយពីគម្ពីរនៅចម្រៀងសរសើរព្រះ ៣៧:២៩
ពិគ្រោះចំណុចនៅក្រោមចំណងជើងថា«នោះអាចជួយអ្នកដូចជា»។ បើមានពេល សូមអានខគម្ពីរ ហើយពន្យល់រូបភាព
ស្នើផ្ដល់ចម្លើយចំពោះសំណួរដែលមាននៅចុងទំព័រ ហើយចាប់ផ្ដើមពិគ្រោះមេរៀនទី០១