របៀបរស់នៅជាគ្រិស្តសាសនិក
តើអ្នកបានត្រៀមខ្លួនសម្រាប់ពេលមានវិបត្តិសេដ្ឋកិច្ចហើយឬនៅ?
យើងមិនតក់ស្លុតទេ ពេលឃើញព្រឹត្តិការណ៍ផ្សេងៗក្នុងពិភពលោកនេះធ្វើឲ្យមានវិបត្តិសេដ្ឋកិច្ច។ ហេតុអ្វី? ដោយសារយើងកំពុងរស់នៅចុងបញ្ចប់នៃគ្រាចុងក្រោយបង្អស់នេះ ហើយគម្ពីរបានព្រមានយើងថាកុំឲ្យមានសេចក្ដីសង្ឃឹមទៅលើ«ទ្រព្យដែលមិនទៀង»ឡើយ។ (១ធី. ៦:១៧; ២ធី. ៣:១) តើគំរូរបស់ស្ដេចយេហូសាផាតអាចបង្រៀនយើងអ្វីស្ដីអំពីការត្រៀមខ្លួនសម្រាប់ពេលមានវិបត្តិសេដ្ឋកិច្ច?
ពេលប្រឈមមុខនឹងការគំរាមកំហែងពីពួកសត្រូវ យេហូសាផាតបានទុកចិត្តលើព្រះយេហូវ៉ា។ (២ប្រ. ២០:៩-១២) គាត់ក៏បានជួយបណ្ដាជនឲ្យត្រៀមខ្លួនទុកជាមុន ដោយសង់បន្ទាយដ៏រឹងមាំ និងដាក់ទ័ពនៅក្នុងក្រុង។ (២ប្រ. ១៧:១, ២, ១២, ១៣) ដូចយេហូសាផាត យើងក៏គួរទុកចិត្តលើព្រះយេហូវ៉ា ហើយត្រៀមខ្លួនទុកជាមុនដើម្បីប្រឈមមុខនឹងគ្រាលំបាកដែរ។
សូមទស្សនាវីដេអូ តើអ្នកបានត្រៀមខ្លួនសម្រាប់គ្រោះមហន្តរាយឬទេ? រួចឆ្លើយសំណួរដូចតទៅនេះ៖
តើយើងអាចធ្វើអ្វីដើម្បីត្រៀមខ្លួនសម្រាប់ពេលមានគ្រោះមហន្តរាយ?
តើតាមរបៀបណាយើងអាចត្រៀមខ្លួនដើម្បីជួយអ្នកឯទៀត?