ចូរខំព្យាយាមក្នុងកិច្ចបម្រើផ្សាយ | ចូរបង្កើនអំណររបស់អ្នកក្នុងកិច្ចបម្រើផ្សាយ
ទទួលជំនួយពីបងប្អូនរួមជំនឿ
ព្រះយេហូវ៉ាផ្ដល់ឲ្យយើងនូវជំនួយតាមរយៈ‹បងប្អូនរបស់យើងពេញពិភពលោក›។ (១ពេ. ៥:៩) ពួកគេអាចជួយយើងឲ្យយកឈ្នះឧបសគ្គដែលយើងជួបក្នុងកិច្ចបម្រើផ្សាយដោយជោគជ័យ។ ជាឧទាហរណ៍ សាវ័កប៉ូលបានទទួលប្រយោជន៍ពីជំនួយរបស់អាគីឡានិងព្រីស៊ីល ស៊ីឡាស ធីម៉ូថេ និងបងប្អូនផ្សេងទៀត។—សកម្ម. ១៨:១-៥
តើតាមរបៀបណាបងប្អូនរួមជំនឿអាចជួយយើងក្នុងកិច្ចបម្រើផ្សាយ? ពួកគេប្រហែលជាអាចជួយយើង ដោយផ្ដល់យោបល់ស្ដីអំពីរបៀបតបឆ្លើយនឹងការជំទាស់ របៀបរៀបចំដើម្បីធ្វើការត្រឡប់ទៅជួប និងរបៀបចាប់ផ្ដើមការសិក្សាគម្ពីរ។ សូមគិតអំពីបងប្អូនណាម្នាក់នៅក្នុងក្រុមជំនុំដែលអាចផ្ដល់ជំនួយដែលអ្នកត្រូវការ ហើយក្រោយមកសុំជំនួយពីពួកគាត់។ ដោយធ្វើដូច្នេះ អ្នកនឹងទទួលប្រយោជន៍ ហើយមិនត្រឹមតែប៉ុណ្ណោះ ទាំងអ្នកដែលផ្ដល់ជំនួយ និងអ្នកដែលទទួលជំនួយនិងមានអំណរដូចគ្នា។—ភី. ១:២៥
សូមទស្សនាវីដេអូចូរមានអំណរក្នុងការជួយមនុស្សឲ្យក្លាយទៅជាអ្នកបម្រើព្រះយេហូវ៉ា ដោយទទួលយកជំនួយពីលោក បងប្អូនរួមជំនឿ រួចសួរសំណួរដូចតទៅនេះ៖
តើតាមរបៀបណានីតាព្យាយាមលើកទឹកចិត្តហ្គិចឲ្យចូលរួមកិច្ចប្រជុំក្រុមជំនុំ?
ហេតុអ្វីយើងគួរអញ្ជើញអ្នកផ្សាយឯទៀតឲ្យចូលរួមក្នុងការសិក្សាគម្ពីរជាមួយយើង?
ដើម្បីជួយបុគ្គលម្នាក់ឲ្យក្លាយទៅជាអ្នកបម្រើព្រះយេហូវ៉ា គឺត្រូវការជំនួយពីបងប្អូនទាំងអស់ក្នុងក្រុមជំនុំ
តើបងអាប៊ី និងហ្គិចមានចំណង់ចំណូលចិត្តស្រដៀងគ្នាអ្វី?
តើយើងប្រហែលជាអាចរៀនអ្វីពីបងប្អូនដែលមានបទពិសោធន៍ក្នុងកិច្ចបម្រើផ្សាយ?