របៀបរស់នៅជាគ្រិស្តសាសនិក
តើអ្នកបានត្រៀមខ្លួនសម្រាប់ភាពចលាចលឬទេ?
កាលដែលទីបញ្ចប់នៃរបៀបរបបពិភពលោកនេះកាន់តែជិតមកដល់ យើងដឹងថាភាពចលាចល ភេរវកម្ម និងសង្គ្រាមនឹងកើនឡើង។ (បប. ៦:៤) តើតាមរបៀបណាយើងអាចត្រៀមខ្លួនដើម្បីប្រឈមមុខនឹងទុក្ខលំបាកដែលនឹងកើតឡើងនៅថ្ងៃអនាគត?
ត្រៀមខ្លួនខាងជំនឿ: សូមសម្គាល់គោលការណ៍គម្ពីរនិងកំណត់ហេតុដែលពង្រឹងទំនុកចិត្តរបស់អ្នកទៅលើព្រះយេហូវ៉ា និងអង្គការរបស់លោក ហើយអាចជួយអ្នកឲ្យរក្សាអព្យាក្រឹតភាព។ (សុភ. ១២:៥; jr-E ទំ.១២៥-១២៦ វ.២៣-២៤) ឥឡូវនេះគឺជាពេលដែលយើងត្រូវពង្រឹងចំណងមិត្តភាពជិតស្និទ្ធជាមួយបងប្អូនក្នុងក្រុមជំនុំរបស់យើង។—១ពេ. ៤:៧, ៨
ត្រៀមខ្លួនដោយរៀបចំឲ្យបានល្អ: រៀបចំគម្រោងដើម្បីរក្សាសុវត្ថិភាពរបស់អ្នកបើអ្នកមិនអាចចេញពីផ្ទះបាន ហើយរៀបចំទុកជាមុននូវស្បៀងអាហារ ទឹក ថ្នាំ និងសម្ភារផ្សេងៗដែលចាំបាច់។ បន្ថែមទៅទៀត សូមមានគម្រោងភៀសខ្លួន។ ពិនិត្យមើលកាតាបដាក់សម្ភារសង្គ្រោះបន្ទាន់របស់អ្នក ហើយធ្វើឲ្យប្រាកដថាមានលុយ និងសម្ភារការពារខ្លួនដូចជាអាល់កុលនិងម៉ាសជាដើម។ សូមធ្វើឲ្យប្រាកដថាអ្នកអាចទាក់ទងនឹងពួកអ្នកចាស់ទុំ ហើយពួកអ្នកចាស់ទុំក៏មានរបៀបអាចទាក់ទងអ្នកវិញដែរ។—អេ. ៣២:២, g១៧.៥-E ទំ.៣, ៥, ៧; mwbr២១.០៥ ទំ.៣-៤
ក្នុងអំឡុងពេលមានភាពចលាចល ចូររក្សាទម្លាប់ល្អក្នុងការគោរពប្រណិប័តន៍ព្រះដូចជា អធិដ្ឋាន សិក្សាគម្ពីរ និងចូលរួមកិច្ចប្រជុំ។ (ភី. ១:១០) កុំរើពីកន្លែងមួយទៅកន្លែងមួយលុះត្រាតែអ្នកកំពុងភៀសខ្លួន។ (ម៉ាថ. ១០:១៦) សូមចែករំលែកម្ហូបនិងសម្ភារជាមួយអ្នកឯទៀត។—រ៉ូម ១២:១៣
សូមទស្សនាវីដេអូតើអ្នកបានត្រៀមខ្លួនសម្រាប់គ្រោះមហន្តរាយឬទេ? រួចឆ្លើយសំណួរដូចតទៅនេះ៖
តើតាមរបៀបណាព្រះយេហូវ៉ាអាចជួយយើងពេលមានគ្រោះមហន្តរាយ?
តើយើងអាចធ្វើអ្វីខ្លះដើម្បីត្រៀមខ្លួន?
តើតាមរបៀបណាយើងអាចជួយអ្នកឯទៀតដែលបានទទួលឥទ្ធិពលពីគ្រោះមហន្តរាយ?