គម្ពីរជួយមនុស្សឲ្យកែប្រែជីវិត
ពួកគេរកឃើញ«គជ់ខ្យងមួយដែលមានតម្លៃខ្ពស់»
លោកយេស៊ូបានបង្រៀនថា រាជាណាចក្ររបស់ព្រះនឹងដោះស្រាយបញ្ហាទាំងអស់របស់មនុស្សជាតិ។ (ម៉ាថាយ ៦:១០) នៅម៉ាថាយ ១៣:៤៤-៤៦ លោកបានលើកឧទាហរណ៍ពីរដែលបញ្ជាក់អំពីតម្លៃនៃការយល់សេចក្ដីពិតអំពីរាជាណាចក្រព្រះ៖
បុរសម្នាក់ដែលកំពុងធ្វើការនៅឯវាល បានរកឃើញកំណប់ទ្រព្យ។
អ្នកធ្វើដំណើរជួញដូរម្នាក់កំពុងរកគជ់ខ្យងល្អវិសេស រួចបានរកឃើញគជ់ខ្យងមួយដែលមានតម្លៃខ្ពស់។
បុរសទាំងពីរនាក់សប្បាយចិត្តជាខ្លាំង រួចទៅលក់ទ្រព្យទាំងអស់របស់ពួកគេ ដើម្បីអាចទិញរបស់មានតម្លៃដែលពួកគេបានរកឃើញ។ បុរសទាំងពីរក្នុងឧទាហរណ៍នេះសំដៅទៅលើអស់អ្នកដែលឲ្យចំពោះតម្លៃរាជាណាចក្រព្រះជាខ្លាំងរហូតដល់ពួកគេសុខចិត្តលះបង់អ្វីៗទាំងអស់ដើម្បីទទួលពរពីរាជាណាចក្រនោះ។ (លូកា ១៨:២៩, ៣០) នៅក្នុងវីដេអូនេះ សូមមើលបទពិសោធន៍របស់បងប្អូនពីរនាក់ដែលមានស្ថានភាពដូចនឹងឧទាហរណ៍របស់លោកយេស៊ូ។