បណ្ណាល័យអ៊ីនធឺណិតរបស់ប៉មយាម

រង្វាន់ចំសេចក្ដីស្មោះត្រង់

១៩៩៧ កិច្ចបម្រើព្រះ | កក្កដា
- ជឿជាក់ថា ការបញ្ចប់នៃរបបសម័យនេះកាន់តែជិតមកដល់ ការផ្សាយដំណឹងល្អនៃព្រះរាជាណាចក្រ គឺជាកិច្ចការដ៏សំខាន់បំផុត ដែលយើងអាចធ្វើ។
  
  ^៥ សេចក្ដីស្មោះត្រង់ចំពោះព្រះ គឺបង្ហាញឲ្យឃើញពីការរក្សាការស្មោះពិតនិងស្មោះត្រង់ដល់ទ្រង់ និងរវល់ក្នុងកិច្ចការដែលទ្រង់បានឲ្យយើងដោយឥតឈប់ឈរ។ ចូរឲ្យយើងបំពេញកិច្ចផ្សាយរបស់យើងឲ្យបានពេញលេញ ដើម្បីឲ្យព្រះយេហូវ៉ាប្រទានរង្វាន់ដល់សេចក្ដីស្មោះត្រង់របស់យើងតាមរបៀបដ៏ធំមួយ។

ចូរផ្សាយនៅកន្លែងណាដែលមានមនុស្ស

១៩៩៧ កិច្ចបម្រើព្រះ | កក្កដា
- ចូរផ្សាយនៅកន្លែងណាដែលមានមនុស្ស
  
  ^១ ដោយទទួលស្គាល់មុខនាទីដែលព្រះវិញ្ញាណដើរតួក្នុងកិច្ចបំរើរបស់គាត់ សាវ័កប៉ុលបានថ្លែងថា៖ «ព្រះដែលធ្វើឲ្យដុះវិញ»។ គាត់ក៏បានទទួលស្គាល់ថា៖ «យើងរាល់គ្នាជាអ្នកធ្វើការជាមួយនឹងព្រះ»។ (កូរិនថូសទី១ ៣:៥-៩) នេះជាកិច្ចការដ៏អស្ចារ្យមួយ។ តើតាមរបៀបណាដែលយើងអាចបង្ហាញជាសាធារណៈ ថាយើងមានអំណរគុណជាអ្នកធ្វើការជាមួយនឹងព្រះនោះ? គឺដោយប្រកាសប្រាប់ដំណឹងល្អដល់អ្នកណាដែលយើងជួបពីផ្ទះមួយទៅផ្ទះមួយ និងនៅកន្លែងផ្សេងៗទៀត។
  
  ^២ យើងបានត្រូវបញ្ជាឲ្យទៅ «បញ្ចុះបញ្ចូលឲ្យមានសិស្ស»។ (ម៉ាថាយ ២៨:១៩) ប្រសិនបើយើងគ្រាន់តែជួបមនុស្សបីបួននាក់ពេលដែលយើងទៅផ្សាយ នោះអាចធ្វើឲ្យយើងធ្លាក់ទឹកចិត្ត ហើយមានអារម្មណ៍ថាយើងបានសម្រេចតែបន្ដិចបន្តួចប៉ុណ្ណោះ។ ម្យ៉ាងទៀត យើងសប្បាយរីករាយក្នុងកិច្ចបំរើរបស់យើង ពេលដែលយើងជួបមនុស្សច្រើន ហើយនិយាយជាមួយគេ។ នេះអាចពិបាកបន្ដិច ដ្បិតនេះត្រូវការការខំខ្នះខ្នែងពីយើង ក្នុងការទៅកន្លែងណាដែលមានមនុស្ស ដើម្បីឲ្យយើងមានការទាក់ទងជាមួយគេ។
  
  ^៣ ឧទាហរណ៍ដែលមានប្រយោជន៍៖ យើងអាចផ្សាយនៅកន្លែងផ្សារ សួន កន្លែងឈប់សំរាក និងចំណតរថយន្ត។ ពេលដែលអ្នកជិះយានសាធារណៈ តើអ្នកប្រុងប្រៀបដើម្បីផ្សាយទេ? ស្មរបន្ទាល់ពីរនាក់ ដែលបានជិះឡានឈ្នួលដ៏ចង្អៀតមួយទៅកិច្ចប្រជុំផ្សាយ មានការសន្ទនាអំពីរូបភាពនៃសួនមនោរម្យក្នុងសៀវភៅចំណេះ ពិគ្រោះអំពីសេចក្ដីសន្យារបស់ព្រះចំពោះអនាគត។ ដូចដែលគេបានសង្ឃឹមនឹងមានកើតឡើង យុវបុរសដែលកំពុងតែឈរនៅជិត បានស្ដាប់ហើយចាប់អារម្មណ៍នូវអ្វីដែលគាត់បានឮ។ មុនពេលចាកចេញពីឡានឈ្នួល គាត់ទទួលយកសៀវភៅមួយ ហើយសុំឲ្យអ្នកណាម្នាក់មកផ្ទះរបស់គាត់។
  
  ^៤ ពួកអ្នកផ្សាយជាច្រើនមានអំណរក្នុងការធ្វើបន្ទាល់ក្រៅផ្លូវការ។ បងស្រីម្នាក់បានទៅផ្សាយនៅមជ្ឈមណ្ឌលលក់ដូរ នៅថ្ងៃត្រង់ គឺនិយាយទៅរកបុគ្គលណាដែលទើបនឹងទិញឥវ៉ាន់រួច ដែលមើលទៅមិនសូវជាប្រញាប់ប្រញាល់ទៅណា។ គាត់បានឲ្យប្រកាសនវត្ថុនៅក្នុងស្បោងរបស់គាត់ទាំងអស់។ បុរសម្នាក់ដែលកំពុងតែចាំក្នុងឡានរបស់គាត់ មានចិត្តរីករាយដោយបានទទួលទស្សនាវដ្ដី។ គាត់ធ្លាប់ទៅកិច្ចប្រជុំពីមុនដែរ ហើយការសន្ទនារបស់គេធ្វើឲ្យគាត់មានការចាប់អារម្មណ៍ឡើងវិញ។
  
  ^៥ នេះជាឯកសិទ្ធិក្នុងការដំកើងព្រះនាមព្រះយេហូវ៉ា។ ដោយខំខ្នះខ្នែងផ្សាយដំណឹងល្អ យើងបង្ហាញឲ្យឃើញថា យើងមិនបានភ្លេចគោលបំណងនៃព្រះគុណដែលគ្មានសិទ្ធិទទួលនោះទេ។ ពីព្រោះ «ឥឡូវនេះជាពេលវេលាហើយ»ដើម្បីជួយអ្នកដទៃ។ ចូរឲ្យយើងទៅកន្លែងណាដែលមានមនុស្ស ហើយផ្សាយដំណឹងល្អដល់គេអំពី «ថ្ងៃសង្គ្រោះ»របស់ព្រះយេហូវ៉ា។—កូរិនថូសទី២ ៦:១, ២

ការសិក្សាតាមក្រុមជំនុំ

១៩៩៧ កិច្ចបម្រើព្រះ | កក្កដា
- ការសិក្សាតាមក្រុមជំនុំ
  
  តារាងសំរាប់ការសិក្សាតាមក្រុមជំនុំក្នុងសៀវភៅអ្នកអាចរស់នៅជានិរន្តរ៍ក្នុងសួនមនោរម្យលើផែនដី។
  
  កក្កដា ៧: ទំព័រ ១៩១ ទៅ ២០០*
  
  កក្កដា ១៤: ទំព័រ ២០០* ទៅ ២០៧
  
  កក្កដា ២១: ទំព័រ ២០៨ ទៅ ២១៦
  
  កក្កដា ២៨: ទំព័រ ២១៧ ទៅ ២២៤
  
  *ទៅ ឬ ពីចំណងជើងតូច។

ការប្រជុំអប់រំកិច្ចបំរើសំរាប់ខែកក្កដា

១៩៩៧ កិច្ចបម្រើព្រះ | កក្កដា
- ការប្រជុំអប់រំកិច្ចបំរើសំរាប់ខែកក្កដា
  
  សប្ដាហ៍ចាប់ផ្ដើមថ្ងៃទី៧ ខែកក្កដា
  
  ចំរៀង៦
  
  ១០ នាទី: សេចក្ដីជូនដំណឹងប្រចាំតំបន់។ អធិប្បាយលើរបាយការណ៍កិច្ចផ្សាយ ក្នុងខែមេសាប្រចាំប្រទេស។
  
  ១៥ នាទី: «រង្វាន់ចំពោះសេចក្ដីស្មោះត្រង់»។ សំនួរនិងចម្លើយ។ ចូរបន្ថែមឧទាហរណ៍ពីទស្សនាវដ្ដីភ្ញាក់រឭក! ២២ មករា១៩៩៣ ទំព័រ១៨-២១ (ភាសាអង់គ្លេស)
  
  ២០ នាទី: «ជួយអ្នកដទៃស្វែងរកការសម្រាលទុក្ខ»។ ការពិភាក្សាជាមួយអ្នកស្ដាប់។ ចូរបង្ហាញនូវរបៀបផ្សាយមួយឬពីរ។ សូមអញ្ជើញអ្នកស្ដាប់ឲ្យប្រាប់ពីរបៀបផ្សេងៗ ដែលពួកគេបានចាប់ផ្ដើមការសន្ទនា ដោយប្រើសៀវភៅស្តើងដូចគ្នា។ ចូរលើកទឹកចិត្តឲ្យប្រើពាក្យស្រួលៗ ដើម្បីឲ្យមានការចាប់អារម្មណ៍។ (សូមមើលSchool Guidebookទំព័រ៧ វគ្គ៩-១១) ប្រកាសប្រាប់ពីសៀវភៅស្តើងឯទៀតដែលអាចប្រើ ហើយដែលមាននៅក្នុងក្រុមជំនុំ។
  
  ចំរៀង៧០និងការអធិស្ឋានបញ្ចប់។
  
  សប្ដាហ៍ចាប់ផ្ដើមថ្ងៃទី១៤ ខែកក្កដា
  
  ចំរៀង៥
  
  ១២ នាទី: សេចក្ដីជូនដំណឹងប្រចាំតំបន់។ សេចក្ដីរាយការណ៍ពីគណនី។
  
  ១៨ នាទី: «ចូរផ្សាយនៅកន្លែងណាដែលមានមនុស្ស»។ ការអធិប្បាយ។ ប្រសិនបើមានពេល អាចប្រាប់ពីការពិសោធន៍ខ្លះពីសៀវភៅប្រចាំឆ្នាំ១៩៩៧ទំព័រ៤៣-៦។
  
  ១៥ នាទី: ឪពុកម្ដាយ—បង្រៀនកូនរបស់អ្នកពីតូច។ អ្នកចាស់ទុំពិគ្រោះគោលការណ៍ក្នុងបទគម្ពីរ ដែលផ្ដល់នូវចំណុចសំខាន់ៗសំរាប់ឪពុកម្ដាយក្នុងការបង្រៀនកូនរបស់គេពីតូច។ (សុភាសិត ២២:៦; ធីម៉ូថេទី២ ៣:១៤, ១៥) ឪពុកម្ដាយខ្លះមានអារម្មណ៍ថាមិនត្រូវផ្ដល់ការអប់រំខាងព្រះគម្ពីរដល់កូន រហូតកូនបានធំហើយនេះសម្រេចចិត្តដោយខ្លួនឯង។ ក្នុងករណីនេះ កូនក្មេងជាច្រើនបានប្រព្រឹត្តដូចលោកីយ៍។ ការបង្ហាត់បង្រៀនខាងវិញ្ញាណត្រូវចាប់ផ្ដើមពីកំណើត។ (ភ្ញាក់រឭក! ៨ មីនា ១៩៩៧ ទំព័រ២៦-៧; ប៉មយាម ១ សីហា ១៩៨៨ ទំព័រ១២-១៣) (ភាសាអង់គ្លេស) សម្ភាសន៍ប្ដីប្រពន្ធដែលបានបង្ហាញការខ្វល់ខ្វាយអំពីភាពវិញ្ញាណរបស់គេ។ បង្ហាញនូវរបៀបដែលឪពុកជាអ្នកនាំមុខ ទាំងពីរនាក់មានភារកិច្ចក្នុងការផ្ដល់កម្មវិធីគ្រប់គ្រាន់សំរាប់បង្រៀនកូនរបស់គេ។ ប្ដីប្រពន្ធនិយាយប្រាប់នូវការខំប្រឹងបង្ហាត់បង្រៀនសេចក្ដីពិតទៅកូនរបស់គេ ប្រព្រឹត្តតាមយោបល់ដែលអង្គការបានផ្ដល់ឲ្យលើកម្មវិធីដែលមានប្រយោជន៍ សំរាប់បង្រៀនដែលនៅតាមផ្ទះ។ អ្នកចាស់ទុំដៅបញ្ជាក់នូវសារៈសំខាន់នៃការអនុវត្តតាមការដាស់តឿននៃបន្ទូលរបស់ព្រះចំពោះឪពុកម្ដាយ។—ប៉មយាម ១ មេសា ១៩៨៥ ទំព័រ២៣ (ភាសាអង់គ្លេស); អេភេសូរ ៦:១-៤
  
  ចំរៀង៧១និងការអធិស្ឋានបញ្ចប់។
  
  សប្ដាហ៍ចាប់ផ្ដើមថ្ងៃទី២១ ខែកក្កដា
  
  ចំរៀង១៤
  
  ១២ នាទី: សេចក្ដីជូនដំណឹងប្រចាំតំបន់។ សើរើ«កម្មវិធីថ្មីនៃសន្និបាតតាមមណ្ឌល»។
  
  ១៣ នាទី: «តើអ្នកណានឹងទៅឲ្យយើង»? ការអធិប្បាយដ៏លើកទឹកចិត្តមួយ។ ផ្ដល់នូវការលើកទឹកចិត្តឲ្យធ្វើជាអ្នកត្រួសត្រាយពេញពេល និងការពិសោធន៍មាននៅក្នុងសន្លឹកបន្ថែមកិច្ចបំរើព្រះរាជាណាចក្រយើង ខែកុម្ភៈ ១៩៩៧ វគ្គ១៦-១៧។ (ភាសាអង់គ្លេស) ចំពោះអ្នកដែលមិនអាចធ្វើជាអ្នកត្រួសត្រាយពេញពេលបាន ប្រហែលជាអាចរៀបចំនូវខែណាមួយ ដែលអាចធ្វើជាអ្នកត្រួសត្រាយជំនួយ កំឡុងកិច្ចបំរើឆ្នាំមុខនេះ។
  
  ២០ នាទី: ចូរត្រៀមខ្លួនដើម្បីផ្សាយក្រៅផ្លូវការ។ រៀងរាល់ថ្ងៃ តែងតែមានឱកាសហុចឲ្យដើម្បីផ្សាយទៅមនុស្សដែលយើងជួប។ ពេលដែលឱកាសហុចឲ្យនោះ យើងប្រហែលជាគ្មានព្រះគម្ពីរ ឬប្រកាសនវត្ថុប្រើទេ។ ចូរគ្រោងទុកជាមុន។ នៅផ្ទះ ចូរទុកឧបករណ៍ផ្សាយខ្លះជិតមាត់ទ្វារ ជាកន្លែងដែលអ្នកទទួល។ គឺត្រូវមានឧបករណ៍ផ្សាយផ្សេងៗក្នុងកាតាបឬក្នុងកាបូប ហើយទុកជាមួយអ្នកឬក្នុងឡាន កន្លែងធ្វើការ ឬទុកក្នុងទូនៅសាលារៀន។ សូមយកឧបករណ៍ផ្សាយខ្លះទៅជាមួយអ្នក ពេលដែលអ្នកជិះយានសាធារណៈ។ សូមយកឧបករណ៍ផ្សាយទៅផងពេលអ្នកធ្វើដំណើរអាជីវកម្ម ធ្វើដំណើរទៅមហាសន្និបាត ឬទៅដើរកំសាន្ត។ សូមពិគ្រោះនូវយោបល់បន្ថែមក្នុងសៀវភៅSchool Guidebookទំព័រ៨០-២ វគ្គ១១-១៦។ សូមសម្ដែងរបៀបផ្សាយខ្លះដល់អ្នកលក់ អ្នកធ្វើការជាមួយគ្នា សិស្ស អ្នកធ្វើដំណើរឯទៀត ឬក៏អ្នកដើរកំសាន្ត។
  
  ចំរៀង៧២និងការអធិស្ឋានបញ្ចប់។
  
  សប្ដាហ៍ចាប់ផ្ដើមថ្ងៃទី២៨ ខែកក្កដា
  
  ចំរៀង១៥
  
  ១២ នាទី: សេចក្ដីជូនដំណឹងប្រចាំតំបន់។ រំឭកបុគ្គលទាំងឡាយឲ្យដាក់របាយការណ៍កិច្ចផ្សាយ។ សូមសើរើឧបករណ៍ផ្សាយសំរាប់ខែសីហា។ ពេលត្រឡប់ទៅជួបក្នុងខែសីហា ចូរយកចិត្តទុកដាក់លើសៀវភៅស្តើងដែលយើងបានផ្ដល់ក្នុងខែកក្កដា ហើយចូរខំប្រឹងបង្កើតឲ្យមានការសិក្សាព្រះគម្ពីរ។ ដោយប្រើសន្លឹកបន្ថែមកិច្ចបំរើព្រះរាជាណាចក្រយើង ខែមីនា ១៩៩៧ បង្ហាញនូវចំណុចសំខាន់ៗនៃការត្រឡប់ទៅជួបវិញដែលមានលទ្ធផលល្អ។ ការសិក្សាគួរចាប់ផ្ដើមពីសៀវភៅស្តើងតម្រូវ ឬសៀវភៅរស់នៅជានិរន្តរ៍។
  
  ១៥ នាទី: សេចក្ដីត្រូវការតាមតំបន់។
  
  ១៨ នាទី: ចូរបំពេញកិច្ចការផ្សាយរបស់អ្នកឲ្យបានពេញលេញ។ ការអធិប្បាយដោយអ្នកត្រួតពិនិត្យកិច្ចបំរើ ចេញពីសៀវភៅOur Ministry ទំព័រ៥-៨។ ចូរបញ្ជាក់នូវការសំខាន់និងការបន្ទាន់នៃកិច្ចផ្សាយដំណឹងល្អ ជំរុញទឹកចិត្តអ្នកទាំងអស់ឲ្យយកភារៈកិច្ចរបស់គេជាអ្នកបំរើឲ្យបានប្រាកដប្រជា។
  
  ចំរៀង៧៥និងការអធិស្ឋានបញ្ចប់។

ជួយអ្នកដទៃស្វែងរកការសម្រាលទុក្ខ

១៩៩៧ កិច្ចបម្រើព្រះ | កក្កដា
- ប្រឹងទាក់ទងជាមួយវា។ តើអ្នកគិតយ៉ាងណាដែរ តើវាអាចជួយអ្នកឬក៏ធ្វើទុក្ខដល់អ្នក? តើពិតជាមានវិញ្ញាណនៃមនុស្សស្លាប់មែនឬ? [អនុញ្ញាតឲ្យឆ្លើយ] ដើម្បីឆ្លើយសំនួរទាំងអស់នេះ សៀវភៅស្តើង វិញ្ញាណនៃមនុស្សស្លាប់ នេះបានរៀបចំមក។ [ចូរបង្ហាញរូបភាពនិងចំណងជើង នៅទំព័រ៦និង១២] ដើម្បីឲ្យអ្នកជឿពិតប្រាកដចំពោះរឿងទាំងអស់នេះ ចូររៀនពីមូលហេតុទាំងឡាយដែលបានចែងប្រាប់ក្នុងសៀវភៅស្តើងនេះ។ អ្នកអាចទទួលសៀវភៅស្តើងមួយក្បាលសំរាប់ខ្លួនអ្នក ដោយផ្ដល់វិភាគទានតែបន្ដិចបន្តួចប៉ុណ្ណោះ»។
  
  ^៧ ពេលដែលអ្នកត្រឡប់ទៅជួបវិញ អ្នកអាចបង្ហាញរូបភាព នៅទំព័រ៦ម្ដងទៀត នៃសៀវភៅស្តើង «វិញ្ញាណនៃមនុស្សស្លាប់» ហើយនិយាយថា៖
  
  ▪ «ខ្ញុំជឿជាក់ថា ក្នុងពេលដែលអ្នករៀនពីសៀវភៅស្តើងនេះ អ្នកនឹងដឹងនូវមូលហេតុដែលយើងបានដឹងជាប្រាកដថា មនុស្សស្លាប់មិនអាចធ្វើទុក្ខឬក៏ជួយយើងបានឡើយ។ ប៉ុន្តែ តើអ្នកចាប់ភ្លឹកនឹងរូបភាពនៅទំព័រ២៩ទេ? [បើកទៅទំព័រ២៩ ហើយពន្យល់សង្ខេបពីរូបភាព រួចហើយអានយ៉ូហាន ៥:២៨, ២៩ពីសៀវភៅស្តើង] ប្រសិនបើអ្នកមានចិត្តចង់ជួបបុគ្គលដ៏ជាទីស្រឡាញ់របស់អ្នកម្ដងទៀត សូមឲ្យខ្ញុំជួយអ្នកឲ្យមានសេចក្ដីសង្ឃឹមលើដំណើររស់ឡើងវិញ»។ សុំសិក្សាព្រះគម្ពីរតាមផ្ទះជាមួយគាត់។
  
  ^៨ សូមឲ្យយើងខំប្រឹងអស់ពីសមត្ថភាពក្នុងខែខាងមុខនេះ ដើម្បីយកត្រាប់តាមព្រះយេស៊ូ ដោយ‹សម្រាលទុក្ខនៃអស់អ្នកដែលកាន់ទុក្ខ›។—អេសាយ ៦១:២