«ការដែលអ្នករាល់គ្នាខំប្រឹងធ្វើ . . . នោះមិនមែនឥតប្រយោជន៍ទេ»
១ នេះជាគំនិតមួយដែលលើកទឹកចិត្តណាស់ហ្ន៎! គឺមិនមែនឥតប្រយោជន៍ទេ ដែលអ្នកធ្វើការបំរើព្រះយេហូវ៉ានោះ។ (កូរិនថូសទី១ ១៥:៥៨) ផ្ទុយទៅវិញ សូមគិតពីមនុស្សដែលធ្វើការជាយូរយារមកហើយដើម្បីឲ្យបានឋានៈក្នុងជីវិតល្អជាង ឬក៏កាលៈទេសៈខាងសេដ្ឋកិច្ចរបស់គេបានប្រសើរជាង។ ប្រហែលជាពួកគេចំណាយពេលអស់ជាច្រើនឆ្នាំតាមរកការអប់រំថ្នាក់ខ្ពស់ៗ ឬក៏ធ្វើការនឿយហត់មិនឈប់ឈរដើម្បីបង្កើនទ្រព្យសម្បត្ដិ។ ក៏ប៉ុន្តែ ដោយសារ«ពេលវេលានឹង[ព្រឹត្ដិការណ៍ដ៏មើលមិនឃើញជាមុន ព.ថ.]» នោះប្រហែលជាគេមិនអាចទទួលនូវកិត្យានុភាពដែលគេបានស្វះស្វែងផង ឬក៏នឹងត្រូវបានបង្ខំឲ្យស្កប់ចិត្តនឹងទ្រព្យសម្បត្ដិដែលមានតិចជាងគេចង់បាននោះ។ ការព្យាយាមរបស់គេគឺឥតប្រយោជន៍ដូចជាការ«ដេញចាប់ខ្យល់»។ (សាស្ដា ១:១៤ ព្រះគម្ពីរភាសាខ្មែរសម្រាយ; ៩:១១) ដូច្នេះ គឺជាការសំខាន់យ៉ាងណាទៅហ្ន៎! ដែលយើងធ្វើការជាបរិបូរក្នុងកិច្ចការតែមួយគត់ដែលមិនមែនជាការអសារបង់ ពីព្រោះការនោះមានប្រយោជន៍ជាស្ថាពរ។
២ កិច្ចការដែលពិតជាមានសារ:សំខាន់: ការផ្សព្វផ្សាយដំណឹងល្អពីព្រះរាជាណាចក្ររបស់ព្រះ គឺជាកិច្ចការសំខាន់បំផុតនៅលើផែនដីនេះ។ នេះគឺជាកិច្ចការដែលត្រូវតែធ្វើឡើង មិនថាមនុស្សស្ដាប់ឬក៏មិនស្ដាប់ក៏ដោយ។ យើងចង់មានសមត្ថភាពនិយាយដូចប៉ុលថា៖ «ខ្លួនខ្ញុំបរិសុទ្ធពីឈាមអ្នករាល់គ្នាទាំងអស់ ព្រោះខ្ញុំមិនបានខាននឹងប្រាប់អ្នករាល់គ្នា ពីគ្រប់ទាំងគំនិតរបស់ព្រះទេ»។—កិច្ចការ ២០:២៦, ២៧
៣ យើងមានអំណរយ៉ាងណាហ្ន៎! ពេលមនុស្សស្ដាប់និងប្រព្រឹត្តតបនឹងសារព្រះរាជាណាចក្រ។ យុវនារីម្នាក់បានបាត់បង់មីងដោយព្រោះស្លាប់។ គាត់បានឆ្ងល់ថា តើមីងរបស់គាត់បានទៅដល់កន្លែងណា? តើទៅនៅស្ថានសួគ៌ឬក៏នៅស្ថាននរក? នាងបានអធិស្ឋានទូលព្រះសុំជំនួយ ទាំងប្រើនាមព្រះយេហូវ៉ា ដូចជាបងស្រីរបស់គាត់បានបង្រៀនគាត់។ មិនយូរប៉ុន្មានក្រោយមក គាត់បានសិក្សាព្រះគម្ពីរនិងបានចូលរួមកិច្ចប្រជុំគ្រីស្ទាន។ នាងចាប់ផ្ដើមមានទស្សនៈថ្មីចំពោះជីវិត ហើយបានឈប់ទាក់ទងពួកក្រុមពាល។ យុវនារីនេះក៏បានឈប់ជក់បារី លែងប្រើថ្នាំញៀន និងឈប់លួចទៀត។ គាត់សារភាពថា៖ «មានតែសេចក្ដីស្រឡាញ់ចំពោះព្រះយេហូវ៉ាទេ ដែលបានជំរុញឲ្យខ្ញុំឈប់មានរបៀបរស់នៅដ៏អាក្រក់។ មានតែព្រះយេហូវ៉ានិងសេចក្ដីមេត្ដាករុណាដ៏ច្រើនលើសលប់របស់ទ្រង់ទេ ដែលអាចប្រទានចំពោះខ្ញុំនូវសេចក្ដីសង្ឃឹមចំពោះជីវិតជារៀងរហូត»។ នាងលែងចំណាយពេលក្នុងការតាមរកអ្វីៗដ៏ឥតប្រយោជន៍ទៀតហើយ។
៤ សូម្បីតែពេលមនុស្សមិនព្រមស្ដាប់ ក៏អ្នកនៅតែសម្រេចការសំខាន់នេះ។ គេដឹងថាស្មរបន្ទាល់ព្រះយេហូវ៉ាបានមកជួបគេហើយ។ ចិត្តស្មោះគ្រប់ល័ក្ខណ៍ ភក្ដីភាព និងសេចក្ដីស្រឡាញ់របស់អ្នកត្រូវបានបញ្ជាក់។ ដូច្នេះ តើការដែលអ្នកខំប្រឹងធ្វើក្នុងកិច្ចការព្រះអម្ចាស់នោះឥតប្រយោជន៍ឬ? មិនមែនទាល់តែសោះ!