របៀបរស់នៅជាគ្រិស្តសាសនិក | ចូរកំណត់គោលដៅផ្សេងៗសម្រាប់ឆ្នាំកិច្ចបម្រើថ្មី

រើទៅតំបន់ដែលមានសេចក្ដីត្រូវការច្រើនជាង

អ្នកត្រូវការជំនឿដើម្បីរើចេញពីកន្លែងដែលអ្នកធ្លាប់ស្គាល់ទៅកន្លែងថ្មីដើម្បីបង្កើនកិច្ចបម្រើរបស់អ្នក។ (ហេ. ១១:៨-១០) បើអ្នកកំពុងគិតអំពីការរើទៅកន្លែងដែលមានសេចក្ដីត្រូវការច្រើនជាង សូមនិយាយជាមួយពួកអ្នកចាស់ទុំ។ តើអ្នកអាចធ្វើអ្វីដើម្បីដឹងថាអ្នកអាចសម្រេចគោលដៅនេះបាន និងដឹងថាកន្លែងណាដែលអ្នកអាចរើទៅ? សូមពិចារណាសៀវភៅផ្សេងៗរបស់អង្គការយើងដែលប្រាប់អំពីការរើទៅបម្រើនៅកន្លែងដែលមានសេចក្ដីត្រូវការច្រើនជាង។ សូមនិយាយជាមួយអ្នកដែលបានរើទៅជួយក្រុមជំនុំឯទៀតដោយជោគជ័យ។ (សុភ. ១៥:២២) សូមអធិដ្ឋានសុំការណែនាំពីព្រះយេហូវ៉ា។ (យ៉ា. ១:៥) សូមរៀនថែមទៀតអំពីតំបន់ដែលអ្នកចង់រើទៅ ហើយទៅលេងកន្លែងនោះច្រើនជាងពីរបីថ្ងៃបើអាចធ្វើបាន មុនសម្រេចចិត្ត។

សូមទស្សនាវីដេអូជំនឿបើកឱកាសឲ្យយើងបំពេញកិច្ចបម្រើ រើទៅតំបន់ដែលមានសេចក្ដីត្រូវការច្រើនជាង រួចឆ្លើយសំណួរដូចតទៅនេះ៖

តើកាព្រីយ៉ែលត្រូវធ្វើការផ្លាស់ប្ដូរអ្វីខ្លះ ហើយតើអ្វីបានជួយគាត់?

បើអ្នកចង់បានព័ត៌មានបន្ថែមអំពីក្រុមជំនុំដែលមានសេចក្ដីត្រូវការនៅជិតៗអ្នក សូមនិយាយជាមួយអ្នកត្រួតពិនិត្យប្រចាំមណ្ឌល។ បើអ្នកចង់បានព័ត៌មានបន្ថែមអំពីក្រុមជំនុំដែលនៅឆ្ងាយពីអ្នក សូមសរសេរសំបុត្រទៅការិយាល័យសាខា ហើយផ្ញើតាមរយៈគណៈកម្មាធិការកិច្ចបម្រើក្រុមជំនុំរបស់អ្នក។ បើក្រុមជំនុំដែលអ្នកចាប់អារម្មណ៍ស្ថិតនៅក្នុងការិយាល័យសាខាផ្សេង សូមសរសេរសំបុត្រទៅការិយាល័យសាខាដែលមើលការខុសត្រូវប្រទេសនោះ។ បើអ្នកចង់រើទៅតំបន់ជាក់លាក់ណាមួយ អ្នកអាចពន្យល់ក្នុងសំបុត្ររបស់អ្នក។