-
របៀបដែលអ្នកអាចទទួលប្រយោជន៍ច្រើនបំផុតពីការអានគម្ពីរសប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
មេរៀនទី១១
របៀបដែលអ្នកអាចទទួលប្រយោជន៍ច្រើនបំផុតពីការអានគម្ពីរ
ពេលអ្នកចង់ធ្វើគម្រោងធំណាមួយ តើអ្នកធ្លាប់មានអារម្មណ៍ថាពិបាកខ្លាំងពេកទេ? អ្នកអាចមានអារម្មណ៍ស្រួលជាង បើអ្នករៀបចំគម្រោងនោះបន្តិចម្ដងៗ។ នេះដូចគ្នានឹងការអានគម្ពីរដែរ។ អ្នកប្រហែលជាគិតថា ‹តើខ្ញុំគួរចាប់ផ្ដើមអានពីកន្លែងណា?›។ ក្នុងមេរៀននេះ យើងនឹងពិចារណាវិធីខ្លះដែលអ្នកអាចធ្វើបាន ហើយនោះនឹងជួយអ្នកឲ្យសប្បាយក្នុងការអាននិងសិក្សាគម្ពីរ។
១. ហេតុអ្វីយើងគួរអានគម្ពីរជារៀងរាល់ថ្ងៃ?
អ្នកណាដែលអានគម្ពីរ គឺអាន«ច្បាប់របស់ព្រះយេហូវ៉ា»ជារៀងរាល់ថ្ងៃ អ្នកនោះនឹងមានសុភមង្គល ហើយទទួលបានជោគជ័យក្នុងជីវិត។ (សូមអាន ចម្រៀងសរសើរព្រះ ១:១-៣) ដំបូង សូមព្យាយាមអានគម្ពីរតែប៉ុន្មាននាទីសិនជារៀងរាល់ថ្ងៃ។ ពេលអ្នកស្គាល់របៀបអានគម្ពីរកាន់តែច្រើន នោះអ្នកនឹងចូលចិត្តអានគម្ពីរកាន់តែខ្លាំង។
២. តើអ្វីនឹងជួយអ្នកឲ្យទទួលប្រយោជន៍ពេលអានគម្ពីរ?
បើយើងចង់ទទួលប្រយោជន៍ច្រើនបំផុតពេលអានគម្ពីរ យើងត្រូវផ្អាកបន្តិច ហើយគិតអំពីអ្វីដែលយើងកំពុងអាន។ យើងត្រូវអាននិង«រំពឹងគិត»។ (យ៉ូស្វេ ១:៨, កំណត់សម្គាល់) ពេលអានគម្ពីរ សូមគិតអំពីសំណួរថា ‹តើនេះបង្រៀនខ្ញុំអ្វីអំពីព្រះយេហូវ៉ា? តើខ្ញុំអាចធ្វើតាមព័ត៌មាននេះយ៉ាងដូចម្ដេច? តើខ្ញុំអាចប្រើខគម្ពីរទាំងនេះដើម្បីជួយអ្នកឯទៀតតាមរបៀបណា?›។
៣. តើតាមរបៀបណាអ្នកអាចលៃទុកពេលដើម្បីអានគម្ពីរ?
តើអ្នកពិបាករកពេលដើម្បីអានគម្ពីរឬទេ? មនុស្សជាច្រើនពិបាករកពេលអាន។ ប៉ុន្តែ សូមព្យាយាម«ប្រើគ្រប់ឱកាសឲ្យកើតប្រយោជន៍ច្រើនបំផុត»។ (អេភេសូរ ៥:១៦) អ្នកអាចធ្វើដូច្នោះ ដោយលៃទុកពេលទៀងទាត់ដើម្បីអានគម្ពីរជារៀងរាល់ថ្ងៃ។ អ្នកខ្លះលៃទុកពេលអានគម្ពីរនៅពេលព្រឹកព្រលឹម។ អ្នកខ្លះទៀតជ្រើសរើសអាននៅពេលថ្ងៃ ប្រហែលជាពេលសម្រាកបរិភោគអាហារថ្ងៃត្រង់។ ចំណែកអ្នកខ្លះទៀត ពួកគេអានគម្ពីរនៅពេលយប់មុនចូលគេង។ ចុះអ្នកវិញ តើពេលណាល្អបំផុតសម្រាប់អ្នក?
បង្កើនចំណេះ
សូមរៀនអំពីវិធីដែលអ្នកអាចធ្វើឲ្យការអានគម្ពីរទៅជាអ្វីដែលគួរឲ្យចាប់អារម្មណ៍។ សូមរៀនអំពីរបៀបដែលអ្នកអាចរៀបចំឲ្យបានល្អដើម្បីទទួលប្រយោជន៍ច្រើនបំផុតពីការសិក្សាគម្ពីរ។
ដូចយើងអាចរៀនឲ្យចេះញ៉ាំអាហារប្រភេទថ្មី នោះយើងក៏អាចរៀនឲ្យចូលចិត្តអានគម្ពីរដែរ
៤. រៀនឲ្យចូលចិត្តអានគម្ពីរ
ការចាប់ផ្ដើមអានគម្ពីរ គឺប្រហែលជាមិនស្រួលទេ។ ប៉ុន្តែ យើងអាច«បណ្ដុះការស្រេកឃ្លាន»ឲ្យចង់ធ្វើដូច្នោះ នេះប្រៀបដូចជាមនុស្សម្នាក់ដែលព្យាយាមរៀនឲ្យចេះញ៉ាំអាហារប្រភេទថ្មី។ សូមអាន ពេត្រុសទី១ ២:២ រួចពិភាក្សាសំណួរនេះ៖
បើអ្នកអានគម្ពីរជារៀងរាល់ថ្ងៃ តើអ្នកគិតថាអ្នកនឹងចូលចិត្តអាន ហើយរំភើបចិត្តចង់អានកាន់តែខ្លាំងឬទេ?
សូម លេងវីដេអូ ដើម្បីមើលអំពីអ្វីដែលធ្វើឲ្យមនុស្សខ្លះចាប់ផ្ដើមចូលចិត្តអានគម្ពីរ។ បន្ទាប់មក សូមពិភាក្សាសំណួរដូចតទៅ៖
ក្នុងវីដេអូ តើប្អូនៗវ័យក្មេងបានយកឈ្នះការពិបាកអ្វីខ្លះ?
តើអ្វីបានជួយពួកគេឲ្យបន្តអានគម្ពីរជារៀងរាល់ថ្ងៃ?
តើពួកគេបានធ្វើយ៉ាងណាដើម្បីឲ្យអំណានគម្ពីររបស់ពួកគេ កាន់តែគួរឲ្យចាប់អារម្មណ៍?
យោបល់ដើម្បីជួយអ្នកឲ្យចាប់ផ្ដើម:
ជ្រើសរើសសេចក្ដីបកប្រែដែលគួរឲ្យទុកចិត្ត និងស្រួលអាន។ សូមសាកប្រើសេចក្ដីបកប្រែពិភពលោកថ្មី បើមានជាភាសារបស់អ្នក។
ដំបូង សូមអានកំណត់ហេតុណាដែលអ្នកចាប់អារម្មណ៍ខ្លាំងបំផុត ឬអ្នកអាចមើលតារាង«យោបល់ដើម្បីចាប់ផ្ដើមអានគម្ពីរ»។
សូមកត់ទុកឬដាក់សញ្ញាសម្គាល់ត្រង់កន្លែងដែលអ្នកបានអានរួចហើយ។ សូមប្រើតារាង«អំណានគម្ពីរផ្ទាល់ខ្លួន»ក្នុងសៀវភៅនេះ។
សូមប្រើកម្មវិធីJW បណ្ណាល័យ។ អ្នកអាចស្ដាប់និងអានគម្ពីរនៅកន្លែងណាក៏បានក្នុងកម្មវិធីនេះ ដោយប្រើទូរស័ព្ទឬគ្រឿងអេឡិចត្រូនិកផ្សេងទៀត។
សូមប្រើសេចក្ដីពន្យល់បន្ថែម ក្នុងសេចក្ដីបកប្រែពិភពលោកថ្មី។ ក្នុងនោះមានផែនទី តារាង និងនិយមន័យពាក្យ ដែលអាចធ្វើឲ្យអ្នកចាប់អារម្មណ៍ចង់អានគម្ពីរកាន់តែខ្លាំង។
៥. រៀបចំមុនអ្នកសិក្សាគម្ពីរ
សូមអាន ចម្រៀងសរសើរព្រះ ១១៩:៣៤ រួចពិភាក្សាសំណួរនេះ៖
ហេតុអ្វីជាការល្អឲ្យអ្នកអធិដ្ឋានមុនអានគម្ពីរ ឬមុនសិក្សាគម្ពីរ?
តើតាមរបៀបណាអ្នកអាចទទួលប្រយោជន៍ច្រើនបំផុតរាល់ដងដែលអ្នកសិក្សាគម្ពីរ? កាលដែលអ្នករៀបចំមេរៀននីមួយៗសម្រាប់វគ្គសិក្សានេះ សូមសាកល្បងវិធីដូចតទៅ៖
ក. សូមអានផ្នែកដំបូងនៃមេរៀន។
ខ. សូមបើកអានខគម្ពីរក្នុងមេរៀន ហើយសូមខំយល់ថាខគម្ពីរទាក់ទងយ៉ាងណានឹងមេរៀន។
គ. សូមគូសពណ៌លើពាក្យឬឃ្លាសំខាន់ៗដែលជាចម្លើយសម្រាប់សំណួរនីមួយៗ។ នេះនឹងជួយអ្នកឲ្យមានការពិគ្រោះល្អជាមួយនឹងអ្នកបង្រៀន។
តើអ្នកដឹងទេ?
សាក្សីព្រះយេហូវ៉ាធ្លាប់ប្រើសេចក្ដីបកប្រែគម្ពីរផ្សេងៗមួយចំនួន។ ក៏ប៉ុន្តែ យើងចូលចិត្តប្រើជាងគេគឺ គម្ពីរបរិសុទ្ធសេចក្ដីបកប្រែពិភពលោកថ្មី ដោយសារសេចក្ដីបកប្រែនេះគឺត្រឹមត្រូវ និងច្បាស់ ហើយប្រើនាមរបស់ព្រះ។ សូមមើលអត្ថបទក្នុងគេហទំព័រ «តើសាក្សីព្រះយេហូវ៉ាបង្កើតគម្ពីរសម្រាប់ខ្លួនឯងឬទេ?»។
មនុស្សខ្លះនិយាយថា៖ «ការរៀនគម្ពីរគឺពិបាកពេក ខ្ញុំគ្មានកម្លាំងនិងពេលវេលាដើម្បីរៀនទេ»។
តើអ្នកគិតយ៉ាងណា?
សេចក្ដីសង្ខេប
ដើម្បីទទួលប្រយោជន៍ច្រើនបំផុតពីការអានគម្ពីរ សូមលៃទុកពេលដើម្បីអាន ថែមទាំងអធិដ្ឋានដើម្បីយល់អ្វីដែលអ្នកអាន ហើយរៀបចំមុនអ្នកសិក្សាគម្ពីរជាមួយនឹងអ្នកបង្រៀន។
រៀនសាឡើងវិញ
តើអ្វីនឹងជួយអ្នកឲ្យទទួលប្រយោជន៍ច្រើនបំផុតពេលអានគម្ពីរ?
តើអ្នកអាចលៃទុកពេលដើម្បីអាននិងសិក្សាគម្ពីរនៅពេលណា?
ហេតុអ្វីជាការល្អឲ្យអ្នករៀបចំមុននឹងសិក្សាគម្ពីរ?
ស្វែងយល់ថែមទៀត
សូមពិនិត្យមើលយោបល់ខ្លះដែលអាចជួយអ្នកឲ្យទទួលប្រយោជន៍ច្រើនជាងក្នុងការអានគម្ពីរ។
«តើការអានគម្ពីរមានប្រយោជន៍អ្វី?» (ទស្សនាវដ្ដីប៉មយាម លេខ១ ឆ្នាំ២០១៧)
សូមរៀនវិធីបីយ៉ាងដើម្បីអានគម្ពីរ។
«តើគម្ពីរអាចជួយខ្ញុំយ៉ាងដូចម្ដេច? ភាគទី១: សិក្សាគម្ពីរ» (អត្ថបទក្នុងគេហទំព័រ)
សូមស្វែងយល់អំពីរបៀបដែលជួយអ្នកឲ្យចូលចិត្តអានគម្ពីរ។
ស្ដីអំពីរបៀបសិក្សាគម្ពីរ សូមស្ដាប់យោបល់ពីអ្នកដែលមានទម្លាប់អានគម្ពីរយូរឆ្នាំហើយ។
-
-
ចូរបន្តរីកចម្រើនតទៅទៀតសប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
៤. ចូរប្រាស្រ័យទាក់ទងនឹងមិត្តដ៏ល្អបំផុតរបស់អ្នក
ការអធិដ្ឋាននិងការសិក្សាគម្ពីរបានជួយអ្នកឲ្យទៅជាមិត្តសម្លាញ់របស់ព្រះយេហូវ៉ា។ ហេតុអ្វីការបន្តធ្វើដូច្នេះអាចជួយអ្នកឲ្យមានចំណងមិត្តភាពជិតស្និទ្ធកាន់តែខ្លាំងជាមួយនឹងលោក?
សូមអាន ចម្រៀងសរសើរព្រះ ៦២:៨ រួចពិភាក្សាសំណួរនេះ៖
តាមខនេះ ដើម្បីពង្រឹងចំណងមិត្តភាពរបស់អ្នកជាមួយនឹងព្រះយេហូវ៉ា អ្នកត្រូវធ្វើឲ្យសេចក្ដីអធិដ្ឋានរបស់អ្នកមានន័យខ្លឹមសារ។ តើតាមរបៀបណា?
សូមអាន ចម្រៀងសរសើរព្រះ ១:២ និងកំណត់សម្គាល់ រួចពិភាក្សាសំណួរនេះ៖
តាមខនេះ ដើម្បីពង្រឹងចំណងមិត្តភាពរបស់អ្នកជាមួយនឹងព្រះយេហូវ៉ា អ្នកត្រូវទទួលប្រយោជន៍ច្រើនជាងពីការអានគម្ពីរ។ តើតាមរបៀបណា?
តើតាមរបៀបណាអ្នកអាចទទួលប្រយោជន៍ច្រើនជាងពីការសិក្សាផ្ទាល់ខ្លួន? ដើម្បីមើលយោបល់ខ្លះ សូមលេងវីដេអូ រួចពិភាក្សាសំណួរដូចតទៅ៖
តើយោបល់មួយណាក្នុងវីដេអូដែលអ្នកចង់ធ្វើតាម?
តើអ្នកចង់សិក្សាប្រធានបទមួយណា?
-