ចំណេះវិសេសពីបណ្ដាំរបស់ព្រះ | យ៉ូប ១-៥
យ៉ូបបានរក្សាចិត្តស្មោះគ្រប់លក្ខណៈក្រោមការសាកល្បងជំនឿ
យ៉ូបរស់នៅស្រុកអ៊ូស ក្នុងអំឡុងពេលដែលជនជាតិអ៊ីស្រាអែលជាប់ជាឈ្លើយបម្រើនៅស្រុកអេស៊ីប។ យ៉ូបមិនមែនជាជនជាតិអ៊ីស្រាអែលទេ តែគាត់ជាអ្នកគោរពប្រណិប័តន៍ព្រះយេហូវ៉ាដោយស្មោះភក្ដី។ គាត់មានក្រុមគ្រួសារធំ ហើយជាអ្នកមានស្តុកស្តម្ភ ថែមទាំងមានការកោតសរសើរពីមនុស្សក្នុងតំបន់ដែលគាត់រស់នៅទៀតផង។ គាត់ជាទីប្រឹក្សាដែលគេគោរពស្រឡាញ់ ជាចៅក្រមមិនលម្អៀង ហើយមានចិត្តសប្បុរសចំពោះអ្នកក្រីក្រនិងអ្នកដែលខ្វះខាត។ យ៉ូបជាបុរសដែលមានចិត្តស្មោះគ្រប់លក្ខណៈចំពោះព្រះ។
យ៉ូបបានបង្ហាញយ៉ាងច្បាស់ថា ព្រះយេហូវ៉ាជាបុគ្គលដ៏សំខាន់បំផុតក្នុងជីវិតរបស់គាត់
សាថានបានសង្កេតឃើញថាយ៉ូបមានចិត្តស្មោះគ្រប់លក្ខណៈចំពោះព្រះយេហូវ៉ា។ សាថានមិនបានប្រកែកថាយ៉ូបមិនចេះស្ដាប់បង្គាប់ព្រះទេ ប៉ុន្តែ វាបានធ្វើឲ្យមានការសង្ស័យទៅលើបំណងចិត្តរបស់យ៉ូបវិញ
សាថានបានអះអាងថាយ៉ូបបានបម្រើព្រះយេហូវ៉ា ដោយសារតែផលប្រយោជន៍ប៉ុណ្ណោះ
ដើម្បីផ្ដល់ចម្លើយចំពោះការចោទប្រកាន់របស់សាថាន ព្រះយេហូវ៉ាបានអនុញ្ញាតឲ្យសាថានធ្វើបាបបុរសដ៏ស្មោះត្រង់នេះ។ សាថានបានបំផ្លាញអ្វីៗទាំងអស់ដែលយ៉ូបមាន
ពេលយ៉ូបបានរក្សាចិត្តស្មោះគ្រប់លក្ខណៈចំពោះព្រះ សាថានបានធ្វើឲ្យមានការសង្ស័យទៅលើចិត្តស្មោះគ្រប់លក្ខណៈរបស់មនុស្សទាំងអស់
យ៉ូបមិនបានធ្វើអំពើខុសឆ្គង ហើយក៏មិនបានចោទថាអ្វីៗដែលបានកើតឡើងនោះគឺមកពីព្រះឡើយ